日本旅遊攻略
沒有曼谷的嘈雜喧鬧都市 feel，清邁向來係港人度假熱點之一，平歎 resort 之餘，仲有好多環境簡約型格的 Cafe，任君飲啡、打卡、hea 個夠；最近新開的，有呢間走好玩搞笑路線的人氣打卡 Pancake 店。
開業只有一個多月的「As Cafe」，主打「食自己」，將你個樣直接用上美國最新的 Pancake 打印機，印出你的輪廓，再由只有 26 歲的甜美店主 Gikkii 花了三個月苦練的 Pancake 畫畫技術，按你張相畫返你個樣，相似度達 8 成以上！ Gikkii 因為在曼谷的 3D 打印機工廠做維修工作，發現美國推出了 Pancake 打印機，所以才想到開一間打印自己樣子的 Pancake 店，想食物本身與人是有直接的聯繫；現在每個人拿到製成品都開心影相打卡，互相取笑一番，店主一番好心都算成功！
如果你唔忍心食自己，殘忍地食你好朋友個樣的 Pancake 都可以。而且一塊都只係約 26 港元，另外選擇加上新鮮生果、果醬、朱古力等，每款都只需約 5 至 10 港元，超級抵玩！雖然大家只在乎拎住塊 Pancake 勁影相，但其實 Pancake 的味道都很不錯，蛋味香，只是略嫌有少少硬身！
人臉 Pancake 點整？
▲ 首先可以選擇即場影張相或者你先把靚相 Send 去店舖的電郵。
▲ 店主會在電腦勾畫出你的輪廓線條，輸入打印機。
▲ 3D 打印機畫出輪廓及五官之後，店主要再用人手畫 detail 位，成日吸引好多人圍觀！
▲平時上網睇人整「似顏繪」pancakes 就睇得多，現場睇，店主的手勢真係唔錯～
▲ 外賣盒，可以自己 DIY 擺生果，好好玩！
▲ 跟芒果、橙梳打及雪糕的套餐，都只約 54 港元。
▲ 不少人都整自己心愛的寵物，貓貓都好似樣呀！除咗 Pancake，還可以整 3D 鎖匙扣，最啱情侶整來送畀另一半。
AS Café
地址：3rd Floor, MAYA Lifestyle Shopping Center, Chiang Mai
營業時間：周一至五 11am-8:30pm、周六及日10am-8:30pm
網址：www.facebook.com/ascafe.chiangmai
文：u magazine 地：泰國 清邁
UTravel熱門旅遊話題
↓逾6000份限定禮品等緊您↓
立即探索🔍最新熱門活動📍好去處推介🌟
