日本旅遊攻略
每年日本不同網站都會將吉卜力的角色進步票選，好似「乜乜男女主角」或是「乜乜角色」，上年其中一個網站，搵來 22- 3 8歲生，一人一票選出「最理想的吉卜力女朋友」熱門女角《千與千尋》的千尋居然十大不入，反而宮崎駿之前聲稱的封筆作《風起了》的里見菜穗子榜上有名，連佢個仔宮崎吾朗《紅花坂上的海》的小松崎海亦有上榜，今次同大家由榜尾數上去，睇完得票率之後，唔知你會覺得合理還是摸不着頭腦呢？
No.9《飛天紅豬俠》Gina及Fio
得票率：2.7%
宮崎駿的作品大多都以女性為主，《飛天紅豬俠》是其中一套以男性做主角，是老爺半自傳式、人到中年的寫照。性感尤物的 Gina 亦是波哥（紅豬俠）的前度，當遇上困難或有唔想面對的事時，總是他最好的避風港。
至於飛機設計師 Fio，是宮崎駿典型的少女角色，勇敢、聰明、正能量滿瀉，令人到中年的波哥充滿活力。兩種性格的女生，並例第 9 位，投票給她們的男生，大多都介乎 35-38 歲，覺得呢兩 type 女生，都是他們這個年齡層需要的，兩位合而為一，就最好！（鬼唔知咩）。
No.8《紅花坂上的海》小松崎海 （阿海）
得票率：3.6%
阿海擁有吉卜力筆下女角的優點，堅強與獨立，家中大女，父親在戰爭中失蹤，生死未卜；母親出走日本，唔單止要照顧家庭，仲要打理家裡寄宿的人，擁有傳統日本女性克苦耐勞的美德，而日本男生就是睇中阿海呢個優點而選她。
//延伸閱讀//
No.6《哈爾移動城堡》蘇菲
No.6《風起了》里見菜穗子
得票率：5.5%
個人偏愛，心目中最愛的吉卜力女主角一定是蘇菲，雖然牙尖嘴利，但對哈爾無私的愛，真係好 sweet。但網民覺得，被荒野女巫變老的蘇菲有點可怕，而且有點似管家婆，但亦有人覺得蘇菲係做老婆的最佳人選。至於里見菜穗子，清一色覺得她有六七十年代，日本女性美及傳統女性的優雅。
No.5《幽靈公主》珊珊
得票率：7.3%
外表睇落堅強，但內心很脆弱的珊珊，深得日本男生喜愛，很需要男生給她一個愛的抱抱或照顧，重點當然是靚女兼身材好啦！
No.4《天空之城》Sheeta
得票率：11.8%
難以相信，Sheeta 只係排第 4 位，真係 unbelievable。片中 Sheeta 由天空飄落地下一幕，真係靚到一個點。不過日本男生網民話，雖然 Sheeta 又靚做家務又有一手（煮晒全飛船人員的飯），但見到佢呼喝船員的那一幕，有點怕怕（好難捉摸呀！）。
No.3《夢幻街少女》月島霞
得票率：12.7%
月島霞有一份大男孩的率直與爽朗，一點都不造作，是那種男生喜歡結交的朋友類型。日本男生同樣有呢個感覺，唔造作的性格得到唔少男生歡心，更覺得容易相處（即是唔港女？）。
No.2《風之谷》小木蘭
得票率：15.4%
總覺得小木蘭根本就是女漢子，與花木蘭一樣強悍，玻璃心的男生，應該會怕怕吧！但結果係排第 2 名，日本男生覺得小木蘭面形好靚，而且既有正義感又獨立，唔黐身，重中之重點是身材一流。
No.1《魔女宅急便》琪琪
得票率：25.4%
為見識更大的世界，琪琪決心離開 comfort zone 面對未知的困難及陌生的人和事，仍然保持單純及樂於助人的心，確實難得。在日本男生眼中，佔大多數覺得琪琪遇到困難時，身邊不但有好多人出手相助，而且有用不完的元氣能夠找到最多人來幫忙，加上外表又夠可愛又識得做家務，出得廚房入得廳堂，所以成為眾多女主角中的 No.1 。
UTravel熱門旅遊話題
＞ 簡單留言，即有機會免費得到！＜
↓即睇最新行程懶人包、爆紅打卡點🔥、必吃美食😋等↓
