日本旅遊攻略
好多人自遊行都會用 Google Map 搵路，不過最近係討論區發現有人表示係遊韓期間 GM 完全用唔到，搞到要上網求救；同樣，喺日本亦有友人試過因為 GM 定錯位搞到迷失東京，明明心情大好但結果搵唔到路都真係幾掃興，所以今次我哋就介紹 2 個日韓 搵路 App ，令大家遊日韓時可以更輕鬆。
▲ 韓國地址嘅乜面乜洞，真係難明。
韓國梗係用「韓巢」
據韓國通朋友表示，Google 喺韓國間竭性殘廢有好多原因，其中有因為國防問題、亦有因為政府強推新地址（將 XX 洞變成 XX 大街）而引起，雖然淨睇個名已令唔識韓文的遊客極混亂，但幸好，有韓巢呢個中文版地圖 App！
▲ 韓巢除咗定位準確外，仲可以 copy 韓文地址，唔識韓文的亦可以輸人中文搵地點，只要你有想去的地方的中文地址，就可以輕易搵到，係咪正先？
▲ 嗱，去過韓國都知，淨係睇韓國嘅鐵路圖睇到眼花都未搵到邊個站，咁點算？呢個 App 有教你點搭地鐵去你想去嘅地方。
▲ 唔想搭地鐵？呢個 App 亦有話你知搭的士大約幾錢左右，仲有埋路線圖，咁就唔使驚畀人兜路。
▲ 除咗有路線圖、搭車文方法外，佢仲有人氣地區推介，完全適合我呢啲冇 plan、想去到邊玩到邊嘅人！
//延伸閱讀//
▲ 日本唔似香港咁，好易搵到街名街號。
日本用「NAVITIME」超方便
雖然日本鐵路網冇咁花，但同韓國一樣，日本嘅交通對我呢啲外來人嚟講都係好難掌握，但有咗呢個 App，真係無論搵路、搭車都好，完全冇難度。
▲ NAVITIME 一個 App 中就集合地圖、地點搜尋、搭車、天氣等，非常多元化，去日本真係有佢就搞掂晒！
大家都知日本地鐵站，特別係東京大阪等大站都有十幾廿個出口，呢個 App 會 show 埋精密的地鐵站地圖，預先睇定邊個出口就唔怕迷路。
▲ 搵到地點，到底行過去定搭車去好？好多地圖搵地點時都只標記位置，但呢個就有埋距離，就算選擇行過去都可以有預算。
▲ 換乘方面，呢個 App 點對點搜索之餘仲有埋價錢、時間等，指示夠清晰及準確度高到以我所知連日本人都愛用。
▲ 當然，亦會有搭的士的大約價錢，咁就唔怕大失預算！
UTravel熱門旅遊話題
＞登記即送，人人有賞！＜
↓即睇最新行程懶人包、爆紅打卡點🔥、必吃美食😋等↓
