日本旅遊攻略
去東京唔一定要跌錢，有唔少文化藝術館都係免費入場，血拼之餘，都可以長知識，扮扮文青。
今次推介的 5 間免費藝術／博物館，都非常有趣，唔會睇唔明兼得個悶字，有得玩又有得飲。好似 「すみだ江戸切子館」的玻璃藝飾館，可以自家製獨一無二玻璃品；「日本の酒情報館」，可以試盡日本名酒；「江戸下町伝統工芸館」，了解日本當地工藝文化；「ヱビスビール記念館」，試飲新鮮生啤、「相撲博物館」又可以近距離睇相撲比賽。
江戶時代玻璃製品－－ すみだ江戸切子館
如果去開晴空塔，可以順道去埋「すみだ江戸切子館」，這裡是展覽江戶時代傳統工藝製品的地方。所謂的江戶切子，即江戶時代後期開始的玻璃雕花工藝，利用玻璃製品來進行切割、加工和鵰磨等工序打造出出來的花紋，而顏色大多以藍或紅為主，圖案則以菱形紋、菊花或植物花紋加上直線及曲線拼奏成的幾何圖案等等，透過光線的折射，令圖案更立體。
除咗售賣不同手工藝品外，仲有體驗班，可以親自造出屬於自己的江戸切子 style 的玻璃製品。雖則是免費入場，但如果要參加體驗班，記得先在網上預約。
地址：東京都墨田區太平 2 - 10 - 9
電話：+81 (0)3 3623 4148
營業時間：10am - 6pm（星期日及公眾假期休息）
(圖: EMILY IN TOKYO)
酒，全部都係酒 －－日本の酒情報館
如果對日本傳統釀酒有興趣的話，必定要去位於東京鐵銀座線虎之門站的「日本の酒情報館」，館內有齊日本酒發展史、文化及各地情報。唔聽日文唔緊要，館內有英、中及韓三種外國語言翻譯選擇，當然唔只齋聽咁悶啦！只要付出 100 日圓起（一杯），就可以試勻日本各地的不同名酒，好似燒酎、汽酒及威士忌等等，畀你試啱先買。有唔少外國人都專程到此一遊，長知識之餘，亦可以平飲靚酒，正！
地址：東京都港區西新橋１−６−１５ 日本酒造虎ノ門ビル 1F
電話：+81 (0)3 3519 2091
營業時間：10am - 6pm（星期六日及公眾假期休息）
網址：http://www.japansake.or.jp/sake/know/data/index.html
//延伸閱讀//
精細工藝之結合－－江戸下町伝統工芸館
去淺草多數都去參觀寺廟，但其實周邊有不少傳統手工藝的小店及展覽館，好似淺草寺附近的「江戸下町伝統工芸館」，是綜合江戶時代不同手工藝的藝術館，好似江戶時代的竹簾、五斗櫃、江戶木工藝品等等，多達 300 年的展覽品。
而且每逢星期六都有工匠現場表演傳統手藝，令你可以近距離睇到一件工藝品是如何誕生。雖則工藝館外觀睇落好似無乜特別，但裡面展出的工藝品，會睇到你嘩！嘩！聲。
地址：東京都浅草 2 丁目 22 番 13 号（ひさご通り）
電話：+81 (0)3 3842 1990
營業時間：10am - 8pm
啤啤啤～～～酒 －－ヱビスビール記念館
日本人簡直係無啤酒不歡，飲啤酒好似當水飲一樣誇張。如果你都係啤酒狂迷的話，一定要去呢個位於澀谷惠比壽的「惠比壽啤酒博物館」，雖然只係單一個啤酒品牌，但館內就蘊藏超過100年的品牌歷史。
去得，當然唔會齋睇咁 dry。當中有個 40 分鐘 tour，詳盡介紹一個啤酒品牌是如何誕生，仲可以睇到不少歷史展品，好似舊釀啤酒的木桶及舊啤酒樽，最後仲可以任揀兩款啤酒試飲，都只係500 日圓，真係抵到無朋友。
地址：東京都澀谷區４−２０−１ 恵比壽 ガーデンプレイス 内
電話：+81 (0)3 5423 7255
營業時間：11am - 7pm（星期一休息）
網址：http://www.sapporobeer.jp/brewery/y_museum/
近距離感受相撲壓迫感－－相撲博物館
相撲就聽得多，好少機會認真了解呢項歷史悠久的日本國技運動。位於 JR 兩國站附近的相撲聖聽「國技館」，１ 樓是供市民免費入場的相撲博物館，館內展示江戶時代的「錦繪」、「相撲力士階級表」及歴代横綱的「刺繡圍裙」等珍藏品。如果幸運的話，仲可以睇到相撲比賽，而館外的相撲手壁畫也是打卡勝地。睇完之後，絕對要挑戰博物館附近的相撲火鍋店。
地址：東京都墨田區横網 1 - 3 - 28（国技館1階）
電話：+81 (0)3 3622 0366
營業時間：10am - 4:30pm（最後入場時間：4pm）
網址：http://www.sumo.or.jp/KokugikanSumoMuseum
備註：官網查閱閉館時間表
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
