「紅、黑、綠、藍」護照 4 色代表乜？ | U Travel

澳門快閃遊

大灣區快閃遊

正在閱讀
「紅、黑、綠、藍」護照 4 色代表乜？

文: U Travel 小編兔奴蛙

2017.03.24

唔講都唔發現，呢個世界有千百種顏色，但偏偏全世界嘅護照只得 4 隻色，真係有冇搞 X 錯？嗱，唔好嬲住，其實唔係唔想畀本 Tiffany Blue 護照你，只係呢 4 種顏色其實同地理、政治甚至宗教都有關連。

「紅、黑、綠、藍」護照 4 色代表乜？

歐盟紅

「紅、黑、綠、藍」護照 4 色代表乜？

最常見係酒紅色，而呢隻紅主要係歐盟國，又或者係想加入歐盟嘅地方會使用。除此之外，擁有歷史嘅國家如中國、日本及英國等，亦會使用紅色。

新興藍

「紅、黑、綠、藍」護照 4 色代表乜？

代表新興國家（New world）如美國、加拿大，或曾被西方殖民嘅國家、地區，又或者關稅同盟巴西、阿根廷等，通常都會使用藍色作為護照顏色。咦！咁唔知香港本特區護照係咪同被殖民有關？抑或係代表新興國家呢？

生命綠

「紅、黑、綠、藍」護照 4 色代表乜？

穆罕默德最鍾意嘅顏色，亦係最自然及象徵生命嘅色彩，基於宗教意義，所以大多數回教及加入「西非國家經濟共同體」嘅國家，都選用綠色。另外，綠色護照喺政治上亦代表近代史上經歷主權分裂、流亡政府等涵義，故南韓、西藏及台灣等，亦是使用綠色。

罕見黑

「紅、黑、綠、藍」護照 4 色代表乜？

雖然黑色非常有型，但其實係 4 種顏色中最少國家採用，用嘅通常係非洲國家，如安哥拉、剛果等，不過由於黑色係新西蘭嘅代表顏色，所以新西蘭嘅 passport 亦選用黑色。

「紅、黑、綠、藍」護照 4 色代表乜？

嗱，雖然全國嘅護照顏色都主要係「紅、黑、綠、藍」，但其實國際上係冇硬性規定你要用邊種顏色，即係只出入境時方便海關讀取資料，國家就可以隨意選取想要嘅顏色，就正如護照即將轉設計嘅挪威，新護照將會轉成紅、白、藍三色，簡約得嚟又有美感，好想要呀！

圖：IG：aprilliiz、parantoux、kchoinseoul、yoshi_ji_、kros1501、the.betts、heeeee43、aninha07、nostalgiclinks、kentjaphetjalandoon、theonlycourtney

UTravel熱門旅遊話題

↓【快閃送200張亞洲4日旅遊數據卡！】↓↓
＞簡單留言，即有機會免費得到！＜

【出POST即賺💰】立即加入「社群創作有價企劃」↓
↓立即登記參加！賺取無上限現金賞💰↓