日本旅遊攻略
週末想嚟個快閃度假trip，唔一定要搭飛機出國！去深圳一樣可以享受到極致嘅度假風情！今次精選6個社群U Creator推介深圳6個勁適合打卡嘅度假勝地，除咗有各種生態主題公園外，仲有得打卡無敵玻璃海，即刻睇落去，週末開展一場2日1夜親子偽出國旅行啦！
【中秋送禮】大派100張超市現金券！
中秋節就到，《社群》特別送出100張超級市場現金券，現時只需於活動頁面留言或簡單登記，就有機會免費贏走！無論買中秋應節食品或是日常補貨都非常適用呀～
活動日期：即日起至2026年9月27日
深圳短度假好去處 | 1. 小梅沙度假村
如果你好鍾意去海邊散心，位於鹽田區嘅「小梅沙」絕對係不二之選！作為深圳近年大熱嘅濱海景點，小梅沙擁有豐富嘅度假設施與黃金海岸線，除咗可以玩盡各種水上活動外，區內更集齊小梅沙海洋世界與頂級酒店配套，非常適合親子2日1夜出遊放電！
住宿推介：深圳美高梅酒店
交通方式：深圳地鐵8號線至「小梅沙站」步行10分鐘
深圳短度假好去處 | 2. 東部華僑城
位於大梅沙東部嘅「東部華僑城」係深受港人歡迎嘅熱門度假區。裡面除咗可以搭乘特色森林小火車之外，仲集齊主題樂園、生態公園與仿歐洲小鎮於一身！大家可以漫步於峽灣棧道觀賞瀑布與山海景觀，輕鬆打卡「偽峇里島」同歐陸異國風情！
住宿推介：東部華僑城黑森林嘉途酒店、天麓秘野仙蹤度假美宿
交通方式：深圳地鐵8號線「大梅沙」站或「鹽田墟」站轉乘公車／計程車
深圳短度假好去處 | 3. 南澳大鵬灣
想喺深圳體驗希臘度假風，南澳絕對係首選！除咗可以打卡一望無際嘅天然玻璃海，仲有超多裝修精緻嘅歐陸風民宿。必打卡希臘聖托里尼風格嘅洞穴海景Cafe，輕鬆影出極具異國風情嘅網紅照！區內亦設有私人海灘，可以暢玩獨木舟等水上活動，情侶或親子度假都極之適合！
住宿推介：蜜悅·藍白聖島懸崖泡池美宿、蜜悦·深圳羅馬假日湯泉泡池美宿
交通方式：搭乘跨境直通巴或經蓮塘口岸轉乘地鐵及巴士
深圳短度假好去處 | 4. 較場尾
文青必去位於大鵬新區，有「深圳鼓浪嶼」之稱嘅較場尾！這裡集合超過300棟馬卡龍色系嘅特色民宿，隨手拍都勁靚～穿過民宿區就是一大片海灘，可體驗多項水上活動；附近仲可以順遊擁有 600 多年歷史嘅大鵬所城，休閒慢活嘅氛圍極適合短程快閃放慢腳步！
住宿推介：較場尾仙本那私湯民宿
交通方式：蓮塘口岸或羅湖口岸乘坐巴士或計程車直達
深圳短度假好去處 | 5. 官湖沙灘
同樣位於大鵬新區嘅官湖村亦係不能錯過嘅打卡點！當地嘅絕美海岸線配上日系十字路口，酷似日本鐮倉車站，因此又被稱為「深圳版鐮倉」。除了有多間文青民宿，仲有免費沙灘俾大家玩水放電，玩累了仲可以在沙灘邊歎海鮮、飲咖啡，成件事係勁Chill！
住宿推介：深圳官湖祕野礁石海景酒店
交通方式：從蓮塘口岸搭乘長途巴士轉乘接駁車
深圳短度假好去處 | 6. 歡樂海岸
如果想一次過滿足行街購物、親子娛樂、美食與度假多個願望，位於南山區嘅「歡樂海岸」絕對係最佳目的地！作為國家 5A 級旅遊景區，區內設有超大型購物中心、探險樂園與海洋館，晚上仲可以觀賞國際級大馬戲與水秀劇場，親子玩足2日1夜行程超豐富！
住宿推介：深圳藍楹灣度假酒店
交通方式：深圳地鐵9號線「深圳灣公園」站E出口步行
延伸閱讀：深圳海景民宿7大推介｜度假打卡必去希臘風白房子/私人海灘/私湯民宿
*本文內提及之景點資訊及交通路線僅供參考，實際詳情請以各大景點、酒店及公共交通機構官方最新公布為準。
招募U Creator l 出Post賺獎賞！
立即登記➡️ https://ulapp.hk/zctyn
🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：小紅書@小梅沙官方、社群U Creator @海馬媽媽、@ArTingbabyyy、@Happy Ball、@Nobeeboo、@skylife0512、@彭彭の旅行日記、@Cynthia Tang、@Koeyyochan16、@bbmm___smiie
UTravel熱門旅遊話題
↓室內設計、智能家居、寢具梳化↓
↓立即登記參加！賺取無上限現金賞💰↓
