日本旅遊攻略
一名網民在Threads發帖，細數遊埃及的不快經歷，指跟團時被帶到店舖以天價購物、「唔買佢就唔比你走」，又不斷被提醒要給小費，直言「埃及真係冇下次」，帖文錄得逾14萬次瀏覽，網民意見兩極。
帖主經歷：小費給不停 抵埗即腹瀉
帖主開首便問「究竟係咪得我地係咁 埃及真係一次就夠」，並列出多項不滿。帖主指旅程中「比tips比到傻 不斷比人提要比tips」；抵埗後已經腸胃不適、腹瀉不止，食物更不用多想，「杯麵真係拯救人生」。帖主又表示走在街上「個個都喺度騷擾你」，跟團時則被帶到店舖「用天價買野 唔買佢就唔比你走」，加上「塞車塞到hihi」。
不過，帖主也坦言「啲景點係真係好正 但我好似handle唔到呢個地方」。帖文獲約1,000個讚好及167則回覆。
網民意見兩極：跟團好還是自由行好？
有網民認為「基本上成個北非都係」，亦有人直言「跟團都要係咁比tips」，也有網民認為帖主「跟錯團」。另一邊廂，有網民分享「我自由行去，join左3個圑當地圑淨係俾過司機tips，講緊都係20蚊港幣左右」，亦有人建議透過旅遊平台預訂，「講明吾駛比tips」。
也有不少網民替埃及說好話。有人認為「埃及一定要跟香港團去係真，呢個地方好值得去」，有人表示「去過兩次 跟團ok」，又有網民指「咁耐以嚟見勁多人自由行去都比人喪呃，好似真係跟團穩陣啲」。對於帖主靠杯麵充飢，有網民大感可惜：「埃及 d野咁好食 食杯麵痴線」；亦有人總結「一生人要去一次，不過一次就夠」。
外遊團不得威迫購物 服務費須預先列明
根據旅遊業監管局《持牌人指令》，持牌旅行代理商如安排外遊旅行團，須就購物行程採取一切合理步驟，確保團員不會因騷擾、威迫手段或不當影響而被迫進入或留在任何商店，亦不會受制於威迫購物（外遊）。指令又規定，旅行社如在團費以外徵收服務費，須在團員報名前列明計算方法、金額，以及當中包括領隊、當地導遊、旅遊車司機等哪些人員的服務費。小編建議，報團前宜先查看行程表上的購物點安排及服務費金額。
出發前留意飲食衞生
有網民問到出發前是否需要打針。衞生署旅遊健康服務指，旅客可向家庭醫生或衞生署旅遊健康中心查詢所需接種的疫苗。至於旅遊者腹瀉，衞生署指最佳方法是注意個人及食物衞生，食物要徹底煮熟，食水要煮沸；未經煮熟的蔬菜、肉類及海產特別危險，未經煮沸的水、冰塊和未經消毒處理的奶類製品也容易引致感染。
圖片來源：Threads@reinastravel_diary、Unsplash、iStock
延伸閱讀：
UTravel熱門旅遊話題
↓ 一連5星期！約定您一齊捕捉限時搶‼️↓
附搶飛連結🔗不再錯過演出消息‼️
