日本旅遊攻略
2017.01.23
雖則依家機場咁先進，出事機會率應該很低，但世界很大，仍然有很多令你心驚膽氈，連機司都扯白旗嗌救命的機場跑道，當你去到以下 10 個地方，真係要記得扣穩安全帶及打醒十二分精神。驚險陸續有來，睇睇就明，唔知 Cool 魔見到，會唔會都嗌救命呢？
機乎觸手可及 St. Maarten 的 Prince Julianna 國際機場
令人諗起當年九龍城的啟德機場，正在降落的飛機與民居、唔夠十層樓高距離。而位於加勒比海的 Prince Julianna 國際機場，跑道全長只有 2,349 米，不得不連接渡假海灘，所以降落時，與地面高度只有 10 至 20 米的差距，感覺好似在你頭頂擦過，仲感受到引擎的熱力，有啟德 feel。聽落雖然恐怖，但已經成為遊客必去的打卡熱點。
全球只有 8 名機司有資格降落的機場 不丹的 Paro 國際機場
被稱為世界上最快樂的地方：不丹，但機場一點都不令人快樂。處於海拔 2,235米 的 Paro 國際機場，被四千幾米的喜馬拉亞山峰包圍，而且跑道只有 1,964長（仲短過Prince Julianna）及 29 米闊，技術唔夠精煉，好易滑出跑道撞向山，所以據聞到目前為止，全球只有 8 名機司有資格在 Paro 降落。
//延伸閱讀//
海灘定機場傻傻分不清 蘇格蘭的 Bara 機場
第一個感覺，以為飛機事故緊急降落在海灘，其實並不係咁。原來係，全世界唯一一條海灘跑道就喺蘇格蘭的 Bara 機場。降落時一定要捉緊潮夕漲退，一旦夕漲，海水淹沒了跑道（其實係沙灘啦！），飛穖會即時變成航空艦艇。
降落在十字路口 直布羅陀國際機場
位於摩洛哥及西班牙之間的直布羅陀（Gibraltar）機場，在最繁忙的市中心交界，每次飛機降落都要將整條行車綫封閉，一不留神，飛機就會衝向車群。
天橋跑道 葡萄牙的 Madeira 機場
稱得上是背山面海旳 Madeira 機場，跑道面向大西洋，背後是一座座高山，不突止，更是一條天橋式的跑道。睇落好靚，但被機司稱為歐洲最危險跑道。點解？既要留意群山造成的顛簸性氣流，又要在降落前最後一分鐘緊急轉入跑道，真係最考機司技術及經驗。
崖上的跑道 尼泊爾的 Tenzing-Hillary 機場
機場四面都被喜馬拉亞山脈包圍，處於海拔 2,860 米的 Tenzing-Hillary 機場，有條被稱為世界上最陡峭跑道，稍有差池，飛機直墮懸崖。
滑雪友最愛 法國 Courchevel’s Runway
每年冬天都吸引無數滑雪友的 Courchevel’s Runway，未降落前，俯瞰整個阿爾卑斯山，白茫茫一遍，靚到一個點。但好戲在後頭，同樣被群山環抱，而且跑道只有 545 米長，所以只適合小型飛機降落。又會因為四方八面的風勢，加上跑道非平路，而是有高低起伏的斜坡，仲要搖住著地，都咪話唔驚。但勝在夠靚，連007 系列《新鐵金剛之明日帝國》的 opening，都在此取景，就知有幾靚！
飛過活火山 厄瓜多爾的 Quito 機場
睇落好似無乜特別，正正常常的一個機場。其可怕之處在於身處活火山帶，飛機降落時要在冒煙山頂飛過，好彩的話（定唔好彩？）會見到噴出熔岩漿，死未？所以不時都要繞道而飛，貼近住宅區降落。
呼吸困難 西藏的昌都邦達機場
又係睇落正正常，四周沒有被群山包圍，跑道又有 5,500米長，夠晒降落有餘啦！但危險不在於此，而是空氣。位於海拔 4,334 米的昌都邦達機場，不時會出現因為空氣太過稀薄而令引擎損毁的情況。
滑過海水 Saint Barthelemy 的 ST. Barths 機場
情況與 Prince Julianna 國際機場有點類似，又係要在海灘前降落，但她的跑道更短，只有 640 米，所以只適合小型飛機降落，但仍然係高難度動作。因為跑道唔夠長，經常都在海上滑行一段距離，跑道又與馬路連接，所以要在此機場降落的機師必定要有特殊駕駛執照先得。
UTravel熱門旅遊話題
↓《Chill賞親子玩樂祭》活動攻略✨！↓↓
贏走題樂園門票、酒店Staycation及人氣產品
贏走題樂園門票、酒店Staycation及人氣產品
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
