日本旅遊攻略
日本電訊商 NTT docomo 7 月 1 日起推出只限外國旅客購買的「Japan Welcome SIM」，SIM 卡可於全日本 4G 上網最多 15 日，不需設定 APN，即插即用，SIM 卡仲有不用收費計畫，其中一個係「免費」！（SIM 卡取卡地點暫時只覆蓋東京成田及羽田檮場、關西機場及博多巴士客運大樓）
免費咁抵 伏味濃？
即睇以下 Japan Welcome SIM 上網計畫介紹：
| 計畫 | 收費 | 內容 |
| Plan 0* | 免費 | 開通 SIM 卡前需在官方網站睇廣告etc 賺取數據，4G 無限上網，限速 128 Kbps |
| Plan 1000 | 1,000 日圓** | 4G 無限上網，限速 128 Kbps |
| Plan 1700 | 1,700 日圓** | 4G 無限上網，500 MB 最高 682 Mbps 高速上網，超過用量後限速 128 Kbps |
*Plan 0 預計 10 月推出
**收費未連稅
免費的「Plan 0」，其數據流量要通過睇廣告或回答問卷來賺取，而且速度則只有 128kbps，即係上網睇張圖都要等十幾廿秒、YouTube 甚至睇唔到，至於傳送 WhatsApp / Line 文字訊息就 ok，圖片、語音、call 都會好慢。
如是者，這張 SIM 值唔值得推介？
小編覺得，絕對適合低用量遊客；
原因 1：
SIM 卡不需設定 APN，即插即用，比市面其他日本上網 SIM 卡方便得多
原因 2：
因為今次 NTT docomo 推出「免費賺取數據流量」方法，適用於 Plan 0 / 1000 / 1700：
(1)只要在官網睇廣告影片、文字圖片廣告、回答問卷，都可獲 10MB，安裝 Apps 則可獲 50 MB；
(2)官方即將推出期間限定活動，凡介紹朋友使用，可取得 100MB 高速上網
如果唔想睇廣告，可以選擇「課金」充值：
以 200 日圓購買 100 MB / 700 日圓購買 500 MB 最高 682 Mbps 高速上網
綜合以上，數據用量低的遊客絕對可以考慮，首先「課金」價只需約 15 - 50 多港元，即使選用 Plan 1700 約 120 港元，15 日內享 500 MB高速上網（超過用量後限速）價錢都算抵。謹記：凡需要使用大量數據的動作，都在提供 free Wi-Fi 的場所、酒店進行，真係爆 data 的話，就睇廣告或回答問卷來賺取數據喇！
使用方法
步驟 1：在官網選好計畫並以信用卡付費
步驟 2：透過睇廣告、回答問卷等，或介紹朋友使用，來賺取數據流量
步驟 3：抵達日本後，在指定地方*取 SIM 卡並即插即用
*取卡地方包括成田國際機場第 1 航廈 / 成田國際機場第 2 航廈 / 羽田機場國際線航廈 / 關西國際機場第 1 航廈內的「JAL 日本航空 ABC 櫃檯」，
及博多巴士客運大樓 Docomo Shop（8 月 1 日開始）。
Japan Welcome SIM
目前未開放預售，敬請留意官方更新
WAmazing SIM 加入戰團
日本 WAmazing 公司推出免費 SIM 卡，卡內含 500 MB 數據流量，由 NTTdocomo 提供的 LTE/3G 網路，限速 512kbps，並從最初提供 5 天免費 SIM 卡，到本月宣布 SIM 卡延長使用至 15 天。只要下載 WAmazing App，註冊成為會員，掃描 App 內的 QR code 即可在成田機場第一、二及三航廈國際線到達廳的 4 部免費 SIM 卡領取機中領取（目前只在成田機場提供 SIM 卡）。
留意，官方指必須在領取前 4 小時完成會員註冊手續。
如想加大數據流量，方法有 2 個，但都不是免費：
方法 1﹕利用 WAmazing App 預訂指定酒店，可額外獲得 SIM 卡數據流量，預訂酒店達 25,000 日圓以上，即獲贈 1GB；達 50,000 日圓以上，即獲贈 1.5 GB（其後每超過 25,000 日圓就會獲贈 0.5 GB 數據流量）
*以上預訂酒店回贈數據流量計畫，只限 Android 版提供，iOS 版將於 9 月上旬起開放。
方法 2﹕直接在 App 應用程式內加購，500 MB 為 999 日圓，1GB 為 1499 日圓，1.5 GB 則為 1999 日圓（價錢未含稅）。
2大免費 SIM 卡比拼
*以上預訂酒店回贈數據流量計畫，只限 Android 版提供，iOS 版將於 9 月上旬起開放。
總結：不介意慢，行「3G」也可以的遊客，建議選用 WAmazing SIM（只限東京成田檮場領取），因為免費包 500 MB，但 NTT docomo Japan Welcome SIM 就要加買 700 日圓先有 500 MB。想快一點，同時想逐少逐少賺取數據 / 購買數據的省錢族，則推介使用 NTT docomo Japan Welcome SIM。
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
