新加坡地道早餐老店食咖央多 | U Travel

澳門快閃遊

大灣區快閃遊

正在閱讀
新加坡地道早餐老店食咖央多

文: U Magazine

2017.07.16

來到新加坡，晨早搵食要去邊？梗係食咖央多啦！想食個地道早餐，又唔想去連鎖店亞坤，有咩地道老店必去？當地人推薦在牛車水附近，恭錫路上的東亞餐室。

這間老店已傳至第 4 代，幾年前被逼由老店搬到對面的新店，風味雖減，咖央多依舊是新加坡人心目中最傳統的一家。咖央麵麵包有 4 款選擇，包括傳統、法式、蒸麵包和鬆脆薄片，全部即叫即整，咖央醬特別在甜度較輕，斑蘭葉和椰子香味好突出。套餐除了麵包，還包括兩隻半熟蛋和飲品。

飲品方面，咖啡奶茶也有很多種，究竟點分？原來點最普通的咖啡或奶茶，入面已加煉奶和糖；Kopi C 是加糖加淡奶，而Kopi O是只加糖的黑咖啡。

薄脆吐司：多士烘得香脆不乾，牛油與咖央醬落足料，味道不太甜，班蘭香味很濃，食一份好似唔夠喉。

法式吐司：吐司沾蛋汁再烤，加糖漿和咖央醬吃，特別香甜。

吐司即叫即整，烘過後塗上厚厚牛油和咖央醬。

半生熟蛋點食？將蛋打在碟上，加上醬油和胡椒粉調味，可以用湯匙吃或用多士沾蛋汁吃。

咖央多配上半生熟蛋和咖啡、奶茶，就是最傳統的新加坡式早餐。

雖然東亞招牌依然高掛，但紅白舊樓原址已變成潮店 Potato Head，搵食記得去新店，唔好摸門釘。

東南餐室已搬至對面 7-11 旁，從舊址行幾步過馬路就到。

東南餐室 Tong Ah Eating House

地址：35 Keong Saik Road, Singapore

營業時間：早上 7 點至晚上 10 點

文：ngwan　相：ricky

UTravel熱門旅遊話題

《 U GO》請您去香港國際旅遊展 2026！↓
全球5大洲400+展商💎80+場達人講座🎤

🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟