日本旅遊攻略
去日本搵好東西食，唔係朋友、名人推介或旅遊書推介的話，通常都係撞彩，中伏的機會率真係可以好高。搵好東西食，當然要睇在地人介紹啦！如果你都係咁諗，不妨睇睇以下 6 個美食網站。
日本其實有好多搵食網，但一大堆日文，唔識睇就會冇心機搵好東西食。今次推介的 6 個美食網，除咗有中英文版外，仲有最 update、好食及優惠的日本美食資訊，而且有好多都有埋預約訂位服務，睇啱邊間，網上book 一 book。真係一落機就有好西食。
//延伸閱讀//
01/ 最多語言選擇 ＠ GURUNAVI
在所有餐廳訂位網站中，提供最多語言的網站，包括多英文、簡體、繁體，連韓文、泰文、印尼文、馬來西亞都有，英文版仲提供協助訂位服務功能，唔識睇日文都可以預約心水餐廳。
GURUNAVI仲有埋每間餐廳的平均消費、有冇中文 menu、識講中文的侍應生等等，亦時不時亦會有甚麼乜乜美食專題，服務非常多元化。
網址: http://bit.ly/2lMY7FV(英文) / gurunavi.com/zh-hant/ (中文) / www.gnavi.co.jp/ (日文)
02/ 最多美食coupon @ hot pepper gourmet
hot pepper gourmet，除咗係美食網站外，更會發行免費電子報，當中不時會有好多美食的優惠 coupon 畀讀者下載。
而網站分別有有英文、簡體/繁體中文及韓文等共 4 種語文選擇，更設地方、料理類別及其他細心設定（是否提供免費 Wi-Fi 或多國語言menu等等）來 search 唔同餐廳，訂位更方便。
網站: www.hotpepper-gourmet.com(英文) / www.hotpepper-gourmet.com/tn/(中文) / 網站: www.hotpepper.jp/ (日文)
03/ 睇住留言食好東西 @ Tabe log
有時 book 間餐廳食餐好，但又唔知會唔會中伏喎！Tabe log 好似香港 openrice 咁，網頁有不同餐廳的食客評語，仲睇到佢哋 upload 的真實食物及環境相片，加上提供每個地區、食物種類都會顯示近期的大熱食店，包保無咁易中伏啦！
驚唔識睇日本，睇唔明評語？唔緊要，網站有英文、簡體/繁體中文及韓文等 4 種語言 。
網站: tabelog.com/en/(英文) / tabelog.com/tw/ (中文) / tabelog.com/ (日文)
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
