日本旅遊攻略
唔係呀嘛！有 4 張咁多，點揀好呀？媽呀，好亂呀！唔使咁慌，睇完以下比拼後，就知用邊張最划算。
香港人擁有八達通就好像身份證一樣，是 must buy item！到訪台灣時，隨了 wifi 卡、台幣外，也定必要入手一張「悠遊卡」，但又有幾多人想過，台灣其實總共有 4 張電子票證可選擇，分別是 EasyCard 悠遊卡、 ipass 一卡通、happycash 有錢卡及 icash2.0 愛金卡。4 張電子票證於交通上的優惠因政府政策規定，在台北範圍大致一樣，但在購物上卻有不同優惠，出發前一定要了解邊張最筍、最 match 自己行程。
【延伸閱讀】【#瘋台灣】天宮石斛蘭花 粉色蘭花樹上一瀉而下
【延伸閱讀】【#瘋台灣】高雄 5 大打卡點 有山有洞有廢墟
邊度有得買？
1.如果想一落機就買張旁身，可以到桃園機場第一、第二航廈電子票證聯合服務櫃枱，就買到悠遊卡、ipass 一卡通及 happycash 有錢卡。（營業時間為早上 8 點至晚上 10 點，全年無休）
2.出到市區，想買都好方便，好似 7-11 就買到 icash、悠遊卡及 ipass，而 Circle K、萊爾福、 FamilyMart 及各捷運客戶服務中心都有得買，仲可以買到 HappyCash 。
價錢
悠遊卡、ipass 一卡通、happycash、icash2.0，與八達通一樣，都需要畀按錢，成人每張 NT$100（約 25 港元），但不可退，需另充值使用。
特別款式
#1 去台北首選 － 悠遊卡
好多去台北自遊行的人，多數都會用。悠遊卡是台灣第一張電子票證，也是最多台北在地人使用。其實在交通優惠上，政府是持相同的規定，4 張卡在主要交通工具上的優惠都是一樣。但對於當地人來講（尤其愛旅行的人），最正係悠遊卡 x uupon 的儲分計劃，每 250 點 UUPON 點，相等於 100「亞洲萬里通」里數，好似信用卡儲飛行里數一樣。而且下載 uupon app 仲有好多折購優惠。
#2 去 7 仔着數多 － icash 2.0 愛金卡
跟台灣 7-11 是同一間公司經營，拎住 icash 去 7仔買嘢，有好多買一送一、折扣優惠，或集點優惠等，以 icash2.0 於網上登記 openpoint 戶口，可以即時獲送 10,000 點，可換兩杯中 size 美式咖啡。當然亦可以儲分啦！又因為 icash 總公司旗下代理唔少外國品牌，只要用 icash 消費都有着數，如 Mister Donut 買 6 送 2 及 COLD STONE 雪糕買一送一等優惠。
#3 最啱 Shopping 精 － HappyCash 有錢卡
是遠東集團的電子票證，所以在遠東百貨、太平洋SOGO 百貨、愛買量販、遠傳電信直營門市、Big City 遠東巨城購物中心、遠企購物中心、city' super 都可以使用兼有優惠。更不定時推出大型展覽入場優惠，好似舉行中的宜蘭綠色博覽館，用 HappyCash 買入場券，即時減 NT$80（約 20 港元）。以 happy cash 登記 HAPPYGO，可以用 150 點，兌換 30 點 LINE Points ， FamilyMart 買嘢好多時都有優惠。而且與悠游卡一樣，可以用 250 點，換取相等於 100「亞洲萬里通」里數。
#4 去高雄有着數 － ipass一卡通
是由高雄捷運公司發行，後來高雄市政府也有注資。如果到訪目的地是高雄，那就非常建議大家使用 ipass，唔少景點使用 ipass 都有特別優惠，好似高雄新鹽埕商圈及台中八方雲集等。只要用 ipass 在網上或台灣 Circle K 便利店申請「得易 Ponta」，每個星期一到 Circle K 買指定飯糰及三文治，都有 NT$7（約1.8港元）折扣優惠。仲可以儲飛行里數，用 ipass 付款，NT$10 = 1 點，5,000 點兌換長榮 500 里。
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
