日本旅遊攻略
自前年7月長崎縣佐世保市的「奇怪的旅館（変なホテル）」正式開業後，即刻成豪斯登堡園區的人氣熱點。全間酒店職員都係機械人，連Receptionist都係恐龍，未入住經已嚇親你。最近呢個即恐怖又有幾份可愛的Receptionist，去到東京為你服務，而且仲要好近東京迪士尼，真係好想住一住。
2015 年 7 月開業，不足 1 年，已錄得 5 萬人次入住紀錄，的確唔講得笑。只係一間全以機械人 serve 你的酒店，點解人氣咁高？
除咗是全球第一間機械人服務酒店，夠 晒gimmick 外，機械人造型相當特別，走進櫃枱，有兩條嚇人的恐龍（未來君及希望君），再追加一個精通四國語言的機械靚女（夢子）幫你 check-in，已經夠奇怪又特別，拎行李上房間，都有機械人為你代勞，完全不經人手，連門匙都冇，只要用自己塊面scan一scan就開到門。在「変なホテル」內，好難搵到一個人類服務生（全間酒店得六個人類員工），難怪，上年 11 月連《健力士紀錄大全》都頒咗個獎畀呢間酒店。
因為夠晒新奇，吸引唔少遊客去朝聖，開業不足兩年時間，差唔多日日都full booking， 為迎接更多客人（有計劃在海外開設分店），將於三月尾在東京的千葉縣舞濱站附近，開設2號店，只要徒步行十幾分鐘就可以去到東京迪士尼樂園，絕對適合入園玩的朋友，而且價錢都只係7,000至 14,000 日圓一晚，一試無防。
酒店A 及 B 棟兩棟大樓，共 144 個房間。一入到酒店大堂就見到戴上酒店服務生帽的恐龍及靚女夢子，接待你。識揀一定揀夢子啦！
連寄存行李都不經人手，全由機械人搞掂，每件都只係 500 日圓（24小時計算）。
入到房間，床頭的ちゅーり機械人即刻歡迎你，仲會幫你打點一切，好似 morning call、報天氣、房間燈光等等，只要講一聲，即刻做。
只要輸入房間號碼及姓名，連搬行李上房都有機械人代勞。
以為去到餐廳會見到人類廚房，但原來都係機械人幫你解決三餐。
▲新奇又奇怪，仲攞埋《健力士紀錄大全》獎。
奇怪的旅館（変なホテル）東京２號店
地址:千葉県浦安市富士見5丁目3番20号
電話：+81 47-316-2828
網址：http://www.h-n-h.jp/maihama/
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
