日本旅遊攻略
雖然日本每年都有好多動漫改編真人版的電影上架，但數數手指，今年有接近 26 套，都算幾誇張。不過多又未必好，中伏嘅機會率都好高。唔想中伏，睇睇以下 4 套推介，有冇你啱心水。
今年有 4 套必睇的動漫改編真人版電影，好似山田涼介的《鋼之煉金術師》、山崎賢人的《JOJO 的奇妙冒險》、木村拓哉的《無限之住人》及早幾日推出 trailer 的《銀魂》，作為動漫迷，應該唔會錯過。今次強力推介的《銀魂》，是一部科幻時代劇為題材的搞笑漫畫，在「週刊少年 Jump」已連載超過 10 年，人氣絕對不能少覷，加上演員陣容非常強勁，除咗有小栗旬扮演的「萬事屋」老闆「坂田銀時」外，仲有菅田將暉的志村新八，以及中咗面目全非腳的堂本剛。剛推出的 trailer，無論畫面及造型，都冇乜伏味，打鬥場面都算幾有型。只係有網民睇完劇照及 trailer 後，覺得小栗旬太過有型，與角色帶點「騎呢」feel 有點唔夾。
【延伸閱讀】【#環球搜映】四分鐘縮時睇！最地道香港靚景
【延伸閱讀】【#環球搜映】日本女高中生影相甫士演變史
＃1 《銀魂》
動漫迷小栗旬，向來都有鋪拍真人版動漫的癮，好似《熱血高校》、《名偵探柯南 SP 工藤新一的復活》及《流星花園 F》等等，但講到最愛之一，就係《銀魂》，加上原著第 27 卷中以名「小栗旬之介」惡搞形象登場過漫畫，所以今次由小栗旬拍，真係最適合不過。
漫畫是空知英秋筆下作品，自 2003 年 12 月於《週刊少年 JUMP》連載，至今已經推出 64 本單行本，累積銷量超過 5,000 萬本，內容可說是大包圍，集歷史、科幻、動作及惡搞於一身，唔止動漫咁簡單，睇完仲可以長知識，加上小栗旬飾演的坂田銀、橋本環奈及菅田將暉的萬事屋三人組，之前在宣傳片大跳的「騎呢」舞，應該會跟足原著，大把笑位。
點解要睇：星光熠熠，真係睇星都夠，最緊要睇吓堂本剛個發水麵包樣，睇 trailer 完全唔認得。
中伏機會：小栗旬演開的真人版動漫動電影成績都唔錯，好似《雷朋三世》及《宇宙兄弟》，但《銀魂》有點不樂觀，因為未出映，已經有唔少網民整咗多個反電影的 hashtag。
日本上映日期：7 月 14 日
＃2《鋼の錬金術師》
被動漫迷奉為神級作品的《鋼之煉金術師》，故事結合煉金術、戰爭、種族大屠殺，以愛德華兄弟人體煉成企圖復活母親失敗被奪走身體作起點，探索人性課題，好似肉體與靈魂關係、政治、慾望、種族對立等等，真係唔知動漫咁簡單。
點解要睇：對《鋼之煉金術師》動漫的情意結。
中伏機會：睇 trailer 山田涼介演的愛德華，造型好似有點出事，假髮有點假，動作場面有點唔真實，好多網民話驚好似睇完《進擊之巨人》般失望。
日本上映日期：12 月 1 日
{{hket:youtube id="oZhOVnowpAM" ratio_id="16"}}{{/hket:youtube}
＃3《JOJO 的奇妙冒險 不滅鑽石》
上年曾經傳出日本人氣漫畫《JOJO 的奇妙冒險》的前 3 部要拍真人版電影，嚇到粉絲一額汗。點解？因為第 3 部其實是「外國」漫畫，清一色都係外國人，只有主角空條承太郎係英日混血兒，如果真人版是日本人扮鬼佬，真係好驚嚇。唔使驚，今次是改編第四部的《不滅鑽石》，角色及地方回歸日本，應該唔會失望。
點解要睇：動漫改編真人版最易的死症，就係不自量力，玩得太大收唔到尾。今次避開外國人及外國取景，以日本的杜王町（仙台市），出事機會唔大。
中伏機會：有唔少網民覺得由山崎賢人演東方仗助已經係一個錯誤，加上睇埋造型照，甚有 cosplay feel，確實有點擔心。
日本上映日期：8 月 4 日
＃4《無限の住人》
是漫畫家沙村廣明 90 年代創作的日本古裝劍客作品，兩田前已經宣布拍成真人版，製作 2 年，真係夠晒認真。今次男神木村繼續好似《武藏傳》一打幾十個，不過如果跟足漫畫的話，今次係要單挑三百幾人，分分鍾勁過宇宙最強。導演是血腥鼻祖三池崇史，絕對夠晒真實感，齋睇動作場面，應該唔錯。
點解要睇：兩個字講晒，「男神」主演，對香港人嚟講，確實是賣點。
中伏機會：同樣都係因為木村主演，近年主演的日劇及電影都......
日本上映日期：年4月29日
UTravel熱門旅遊話題
＞登記即送，人人有賞！＜
立即探索🔍最新熱門活動📍好去處推介🌟
