日本旅遊攻略
2017.04.15
文青福音！曼谷又開一新場，位於型爆地標 Central Embassy 的 Open House，在上個月正式開幕，集餐廳、書店、藝廊和文創小店於一身。文青們除了可以盡情在巨型書櫃前影相打卡，更加可以留足一日打書釘，2 萬本書慢慢睇，來一趟不趕行程的小旅行。
7 萬 5 千呎全層任 hea 懶洋洋打書釘
「Open House」佔據商場 6 樓全層，足足有 7 萬 5 千呎！而整個新場分為 8 個區，除了有閱讀、用餐、藝術展覽、設計小店、工作、書店等等的空間，仲有兒童專用的玩樂和閱讀區，無論大人小朋友都有得玩！而且新場並不設入場或最低消費，名乎其實是人人食得、hea 得的公共空間！
書店內暫時有超過 2 萬本書出售，涵蓋藝術、生活、攝影和歷史等，而當中有八成都是英文書。大部分不設包裝，歡迎讀者在閱讀區打書釘，睇過覺得正才買走！難得的是場內有不少 cushion 和梳化，睇足一日職員都唔會趕人。
泰妹打卡新寵！巨型書櫃好呃 like
Open House 開業未夠 1 個月，在泰網的討論度極高！除了因為場地的服務夠貼地，場內全白色的牆身、淺色檜木裝潢，簡約的室內設計儼如走入日本的「蔦屋書店」，影相夠晒呃 like。原來新場同樣由設計過蔦屋的日本建築公司 KDa 規劃，場內一個個2層高的巨型書櫃相當觸目，輕鬆一拍就可以影到文青相。
14 間人氣餐廳駐場 有平都有貴
睇書睇到悶悶哋，場內仲有 14 間餐廳，包括泰國菜、海鮮、pizza、扒房、素食、日、法式甜品、酒吧、咖啡等等，全部都是城內的人氣餐廳，大把選擇。食客平平哋可以飲杯咖啡、食件甜品，最貴的亦可以用千幾蚊食過龍蝦海鮮餐。記者最愛「Paris Mikki」，一道道法式甜品賣相精致，日日限量發售。
>
Open House
地址：6/F, Central Embassy, 1031 Ploenchit Road, Pathumwan, Bangkok
電話：+66（0）2 119 7777
營業時間：星期日至四 10am-10pm；星期五、六 10am-12mn
文：Yuki、相：May
UTravel熱門旅遊話題
↓《Chill賞親子玩樂祭》活動攻略✨！↓↓
贏走題樂園門票、酒店Staycation及人氣產品
贏走題樂園門票、酒店Staycation及人氣產品
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
