日本旅遊攻略
經常見到男生控訴韓迷女友「畀貴錢食部隊鍋」，其實小編都認同，喺香港食部隊鍋確實唔抵，一嚟味道唔夠正宗，二嚟價錢又比韓國貴。既然去到 韓國 旅行，當然要食餐部隊鍋，好好感受當地正宗嘅國民美食！
01｜半世紀原汁原味部隊鍋 魚板食堂
部隊鍋其實係點嚟嘅呢？韓戰過後、物資短缺，當時議政府市內嘅美軍基地留底不少食糧，附近居民就利用僅餘嘅腸仔、午餐肉、芝士等食材，再加入傳統辣椒醬烹調，因而成就一道「部隊鍋」。相傳部隊鍋發源地就係呢條「議政府部隊鍋街」，成條街專食部隊鍋，其中一間就有過半世紀歷史！
魚板食堂可以話係部隊鍋元祖代表，連韓國人到議政府部隊鍋街都係搵佢一間。正宗部隊鍋材料有火腿餐肉、腸仔、煙肉、免治肉、芝士、拉麵、粉絲、豆腐同年糕，魚板食堂仲有提供烏冬同薯仔餃子。魚板食堂部隊鍋價錢劃一價，一人 8,000 韓圜（約 55 港元），可以另外追加配料。
魚板食堂
地址：京畿道議政府市護國路 1309 街 7（경기도 의정부시 호국로1309번길 7）
電話：+82 (0)31 842 0423
營業時間：本館每日 9am - 9pm、別館每日 9:30am - 10pm
地圖 按此
02｜韓國網民強推 蛤蟆部隊鍋
唔知大家知唔知首爾市廳一帶其實隱藏好多地道美食餐廳，當然都有部隊鍋喇！呢間蛤蟆部隊鍋人氣好高，十個韓國網民入面，起碼有 4、5 個都推薦佢。網民話好食之外，店員服務態度都好好。
部隊鍋每人 7,000 韓圜（約 48 港元），而鍾意食拉麵、飯嘅朋友喺呢間食就有福喇！拉麵同飯都可以無限添加，其他餐廳大部分都要逐個麵餅收 1,000 韓圜（約 7 港元）。
當一般嘅部隊鍋滿足唔到大眾嘅時候，就會出現進化版！一個鍋物上面有齊大家鍾意嘅部隊鍋、辣炒豬肉年糕、芝士、可樂餅，滿足你 4 個願望。
Set 價錢：
2 人份 19,500 韓圜（約 133 港元）
3 人份 27,000 韓圜（約 185 港元）
4 人份 34,000 韓圜（約 233 港元）
Simson 湯另外有提供牛油，畀大家撈飯食！雖然部隊鍋嘅湯加牛油撈飯完全係肥仔餐，但味道真係令人想一直食落去。
Simson 湯 심슨탕
地址：首爾麻浦區西橋洞 335-21（서울 마포구 서교동 355-21）
電話：+82 (0)2 323 8310
營業時間：每日 11:30am 開始
地圖 按此
04｜配上牛肉嘅升級版 Italy 部隊鍋
只要每人界多 1,000 韓圜（約 7 港元）就可以由部隊鍋升級至「部隊火鍋」。分別喺邊呢？就係在部隊鍋基本材料以外再多放幾塊肉片，味道好唔好睇人氣就知道～韓國人去到都係叫部隊火鍋咋！
部隊鍋價錢：每人 8,000 韓圜（約 55 港元）
部隊火鍋價錢：每人 9,000 韓圜（約 62 港元）
Italy 部隊鍋 이태리부대찌개
地址：首爾江南區論峴路 149 街 73 1 樓（서울특별시 강남구 논현로149길 73 1층）
電話：+82(0)2 517 7783
營業時間：每日 11am - 11pm
地圖：按此
05｜部隊鍋新式食法：乾炒！？！
部隊鍋唔一定要濕食，乾食都得！炒部隊鍋（一人份量價錢 10,000 韓圜，大約 68 港元）將所有材料炒乾身，再加入木薯粉，就好似香港茶餐廳嘅炒粉咁，韓國人一樣都係配飯食～
店內都有提供部隊鍋，一人價錢 8,000 韓圜（約 55 港元）。
Uncle 部隊鍋 엉클부대찌개
地址：首爾瑞草區瑞草洞 1656-4（서울특별시 서초구 서초동 1656-4）
電話：+82(0)2 522 5677
營業時間：每日 11am - 10pm（新年、中秋節休息
地圖：按此
UTravel熱門旅遊話題
＞登記即送，人人有賞！＜
↓即睇最新行程懶人包、爆紅打卡點🔥、必吃美食😋等↓
