日本旅遊攻略
2017.03.20
無論酒店或民宿，最怕遇到啲唔應該遇嘅嘢，好多人入房前後都會做啲令自己心安嘅事，例如入房先叩門、拖鞋唔亂擺......坦白講，呢啲都係其次，最重要其實係首先唔好揀啲出名「猛」嘅酒店，如果唔係就做幾多事前工夫都冇用。
#1 業赤坂 MYSTAY 酒店
位於東京的赤坂 MYSTAY ，舊名為 Weekly Mansion Akasaka，喺日本嘅自殺網站好出名，所以非常猛。傳聞指好多人住呢度時會見到鬼火，瞓覺時又會畀鬼壓，更有人話夜晚曾經見過幽靈般嘅薄霧，之後更感覺到被「手」按摩身體。
#2 山中湖新星酒店
富士中附近的青木原樹海，係日本數一數二的自殺勝地，酒店位於富士山山腰。據聞有一位叫秋菊女導遊喺房自殺後，住喺度嘅客人夜晚都會聽到拍門聲，不過開門就唔見有人，亦有人試過畀鬼壓、瞓時見到有黑影喺床邊等等，猛到連日本人都唔敢住。
#3 池袋太子酒店
前身為甲級戰犯的絞刑執行場所，1971 年被拆後建成現在的「太陽城」，而據知酒店設計成墓碑般是要用來鎮壓亡魂，雖然東池袋中央公園中亦有慰靈碑，不過就似乎冇乜用，因為好多人住過話夜晚發現廁所水喉會自己開關、閂晒窗但窗廉仍然好似畀風吹咁飄、半夜突然聽到步操聲音、有「阿伯」上床一齊瞓等等，真係多到數唔晒。
嗱，即係咁，雖然網上流傳話呢啲酒店好猛，但好多人住過都覺得冇問題，所以住唔住自己衡量喇！
圖：網上圖片
｛此乃坊間流傳故事，如有雷同，實屬巧合｝
UTravel熱門旅遊話題
↓【招募酒店試住員🏡】↓↓
＞免費入住新5星酒店 + 嘆精緻下午茶！＜
＞免費入住新5星酒店 + 嘆精緻下午茶！＜
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
