日本旅遊攻略
2017.01.25
無錯，我哋就係鍾意 show off，就係要「曬」畀大家睇下我哋深厚嘅 friendship！難得同 BFF 去外地玩一轉，梗係穿埋閨蜜裝，青春留倩影啦！不過點樣襯至好睇？
團 TEE 最 EASY！
唔知點襯？最簡單就係同閨蜜着同一款衫，感覺上好似着咗團 TEE 咁，仲有啲 Twins 嘅感覺㖭，友誼度即時提升！(圖：amber2920 @IG、love0lead @IG)
不過，如果自己同 BFF 嘅穿衣風格、身材完全不同嘅話，穿同一款嘅團 tee 未必會好好睇，仲可能會暴露咗自己嘅缺點㖭！(圖：storebyroxi @IG、yyi325 @IG)
Upgrade！閨蜜裝同款不同色！
雖然都係同款 clothing，不過顏色選擇多咗，令人睇落無咁悶，相反仲會覺得，有變化得嚟又能維持返相同格調！而且姊妹們可挑選返自己心水顏色，讚！(圖：huiz_artemis @IG、pinimg.com、my.beautydiaries)
//延伸閱讀//
玩顏色 最啱 feel！
如果唔想專登買件衫嚟做閨蜜裝，其實玩 color dress code 都係不錯嘅選擇！上網都睇到唔少閨蜜裝都玩顏色路綫，因為方法簡單得嚟又易玩，而且又唔需要刻意同 BFF 夾定，easy job！(圖：soulbay.tw、marishe.com、cloudfront.net)
年度最 hit！必勝牛仔 style！
要數最大路、最易襯嘅衣着，牛仔裝一定入選！每個女生嘅衣櫃裏面都肯定有一件牛仔 item，牛仔褸、工人裙、工人褲、牛仔 one piece，甚至牛仔褲，都非常易襯又好睇！如果同閨蜜一齊穿，配搭度、好感度均大大提升！(圖：marishe.com)
一齊蛻變！女人味露肩裝冒起！
經常走少女風嘅你，偶爾都會想轉一轉成熟小女人 style，不妨可挑選露肩裝，感覺不會太成熟之餘，又會有淡淡嘅女人味！(圖：5000zi.com)
男女通殺！格仔最迷人！
正所謂「格仔裙，最迷人」，既然大家都咁愛格仔，一齊穿格仔肯定零失敗！而且格仔裙、格仔衫着起嚟都幾易襯，又有超多顏色揀，有紅有黃有藍有綠有紫，總有一款啱你，同姊妹一齊着，仲帶點 schoold girls 嘅感覺㗎！(圖：cloudfront.net)
活潑運動風！Sporty 可人兒
運動風一向受歡迎，某部分原因係因為不少韓國明星如少女時代都會走運動風，睇落既活潑又 out-going，都幾迷人㗎，簡單短裙仔，再加一對長襪，夠晒 sporty！(圖：intl.rakuten-static.com、StyleBlazer @Pinterest)
華麗變身！奢華迪士尼公主風！
我覺得一生人一定要同自己嘅 best friend 穿一次 Disney Princess 系列，齊齊華麗變身成貴氣十足嘅公主，瘋狂影相！(圖：pinimg.com、myLusciousLifecom)
終極教路！以配件「配襯」友誼！
萬一你同 BFF 真係夾唔啱穿邊種風格，都唔使咁灰心嘅，仲有最後一招：以「配件」襯托！衣着完全不限，你哋大可各自 freestyle，你是格仔她是牛仔一樣 no problem！
只要你哋用相同嘅配件、配飾，人地睇落一樣咁 sweet，影相絕對無問題！有乜配件好揀？例如外套、手袋、tote bag、絲巾、頭巾、黑超、裝飾用嘅眼鏡，甚至係鞋、boots 都得㗎！(圖：my.beautydiaries @IG、zerojessica_ @IG)
//延伸閱讀//
UTravel熱門旅遊話題
【立即睇👀】最新演唱會時間表🎤搶飛情報🎫！↓
附搶飛連結🔗不再錯過演出消息‼️
附搶飛連結🔗不再錯過演出消息‼️
【Chill Guide旅遊指南😎】日韓台泰越深圳2025行程攻略✈️↓
↓即睇最新行程懶人包、爆紅打卡點🔥、必吃美食😋等↓
↓即睇最新行程懶人包、爆紅打卡點🔥、必吃美食😋等↓
