日本旅遊攻略
去鳥取，刻板印象覺得，只有柯南鬼太郎砂丘或大食特食蟹蟹蟹，但除了這些，其實鳥取還有其他好玩好食的地方，如果計劃會去鳥取旅行的話，記得 Bookmark 定啦！
鳥取雖然係日本人口最少的縣，但論好玩好食，絕對唔會比大城市輸蝕，好似大部分日本通都知的鳥取砂丘、青山剛昌故鄉館及水木茂紀念館，其實仲可以去境港食蟹、去摘日本最甜的梨王、白兔神社求姻緣、去三朝浸溫泉、睇星空及玩水上活動，真係夠晒多元化，總有啱你心水。
【延伸閱讀】【#UTravel潮日放送】日本麥當勞 X Calpis 藍白波點乳酸味奶昔
【延伸閱讀】【#UTravel潮日放送】和風系的極上野外 HOSHINOYA FUJI
#1 浸治癒溫泉 @三朝溫泉
去日本要浸溫泉，是常識吧！鳥取中部有世界上屈指可數的「鐳」元素溫泉，其鐳素與空氣產生化學反應，繼而產生大量氡，有顯著藥性，據說甚至有治療癌症功效。除咗溫泉出名外，三朝有條名字相當浪漫的「戀谷橋」，橫跨三朝川，兩隻大青蛙就站在橋上對望，掛滿一個個求緣繪馬。相傳只要撫摸一下橋中央的青蛙像，就能「良緣成就、戀愛成就、夫婦圓滿、子孫繁榮」。
地址：鳥取縣東伯邵三朝町
交通：JR 山陰線倉吉站，搭開往三朝溫泉的巴士，車程約 20 分鐘。
#2 欣賞美麗星空 @佐治天文館
位於佐治町高山的佐治天文館，被日本人列為睇星空最靚的地方，流星出現機會超高，閒閒哋一晚點都睇到三至四粒流星在夜空飛過，加上四周被群山環抱，環境非常寧靜，絕對係遠離人煙、偷得浮生之選。天文館是日本難得會提供主宿服務的天文館，大家唔使觀完星要露宿山頭啦！除咗有得住宿外，仲係一泊二食，夜晚有豐富和牛燒烤，等你食飽飽先去觀星。
佐治天文館
地址：鳥取県鳥取市佐治町高山 1071-1
電話：由 JR 用瀨站乘約 20 分鐘的士
營業時間：9am - 10pm (4 月至 9 月 )，9am - 9pm (11 月至 3 月)
交通：由 JR 用瀨站坐大概 20 分鐘的士
天文台入場費：300 日圓（高中生以下免費）
留宿詳情及價錢：p-cosmos.net
價錢：成人 11,880 日圓起，小童 9,828 日圓起
#3 日本最大砂丘 @鳥取砂丘
鳥取砂丘是經過 3 萬年才凝聚而成的大自然傑作，亦是當地人熱門的拍拖及旅遊勝地，景色之壯觀，是日本最大的砂丘之一，既可看着名陽在砂丘沉沒，又可在黃砂漫步，眺望蔚藍的日本海，確實浪漫到一個點。欣賞有幾個方法；騎駱駝、上觀景台、搭吊車更可以畀多少少錢玩滑翔傘都得，想點睇，就點睇。不過，如果你選擇用雙腳或是玩滑翔傘的話，要做定心理準備，絕對消耗你大量體力。仲可以去埋「砂 の 美術館」。
鳥取砂丘
地址：鳥取縣鳥取市福部町湯山 2164-661
電話：+81(0)857 223318
網址：torican.jp
交通：在 JR 鳥取站下車，搭乘巴士約 20 分鐘，在「鳥取砂丘」落車
#4 探訪柯南 @青山剛昌故鄉館
日漫迷，去鳥取必定會到訪由良，事關東伯郡北榮町的由良是作者青山剛昌的出生地，由良亦有另一個暱稱「名偵探柯南之里」（コナンの里），連 JR 由良站都在 4 年前都加多個別名「柯南站」。走在大街小巷，處處都見到柯南嘅嘜頭，好似水渠蓋、燈柱、橋邊，連圖書館都有柯南，確實稱得上是名偵探柯南之里。如果夠 lucky 的話，仲可以坐埋全由良唯一一架柯南的士。順便去埋今年 4 月先開的米花商店街，在柯南屋企前同佢 SAY 個 HI！
青山剛昌故鄉館
地址：鳥取縣東伯郡北榮町由良宿 1414
電話：+81(0)8 5837 5389
門票：成人 700 日圓（約 49 港元），高中及國中生 500 日圓（約 35 港元），小學生 300 日圓（約 21 港元）
開放時間：9am-5:30pm（最後入館時間 5pm）
交通：在JR山陰本線「由良站」落車，步行大概 20 分鐘
網址：gamf.jp
#5 膽生毛必去 @水木茂紀念館（鬼太郎）
去鳥取，除咗要去青山剛昌故鄉館，當然要去埋漫畫家「水木茂老師」創作的「鬼太郎」的境港，在最熱鬧的境港市內，就可找到水木茂老師留下的足迹，像長約 800 米的「水木茂路」就擺放了 150 多座妖怪青銅像，兩旁商店多是出售《鬼太郎》紀念品，也可找到不少可愛的鬼太郎小食，像妖怪麵包、眼球和菓子棒、妖怪 Latte 等，怪裏怪氣得來夠晒特色。當然要去埋水木茂紀念館啦！
水木茂紀念館
地止：鳥取縣境港市本町5番地
電話：+81(0)859 42 2171
收費：成人 700日圓 ，高中生 500日圓，小學生 300 日圓，小學生以下免費
時間：9:30am - 5pm
交通：從 JR 境港站 步行 10 分鐘
#6 蟹癡必去 @境港
雖然鳥取是日本人口最少的縣，但就係蟹產量最多的地方，每年 11 至 3 月，是松葉蟹的當造期，自第一艘松葉蟹捕蟹船回到港口起，拍賣市場每朝都幾十籮上落拍賣最新鮮的蟹，到處飄蕩着蟹的氣味。除咗松葉蟹之外， 9 至 6 月盛產紅楚蟹，肉質肥美，蟹味超濃。其中有間在港市有間食店，有紅楚蟹 45 分鐘任食放題，真係抵食到無朋友，3,000 日圓（男）已經有交易，侍應仲會即場教你拆蟹。
海心
地址：日本鳥取縣境港市福定町 1802 - 23
電話：+81(0)859 42 3223
時間：11am-3pm、5pm-10pm（星期四休息）
價錢：45 分鐘紅楚蟹 45 分鐘任食放題
男性 3,000 日圓、女性 2,500 日圓、小學生 1,500 日圓
交通：於境港市內，設免費接送，必須預約
#7 食最甜的日本梨王 @二十世紀梨
鳥取除咗蟹出名，其實梨都係稱霸全國，名為「二十世紀梨」，雖則早在 18 世紀被命名，但日本人認為它形狀豐盈優美、香甜多汁，有日本梨王之稱。而鳥取縣是日本國內出產最多二十世紀梨的地方，果園處處，其中「味果園」已有 100 年歷史，於梨當造時會開放給公眾任摘任食。若要買走，價錢大概 100 港元左右，就有 5 個大大個甜梨。
味果園
地址：鳥取市福部町湯山 1206
入場費：成人 99 港元，小童 79 港元入園摘梨任食 1 小時
開放時間：8 月起至 11 月上旬，9am - 5pm
交通：JR 鳥取站，乘「岩井線」巴士於「浜湯山站」落車
電話：+81(0)857 75 2175
#8 為戀愛加油 @白兔神社
去鳥取縣鳥取市的白兔神話道の駅的司機與乘客不只為車加油，仲會順道為自己的戀愛運加油。相傳，白兔為了渡海，跳上了鯊魚背部而觸怒牠們，更被咬掉皮毛。大國主神路過見到，教白兔用池水洗身，白兔果然康復，更預言大國主神會成功迎娶公主，結果預言成真。人們就在白兔用過的水池附近建「白兔神社」，說對求姻緣和治療皮膚病的祈願特別靈驗！
地址：鳥取縣鳥取市白兔 613 番地
電話：+81(0)85 759 6700
營業時間：8am - 11pm
交通：JR 鳥取站乘 20 分鐘的士 或 乘鹿野線（鹿野行）巴士約 40 分鐘，在「白兔神社前」落車
#9 日本最大花卉主題公園 @鳥取花回廊
面積足足有 50 個足球場咁大，分成十多個特色區域，包括跟荷蘭著名的 Keukenhof 公園合作的花園、水上花壇、亞熱帶花卉溫室、花圃小火車等，整個園區由約 1km 的走廊貫穿，一邊參觀一邊拍照可消磨大半天行程。暑假期間，加開夜間庭園，特別有浪漫感覺。
地址：鳥取県西伯郡南部町鶴田 110
入場：成人 700 日圓起，中小學生 280 日圓起
開放時間：9am - 5pm，星期六、日 5pm - 9pm 加開夜間庭園（暑假）
交通：JR 米子站乘免費穿梭巴士約 25 分鐘到達
電話：+81(0)859 48 3030
#10 水上活動首選 @岩美町
好多人去鳥取都可能只去砂丘呀食蟹呀，順道探柯南及鬼太郎已覺夠喉，但其實如果鍾意大自然及水上活動的話，可以買一日乘車券搭懷舊巴士（ボンネットバス），遊走山陰海岸地質公園，途經鳥取砂丘、浦富海岸遊覽船搭乘處、網代港、鴨ヶ磯海岸、城原海岸、田後港、浦富海岸、岩美駅、岩井溫泉等觀光點。如果想玩水上活動，可以在岩美駅落車，去岩美町立渚交流館，玩透明獨木舟或浮潛等等，可以親親海洋。
岩美町立 渚交流館
地址：681-0001 鳥取県岩美郡岩美町牧谷 690 番地 20
電話：+81(0)857 73 0118
網址：iwami.to
觀光巴士網址：iwami.gr.jp（如搭觀光巴士，請睇清楚開行日期及時間）
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
