日本旅遊攻略
日本 有網民拍到，上月初 大阪環球影城（下稱：USJ）內嘅「飛天翼龍」過山車緊急停駛！USJ 園區遊客見到當然驚訝，在過山車上半天吊嘅乘客就更驚！究竟發生咩事？從網民拍得嘅影片可見，USJ 職員由緊急樓梯拾級而上，期間保持笑容，似向過山車上乘客派定心丸。當他一直走向第一卡乘客，真相就大白喇，原來，第一卡乘客之中，有一位身上帶有手機！USJ 職員要求他交出手機，於是佢喺半空交出，職員接過後就放於半透明膠箱中再離開，全程仲 keep 到笑容：
有網民懷疑乘客是外國遊客，但實在不能以語言不通、唔知規矩嚟解釋。《U Travel》編輯部 Bobocake 年初去完 USJ，分享實際經驗：「坐上『飛天翼龍』之前，上車位置附近就有儲物架，職員要求我哋放低晒隨身物品，包括電話、頭飾、頸飾等。職員又會再抽查乘客 check 多次先可以上車，我就被抽中咗啦。」
一眾留言日本網民都對此大為反感，替無辜牽連而要半天吊嘅乘客驚驚，同時身為日本人嘅佢哋，深明遵循規矩、不要為其他人帶來困擾的重要，認為呢種行為自私，罔顧其他遊客安全。其實，USJ 去年亦發生一次乘客帶手機坐過山車事件，主角係參加學校旅行的中學生，最後被園方要求離開樂園。
【延伸閱讀】推介！ 大阪 7 間必食好味刨冰
【延伸閱讀】大阪限定超可愛貓咪面形麵包 一日只有 40 位買到！
日本藝人玩過山車自拍 Twitter 公開謝罪
就在上星期，有日本藝人在 USJ 玩過山車犯上帶手提事件，仲要拎出嚟自拍。事件主角係日本演藝界新星新田真剣佑（知名演員千葉真一兒子），他與廣瀨鈴、野村周平因電影宣傳活動到 USJ，當他們乘「荷里活美夢」過山車時，被拍得在過山車爬升途中拿出手機自拍。事後他在個人 Twitter 公開謝罪，內文大意指：「自己沒有聽從職員指示，過於興奮以手提拍攝，對此作出深刻反省，不會再犯。」
玩 USJ 哪些遊戲需要放低隨身物品？
乘車類、過山車類，如：
．哈利波特禁忌之旅
．荷里活美夢
．太空幻想列車
．飛天翼龍
濕身類遊戲如：
．侏儸紀公園乘船遊
．大白鯊
都必須放低隨身物品於上車位置的擺放架上。至於不算刺激的乘車類遊戲，像「迷你兵團調皮百厭乘車遊」，就在坐位前方設有袋格，或是把行李包放在腳下方亦可。
相：Yuto Saito@YouTube、大阪環球影城官方網頁、twitter
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
