日本旅遊攻略
2017.03.07
搭飛機其實有好多小細節，雖然感覺上一啲都唔起眼，但其實呢啲計算都係同你條命仔和健康攸關，所以，下次空姐叫你做，做啦！
01/ 防意外
係呀，上到飛機若然太陽非常刺眼的話、又或是想即時瞓覺，好多人都會落低遮光板，不過當飛機準備起飛或降落時，空姐會要求你拉起遮光板。
其實咁做係因為每當飛機升降時，係最易發生意外的時間，叫你拉起係希望可以清楚睇到引擎的情況，而大吉利是若有乜事的話，可以在機內清楚望到機外情況，可以指示乘客向邊個位逃生最安全。
02/ 生理調節
每次搭夜機或長途機，無論外面日光日白抑或黑麻麻，空姐都會要求拉上遮光板，真係想睇下風景都唔得。嗱，佢哋咁做都係為你好，其實係幫你調節生理，即係話，佢哋就會根據目的地時間做標準，無論你上機時間係中午（目的地係黃昏或夜晚），佢哋都可能會要求你落低遮光板、關燈，係呢種暗黑環境令生理得到暗示，令你到目的地時較容易適應當地時差。
03/ 調節壓力
坐得飛機窗口位，望風景是常識吧，不過又有冇發現，窗口的底部有個窿？呢個窿實質係一個排氣口，最主要的作用係當飛機飛到高空時，機內、外嘅氣壓同溫度都會有急劇變化，咁呢個窿就可以平衡機艙內外的氣壓、增加飛機的安全。另外，呢個窿仔亦可防止機艙內外因溫差太大令玻璃窗結霜或形成霧氣的作用。
圖片來源：IG：my_encounters、kt12gp、laniairbusflyer、amymartz10、yosoyo
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
