日本旅遊攻略
郵輪總畀人刻板的印象，好似只係退休或老人先會參加，以為好鬼悶？咁就錯喇！而家好多郵輪都有好多刺激遊戲，就好似即將下海的 Norwegian Joy 郵輪，船上竟然有小型賽車玩呀！
挪威郵輪公司 Norwegian Cruise 最近在即將下海的新郵輪 Norwegian Joy 有項全世界車迷都極之期待的遊戲設施，就係同 Scuderia Ferrari Watches 合作，在郵輪設小型賽車。喺郵輪上玩賽車已經夠刺激，仲要同法拉利玩 crossover（雖則係小型），坐喺架車入面頓時覺得自己舒密加上身。
不過，車迷可能會有點失望，因為車身至賽道都冇任何法拉利嘜頭，呢個 crossover 真係夠晒神秘。不過，全長 230 米的賽道，呈「M」字型設計，有多個多過難度超高的彎位，唔識飄移，真係好易撞車，加上雙層式設計，上斜落車再急速轉彎，確實幾好玩。邊吹海風邊玩賽車，真係爽到一個點。
好想玩？唔使心急，Norwegian Joy 在今個月，即 6 月 28 日會在上海舉辦首航儀式喇！暫時主要航綫規劃在北京、天津、上海及日本等。
【延伸閱讀】釜山海雲台 勁有 feel 海邊食韓燒
【延伸閱讀】夢幻富士山 聳立雲海與城市夜景中
全球首個海上雙層小型賽車場，由兩大名師打造，可同時容納 10 架小型賽車，為咗解決喺海上會左搖右擺的情況，又要維持國際級水平的賽道規格，故用上特別賽道物料，可以抵抗空氣中的鹽份、濕氣及烈日強光，防撞欄都夠晒安全。
雖然今次同 Scuderia Ferrari Watches 合作，極之低調，連賽車道與車身都搵唔到法拉利嘜頭，但忠粉見到其專屬的黑紅色調，應該認得出來。
雖然是充電式設計，最高時速只有 30 公里，但上斜絕對零難度，馬力十足。
呢個賽道並非鬥速度，而係鬥技術，有五個難度超過的彎位，又要上斜落斜，真係少啲技術都唔掂。
操控相當簡單，右腳是油門，左腳是煞車，綠色掣是加速，而藍色掣則是倒後，唔使識揸車都玩到。
UTravel熱門旅遊話題
贏走題樂園門票、酒店Staycation及人氣產品
↓立即登記參加！賺取無上限現金賞💰↓
