日本旅遊攻略
正所謂一日之繼在於晨，食個豐富早餐就有 good 嘅 morning，尤其是去露營 ，吸啖清新空食，食個靚早餐，人都醒神啲。鍾意露營的商台 DJ 麻利及 ＸColin ，親自落廚炮製兩款簡單易整又好味的露營早餐，仲有台灣露營達人傳授私房食譜。
去露營唔代表要劣食，現在好多 Camping 友都煮得一手好菜，親親大自然，又有好東西食，真係人生一大樂事。而麻利及 Colin 都一樣，對露營的食物都有一定要求，尤其是晨早起身之後的第一餐，今次分享咗兩個零難度又好味的食譜，仲有台灣達人教你整大廚級味道的白酒香草燉豬肉。
【延伸閱讀】【#環球趣趣哋】究極之 camping 峭壁上過夜
【延伸閱讀】【#科技股】外套變帳幕 Camping 輕鬆啲！
#1 簡單易整 超鬆軟 Pancake
製作方法相當簡單，只要將所有材料拌成 pancake 漿，在煎 pan 上塗牛油，倒入 pancake 漿，慢火，兩邊各煎約 4-5 分鐘，表面有微微金黃色，完成。
材料：
無印良品 Pancake 預拌粉 1 包、雞蛋 2 隻、鮮奶 1 盒（屋仔奶）
#2 雙重口感 朱古力豆熱鮮奶
朝早起身，好多人習慣飲杯熱鮮奶暖暖胃，但如果覺得有點 dry，可以試吓麻利推介，學《伙頭仔昆布》整朱古力豆熱鮮奶，又係完全零難度。只要將朱古力豆加入煲的鮮奶，搞掂。朱古力豆的顏色，令純白的鮮奶變得七彩，睇落已經夠歡欣，仲滲有淡淡的朱古力香味。
材料：
鮮奶 1 盒（屋仔奶）、朱古力豆適量
台灣達人 教煮露營美食
今次搵嚟愛 camping 兼煮得一手好菜的台灣靚媽咪 陳嘉琪 傳授，零失敗兼難度唔算太高的「白酒香草燉豬肉」，現場食過，真係好味到停唔到口， camping 友必試。
想睇更多嘉琪的煮食心得，可瀏覽她的 blog：jennieschen.pixnet.net
#3 白酒香草燉豬肉
嘉琪準備了好多材料，以為好複雜，但原來好簡單。只要將所有材料倒落個鍋，煮一小時，食得！打開煲蓋即時閒到好香的白酒味，食落五花腩好入味又夠鬆軟，連配菜都好入味，最緊要飲埋超鮮甜的湯汁，好滿足。
材料：
五花腩肉 2.1斤 （4-6 人份量）
白酒(唔甜)300 毫升
蘿蔔 1-2 條
薯仔-3 個
洋葱 1-2 個
蒜頭 5-6 粒（隨個人喜好，可加可減）
醃料：
月桂葉 適量
香草 適量
胡椒 適量
鹽 適量
迷失香 適量
做法：
1. 將所有醃料放在五花腩上醃，記得同佢做按摩，等醃料可以滲進肉中，再用麻繩紮成圓柱狀，然後撒上醃料及迷迭草，包上保鮮紙，冷藏三日；
2. 將配菜；蘿蔔、薯仔及洋蔥切粒備用；
3. 起油鑊，將五花腩表面煎至金黃色，備用；（每一面大概煎 3 - 5 分鐘）
4. 先將切好的洋蔥炒香，再放入蘿蔔及薯仔；
5. 將五花腩放回煲中；
6. 將 300毫升 (即大概 1 枝細白酒)倒入鍋中，再放入蒜頭（記得唔好剝皮，以防蒜頭煮爛）
7. 蓋上煲蓋，慢火燘煮 1小時，熄火再焗 15 分鐘，完成。
影片教學：
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
