日本旅遊攻略
2017.05.26
台灣，可以話係香港人最愛出遊的地方之一，玩快閃一流，但若然咁唔好彩揀中被 網傳嘅 台灣 猛鬼酒店，信不信由你，唔好話快閃，真係要即閃呀！
福華飯店
恐怖事件：曾喺度實習過嘅人指呢度無論 Lobby、員工餐廳同客房，都有人見過唔應該出現嘅嘢，而最恐佈嘅就莫過於位於 2 樓的「房王」，曾經有一家 4 口入去住，點知細佬突然攬住阿媽，指住天花板喊住講「上面有阿姨望住我」，阿媽就叫佢唔好亂講，點知阿哥出聲話「我啱啱唔敢講，上面真係有個阿姨，而且佢一直捏我的臉」，阿媽即時嚇到同兩個小朋友衝出房。
另外，亦試過有對情侶入住後，女仔半夜未瞓，喺床上睇電視，點知睇睇吓廁所燈突然開咗，於是個女仔走去望吓，竟然見到有個阿伯走出嚟，行到佢眼前就消失，嚇到佢哋半夜退房。
君悅酒店
恐怖事件：據指是全球 10 大鬧鬼酒店之一，可想而知有幾猛，雖然酒店方面曾澄清大堂那兩道「符」喺林雲大師嘅墨寶，但網上依然流傳夜晚會聽到小朋友嘅喧嘩聲、瞓覺被鬼壓等，而曾經就有南韓女星入住後表示電視會自動開啓之餘、更喺熒幕雪花中見到有女人身影，嚇到佢喊住要換房。
更有住過嘅人表示曾經喺 13 樓嘅房間廁所中不斷發出聲音，先係沖廁水聲，然後係花灑，之後就係水龍頭開水聲......另外，亦有人喺其他房間的廁所聽到有人同自己對話，最初以為係老公同佢講嘢，點知老公事後表示完全冇出過聲......
｛此乃網上流傳故事，如有雷同，實屬巧合｝
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
