日本旅遊攻略
2017.02.14
全部都係心形，突然間少女心大爆發，仲要係天然靚景，即刻想戀身做 yama girl，表面上親親大自然，實質係要放閃打卡。
▲(圖：osampotour@instagram，manamip222@instagram)
//延伸閱讀//
1. 鹿兒島－ 屋久島
位於鹿兒島縣的屋久島，稱得上是日本的夢幻仙景，靚到十幾年前連宮崎駿都為屋久島創作《幽靈公主》。在這個人間仙景，有一棵出名的繩文杉樹，中間有個心形空間，大到可以爬入樹內，抬頭望天，會見到靚到裂開的心形天空，感覺真係好似置身《幽靈公主》的場景當中。
據聞，將相片變手提電話 wallpaper，就會戀愛運 up up！雖然有點無稽，但去過的遊客都會咁做。信不信由你！
2. 沖繩 － 雙拱形岩石
沖繩的陽光與海灘，大家應該享受過唔少，但宮古島市的雙拱形岩石，可能大家未必去過，至少對於唔多愛好潛水的人來講。在這個潛水勝地，有個出名的景點：－雙拱形心形岩石，只要潛入水底，就會見到心形的岩石。如果唔係好識潛水，可以去離宮古島大概 30 分鐘路程的洵間島，岸上已經有座心形岩石，深受少女及情侶歡迎。
▲(圖: kimutabigram@INSTAGRAM，y.ym23@INSTAGRAM)
3. 長崎 － 眼鏡橋心形石
講到長崎最出名的觀光點，必定非眼鏡橋莫屬，每個遊客都會遠距離影張，橋上倒影的「眼鏡」相。不過，好多人都忽略橋下仲有個打卡位，就係石牆隱藏著 3 個心形石，其中一塊，因顯現出英文字母「i」形狀，被解讀成「I love you（我愛你）」的含義。又據聞，在心形石許願好靈驗，尤其關於愛情事。
4. 島根縣 － 明屋海岸
鍾意睇天然岩石，一定要去島根県，事關隱歧一帶有好多千奇百怪形狀的岩石，好似蜥蜴的蜥蜴岩或似蠟燭插在海上的蠟燭岩，其中一個不得不去的就是明屋海岸的屏風岩中，發現一堆參差不齊岩石群中間，有個穿窿的心形洞，不過要等潮退時先可以近距離影相。
//延伸閱讀//
5. 北海道 － 豊似湖
位於北海道的豊似湖，是日高山脈襟裳國定公園内唯一的自然湖，有人覺得形狀似馬蹄，所以別稱叫「馬蹄湖」，但只要從上空俯瞰的話，會清楚見到豊似湖比較似心形。要睇到心形，最好的方法就是搭直升機，但窮 L 如我，只能徒步抵達湖邊，但睇落心形無咁明顯。不過，據當地人說，只要你搭到 ANA 由羽田去帶廣的飛機，在空中會見到豊似湖，但航綫唔多，真係要靠運氣。
6. 栃木縣 － 渡良瀬遊水地
與豊似湖一樣，要在空中俯瞰先睇到心形的渡良瀬遊水地。是建於 80 年代的人工湖，起初只係圓形，後來為保留湖附湖邊的歷力遺迹，慢慢變成心形。要完整影到心形湖，都只能靠飛機。不過，栃木県附近的景色都相當靚，係睇夕陽的最佳位置。
▲(圖: chankenjohnny@INSTAGRAM，keikoa12@INSTAGRAM)
7. 瀨戶內海 － 小豆島
相比其他心形景點，位於瀨戶內海香川縣的小豆島的「心形」好細，只有手掌心大－心形樹葉。當然唔係周街都有，好多人都會去有二千棵橄欖樹的橄欖公園，隨處可見心形的橄欖葉，自拍呃 like 一流；仲可以將摘到的心形葉製成書籤做紀念品。另外，《魔女宅急便》真人版也曾經在此取景，你可以借來「魔女掃帚」扮飛天影相，影出來幾何亂真！
UTravel熱門旅遊話題
【出遊必備】U Community社群送您tomtoc大容量旅行袋！↓
＞登記即送，人人有賞！＜
＞登記即送，人人有賞！＜
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
