日本旅遊攻略
暑假帶小朋友去台灣旅行嘅家長望入嚟！台灣各地有多個知名親子樂園選擇，有齊F1賽車場海外唯一授權駕駛樂園、親子必去水族館、原住民主題樂園等，每個樂園都各有特色！去台北、台中、高雄親子遊唔使再煩去邊個親子樂園好，save低呢篇文睇下邊間最啱心水！
【招親子KOL】親子合作配對計畫 l 優先參加合作試用！
想同小朋友一齊參加各大品牌活動，《社群》「親子合作配對計畫」可以實現到您嘅願望！完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。立即登記，創造難忘親子回憶～
台灣親子樂園推介｜1. 鈴鹿賽道樂園（高雄）
鍾意賽車嘅小朋友必去「高雄鈴鹿賽道樂園」，佢係日本鈴鹿賽車場海外唯一授權嘅駕駛主題樂園！除咗可以喺「迷你鈴鹿賽道」上暢玩卡丁車之外，樂園區仲可以親自駕駛電動車、摩托車、越野車、大賽車飄移等體驗，合家歡同刺激性遊戲都有，大人小朋友都玩得開心！
地址：高雄市前鎮區中安路1-1號
> “NicoleHeiTong” 詳細分享高雄鈴鹿賽道樂園必玩項目<
台灣親子樂園推介｜2. Xpark（桃園）
嚟到桃園唔好錯過呢個全台灣首個都會型水生公園「Xpark」！佔地近1.5萬平方米，裡面有超過300種海洋生物，可以近距離沉浸式觀賞海豹、水母、企鵝等海洋生物，結合埋數碼科技，視覺效果滿分，係唔少親子及情侶去桃園必去嘅打卡景點！
地址：桃園市中壢區春德路105號
台灣親子樂園推介｜3. 六福村主題遊樂園（新竹）
帶小朋友去台灣放電，點少得去朝聖全台最大規模主題樂園！位於新竹嘅「六福村主題遊樂園」係亞洲第一座結合生態動物園同多項大型遊樂設施嘅主題樂園，裡面有四大異國主題區，仲有夏日限定水上樂園，全方位滿足大人小朋友玩樂嘅期望！
地址：新竹縣關西鎮仁安里拱子溝60號
台灣親子樂園推介｜4. 兒童新樂園（台北）
去台北點可以唔去士林區呢個大熱親子主題樂園！裡面有13項大型遊樂設施、免費遊戲區等親子玩樂體驗，無論係刺激嘅過山車、海盜船，定係合家歡嘅摩天輪、旋轉木馬項目，夏天更於園區內外設有水樂園，暑假放電同時輕鬆消暑！
地址：台北市士林區承德路五段55號
台灣親子樂園推介｜5. 麗寶樂園（台中）
「麗寶樂園」係台中大型渡假園區及唯一水陸主題樂園，除咗有齊陸上及水上樂園外，更集五星級飯店、全台最大摩天輪、國際級賽車場等設施於一身！喜歡刺激必玩夏日限定滑水道、人工造浪池、過山車等，另外仲有兒童專屬溫和遊樂區，即刻去片睇下社群U Creator玩後感啦！
地址：台中市后里區福容路8號
台灣親子樂園推介｜6. 九族文化村（南投）
想認識台灣原住民文化，不如去打卡位於南投日月潭嘅「九族文化村」！作為主打台灣原住民文化嘅主題樂園，必打卡原住民部落景觀區、歐洲花園，可以觀賞傳統歌舞表演，仲有知名懸吊式過山車等刺激遊樂設施都可以喺度玩到！每年2-3月仲有九族櫻花節，同樣吸引唔少本地人同遊客專程去觀賞～
地址：南投縣魚池鄉大林村金天巷45號
台灣親子樂園推介｜7. 遠雄海洋公園（花蓮）
呢個係全台灣唯一以海洋主題打造的大型樂園，集合自然景觀、水族館及遊樂設施於一身，係一家大細遊台必朝聖景點之一！8大主題區除咗可以觀賞海豚、海獅巡警隊、美人魚表演外，仲有海底隧道和纜車，等大家沉浸式投入海洋夢幻世界！
地址：花蓮縣壽豐鄉鹽寮村福德189號
UTravel熱門旅遊話題
↓逾6000份限定禮品等緊您↓
立即探索🔍最新熱門活動📍好去處推介🌟
