日本旅遊攻略
【#瘋台灣】台中新事多，而且刮起一陣改造風潮，將舊建築注入新生命，這股風潮由數年前的宮源眼科開始吹，最新一員為去年 12 月底開始試營運的復古日式燒烤居酒屋。
前身為「頹圮五金行」的「樂丸燒肉大眾酒場」其實是間主打懷舊風的居酒屋，內部裝修跟足日本居酒屋的風格，以木材營造溫暖的感覺，又在牆壁上掛滿日式燈籠、復古海報、裝飾牌和懷舊物品等，將時光定格在日本昭和時代。
▲居酒屋的建築外觀簡樸，但內部裝修絕對唔會令你失望。
▲店內放置昭和時期出產的佐藤象 (SATO) 公仔做吉祥物。
▲裝修非常復古，日文海報配合木製桌椅，貫徹日式居酒屋的風格。
居酒屋主打燒烤，用小炭爐來烤肉和海鮮別有風味，而且肉類份量十足，叫一客「大口吃肉盛合」、「好牛盛合」或「海鮮盛合」已經夠 2 個人食，加入特製的洋葱粒可解膩，但留意至少叫兩份肉先可以開爐，亦設每人最低消費 NT$200。唔想食烤肉都仲有石鍋飯、炸雞、韓式泡菜煎餅、部隊鍋、海鮮鍋等畀你揀，非常多元化！最特別係有得親手 DIY 章魚小丸子和拳頭飯，店舖會提供所有食材、醬料和用具，與小朋友一同前來，更可順道親子一番！
▲沖繩昆布海鮮鍋份量十足，只需 NT$380 (約 94 港元)！
▲一埕埕來自日本的著名清酒，酒鬼實在不能錯過！
▲細個玩整章魚燒的 game 就玩得多，現在終於有得落手 DIY。
▲小朋友必點的「DIY 章魚小丸子」NT$200 (約 50 港元)。
▲「大口吃肉盛合」NT$480 (約 119 港元)，可以一次過食均豬梅花、雪花牛和雞肉。
話明係居酒屋，當然唔少得啤酒、清酒、水果酒、燒酒和 Cocktail，仲可以一試韓國炸彈酒。唔飲酒的朋友都唔使驚，店內供應多款日本進口汽水、水果茶和特飲。烤肉居酒屋只係「台中州昭和寶町案內所」推出的第一彈，其他三個區域會陸續進駐，到時實好熱鬧！
▲「台中州昭和寶町案內所」將會推出「寶町小賣所」區，好期待！
▲店內的燈光微暗，會播放音樂，好有氣氛。
樂丸燒肉大眾酒場
地址：台中市中區成功路 151 號
電話：+886 04 2223 5065
時間：新春期間照常營業，每日 11am - 12mn
交通：搭公車至「第二市場站」後，步行約 5 分鐘
Facebook: 樂丸燒肉大眾酒場 / 台中州昭和寶町案內所
文：Venice、圖：樂丸燒肉大眾酒場
UTravel熱門旅遊話題
＞ 簡單登記免費帶走無限數據卡✨＜
附搶飛連結🔗不再錯過演出消息‼️
