日本旅遊攻略
北海道每個城巿都好似隔好遠，似乎自駕遊比較有利，但淨係北海道首府札幌已經有唔少好玩好食嘅地方。今次集中在札幌精選 10 家，只需搭 JR 或者地下鐵，就可以輕鬆找到當地人都推介嘅美食！
#01 北之美食亭 (北のグルメ亭)
去北海道梗係要食海鮮！「北之美食亭」位於中央批發市場場外市場，係 70 年老店，佔盡地利、以當日現撈新鮮漁穫作食材。主打各式各樣刺身丼飯，最具人氣係有 10 種海鮮嘅海鮮丼，另外招牌菜仲有備長炭烤魚及烤鱈場蟹。食物質素高，價錢卻平易近人，唔單止當地人，更廣受日本演藝人員喜愛。
.webp "北之美食亭 (北のグルメ亭) 圖：びわん雑記Ⅱ")
地址：日本 北海道札幌市中央区北 11 条西 22-4-1
電話：+81 (0)11 621 3545
營業時間：07:00 - 15:00 (L.O. 14:30)
交通：札幌市營地下鐵東西線二十四軒站，徒步5分鐘
#02 根室花丸 (根室花まる) JR Tower Stella Place 店
根室花丸係超人氣迴轉壽司連鎖店，位於 JR 札幌站 Stella Place，好方便。使用根室近海直送海鮮捏製壽司，每碟價錢由 140 日圓至 453 日圓 (含稅)不等，抵食又高質！營業時間到晚上 11 點，完成一整日行程都仲趕得切去食。
地址：日本 北海道札幌市中央区北 5 条西 2 丁目 札幌 JR Tower Stella Place (ステラプレイス センター) 6F
電話：+81 (0)11 209 5330
營業時間：11:00 - 23:00 (L.O. 22:15)
交通：JR 札幌站【東改札口】JR Tower 大丸側可見 Stella Place，直上 6 樓
#03 小樽政壽司 薄野店（おたる政寿司 すすきの店）
漫畫《將太的壽司》以小樽「政壽司」本店為藍本，喺札幌薄野 (すすきの)都有分店。政壽司集結北海道當地產新鮮食材與日本一流壽司技術，可品嘗性價比高嘅正宗壽司，兼欣賞師傳精湛手藝。
地址：日本 北海道札幌市中央区南7条西3丁目
電話：+81 (0)11 511 0440
營業時間：11:30am - 2pm、5pm - 2am（逢星期一休息）
交通：札幌市営地下鐵南北線中島公園站，徒步 3 分鐘
04/ 札幌螃蟹本家 薄野店 (札幌かに本家 すすきの店)
遊北海道必食蟹，除咗放題勁食之外，想食得精緻又高質，可以考慮去食蟹嘅專門店。札幌螃蟹本家係當地人都非常推薦嘅蟹宴專門店，可謂在札幌市區食螃蟹大餐首選，午巿及晚市均有蟹宴套餐，亦可以食蟹火鍋。螃蟹本家人氣極高，想去就預約定較穩陣。
地址：日本 北海道札幌市中央区南六条西 4-1-3
電話：+81 (0)11 551 0018
營業時間：11:30am - 11pm (L.O. 10:30pm)
交通：札幌市営地下鐵南北線薄野站 Robinson出口，徒步 3 分鐘、札幌市営地下鐵東豊線豊水薄野站 7 號出口，徒步 3 分鐘
#05 北海道螃蟹將軍 札幌本店 (北海道かに将軍 札幌本店)
蟹係貴價食物，但到北海道至少要豪一次！另一間當地人推薦嘅蟹專門店「北海道螃蟹將軍」，一樣有提供松葉蟹、帝王蟹、毛蟹等三種蟹類宴席料理，中午時段更會不定期推出只要2,000日圓正宗螃蟹料理。
地址：日本 北海道札幌市中央区南 4 条西 2 丁目 14-6
電話：+81 (0)11 222 2588
營業時間：11:30am - 10:30pm (L.O. 10pm)
交通：札幌市営地下鐵南北線薄野站3號出口，徒步 3 分鐘、札幌市営地下鐵東豊線豊水薄野站 3 號出口，徒步 1 分鐘
#06 麵屋彩未
日本電視或者網媒介紹札幌市內拉麵排行榜時，彩未經常都名列前茅，更多次位列榜首，稱得上當地人心目中No. 1。彩未最具人氣招牌拉麵係味噌拉麵，配上薑泥，湯底香濃但唔會太油膩，好滋味果然名不虛傳！
地址：日本 北海道札幌市豊平区美園 10 条 5-3-12
電話：+81 (0)11 820 6511
營業時間：11am - 3:15pm；5pm - 7:30pm
交通：札幌市営地下鐵東豊線美園駅站 1 號出口，徒步 4 分鐘
#07 一幻 新千歳空港店(えびそば一幻 新千歳空港店)
新千歲機場嘅北海道 ラーメン 道場，匯集了北海道好幾家拉麵名店，一落機就可以去食。一幻就喺北海道ラーメン道場門口，非常易認。湯頭用甜蝦的蝦頭熬煮而成，混合以烤蝦頭磨成嘅蝦粉，蝦味既鮮且濃，令人回味！
地址：日本 新千歳空港ターミナルビル3F北海道ラーメン道場内
電話：+81 (0)123 45 6755
營業時間：10:00 - 21:00 (L.O. 20:30)
交通：新千歳空港北海道ラーメン道場内
網址：ebisoba.com
#08 Picante
湯咖哩係北海道其中一種代表食物，而 Picante 就係當地人熱門推薦，喺藥膳咖哩湯中加入大量北海道盛產蔬菜及肉類，冬天時分食碗溫暖嘅湯咖哩，夠晒禦寒。
地址：日本 北海道札幌市北区北十三条西3アクロビュ－北大前1F
電話：+81 (0)11 737 1600
營業時間：11:30am - 11pm (L.O. 10:45pm)
交通：札幌市営地下鐵南北線北 12 条站，徒步 3 分鐘
網址：picante.jp
#09 六花亭 札幌本店
六花亭於 1933 年就開業，前身係日本第一間白朱古力的專賣店「千秋庵」，係歷史悠久菓子專門店，可謂北海道必買手信。1 樓係商店，買滿 5,401 日元以上即可退稅，非常方便。2 樓喫茶室可以坐定定歎人氣甜點，亦有提供札幌本店限定商品。
地址：日本 北海道札幌市中央区北4条西6-3-3
電話：+81 (0)1 2012 6666
營業時間：10am - 7pm；2F 喫茶室 10:30am - 6pm (L.O. 5:30pm)
交通：JR 札幌駅站，徒步 5 分鐘
#10 北菓樓 札幌本館
北菓樓札幌本館前身為有 90 年歷史嘅北海道廳立圖書館，請來建築大師安藤忠雄操刀設計，花費約 14 億日元去翻新成為「北菓樓」札幌旗艦店門市。2 樓 Cafe窗明几淨，座位前後方都有直達天花板書櫃，體現歷史與現代和諧融合。必食名物泡芙「夢句路輪賛」，每日限時、限量發售，想食要早啲去排隊喇！
地址：日本 北海道札幌市中央區北 1 条西 5 丁目 1-2
電話：+81 (0)800 500 0318
營業時間：10am - 7pm、Cafe 10am - 6pm (L.O. 5:30pm)
交通：JR札幌駅站徒步 5 分鐘、札幌市営地下鐵大通站5號出口徒步 5 分鐘
網址：www.kitakaro.com
札幌自由搵食地圖：
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
