合味道最新抹茶杯麵梁祖堯：唔覺抹茶味！ | U Travel

澳門快閃遊

大灣區快閃遊

正在閱讀
合味道最新抹茶杯麵梁祖堯：唔覺抹茶味！

2017.01.11

【26/1 更新】抹茶狂迷，很想試吧？！

個個星期喺《U Magazine》facebook 拍緊煮食教學片《祖堯廚房》嘅舞台劇演員梁祖堯，家陣人在北海道，咁啱畀佢喺便利店見到合味道最新款「抹茶海鮮杯麵」，煮得更食得嘅佢當然第一時間啪番個！今期等佢客串 U Travel 星級特派員，幫大家試味。

合味道最新抹茶杯麵梁祖堯：唔覺抹茶味！

1 月 23 日先推出架！

合味道最新抹茶杯麵梁祖堯：唔覺抹茶味！

海鮮湯 creamy 又香噴噴，阿祖話聞落有淡淡抹茶味喎！食落就……

合味道最新抹茶杯麵梁祖堯：唔覺抹茶味！

麵綫呈淺綠色，因為加咗抹茶。雪雪雪～～～佢嘅第一句 comment 係：幾好味喎！

合味道最新抹茶杯麵梁祖堯：唔覺抹茶味！

睇得多日本飲食節目嘅佢，現場浮誇演繹：「唔～～～餓依絲～～～～」嘩，戲子上身！「咁我又未至於呢個反應嘅。不過，OK 吖！」

合味道最新抹茶杯麵梁祖堯：唔覺抹茶味！

「講真吖，如果唔講佢係抹茶口味，叫我就咁食呢，我係唔會知道呢個抹茶味嘅！」

唔該晒！大家係咪不到黃河心不死，係都要試試佢呢？

文：大白鱔、圖：梁祖堯 / joey.pumpkinjojo@fb

抹茶迷嘅暗黑勢力愈嚟愈強大，依家連日清集團都推出抹茶味合味道杯麵！由 1 月 23 日起，日清即將推出 3 款新品，當中最最最大亮點就係 CUP NOODLE 抹茶海鮮味！媽呀，大眾嘅口味愈嚟愈刁鑽啦！

合味道最新抹茶杯麵梁祖堯：唔覺抹茶味！

日清官方指，即將新出嘅 CUP NOODLE 抹茶海鮮味杯麵將會係品牌第一款綠色麵，將抹茶加工在麵條中！杯麵湯底除咗有濃郁嘅海鮮湯外，仲有抹茶嘅甘香㖭！配料就有魷魚、白菜、葱、雞蛋以及紅蘿蔔！

CUP NOODLE 抹茶海鮮味 77g
價錢：180 日元 (未連稅)
推出日期：2017 年 1 月 23 日起

日清加推！冷門口味炒麵 + 烏冬！

合味道最新抹茶杯麵梁祖堯：唔覺抹茶味！

另外，日清 U.F.O 炒麵系列亦有新成員，推出咗鹽燒梅子昆布新口味！雖然感覺好似怪怪哋，不過味道應該偏重於「鹽燒」嘅鹹味多啲，而帶點微酸嘅梅子更能提起炒麵嘅味道，昆布則能增加口感，所以雖然口味冷門咗啲，不過日清出品，仍可放擔一試！

日清 U.F.O 炒麵　鹽燒梅子昆布味
價錢：180 日元 (未連稅)
推出日期：2017 年 1 月 23 日起

合味道最新抹茶杯麵梁祖堯：唔覺抹茶味！

至於日清のどん兵衛新出嘅壽喜燒肉汁味烏冬，味道應該好似食牛肉鍋物咁，既有偏鹹嘅湯底，又有好濃、油脂感好重嘅肉汁，啱晒一班鍾意重口味嘅烏冬迷！

日清のどん兵衛壽喜燒肉汁味烏冬
價錢：180 日元 (未連稅)
推出日期：2017 年 1 月 23 日起

文：旅神 Joy、圖：rocketnews、nissin.com

//延伸閱讀//
櫻桃小丸子人氣角色化身冬甩
 極真味首爾甜薯雪糕
 日本限定 Hershey's 朱古力雪糕 Bar
食薯片味薯條最新 Lotteria X 卡樂 B 新口味

UTravel熱門旅遊話題

↓《Chill賞親子玩樂祭》活動攻略✨！↓↓
贏走題樂園門票、酒店Staycation及人氣產品

🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟