日本旅遊攻略
次次去澳門淨係識去大三巴、官也街？其實除咗去遊客景點掃街或者睇演唱會之外，澳門仲有好多值得探索嘅餐廳、玩樂景點、打卡位等住您發掘！ 小編整合社群U Creator精心推介澳門快閃行程路線推介，今個暑假帶屋企人或者另一半去一場短trip啦！
Table of Contents
【勁送海洋公園水上樂園門票】日夜激玩Beat The Summer
暑假留港可以去邊玩？U Community免費送您海洋公園水上樂園門票，帶您玩盡全新活動「Beat The Summer 奏夜激玩水上樂園」，投入懷舊主題「游如80年代」的狂熱Party氛圍！現時簡單登記就有機會贏走免費門票，暑假一齊去Beat The Summer！
澳門好去處｜1. 澳門teamLab超自然空間
想沉浸式打卡光影藝術，澳門都可以打卡teamLab超自然空間！佔地5,000平方米，由teamLab團隊打造多個高8米超巨型作品組成。呢度充滿各種令人震撼嘅視覺效果，令你分唔清幻想同現實，而且每個展區都好有互動性，難怪社群U Creator "c.ookingbear" 分享話影相影到唔捨得走！
地址：澳門威尼斯人金光會展展覽館F館
>同場睇埋 “loveshare2346” 分享澳門威尼斯人必知3件事<
澳門好去處｜2. 澳門新濠影滙「迪士尼滙聚嘉年華」
迪士尼粉絲去咗澳門新濠影滙打卡呢個「迪士尼嘉年華」未呢？除咗一定要打卡入口高達7公尺嘅巨型米奇裝置之外，仲設有三大DIY串珠工作坊、留影站等迪士尼角色主題體驗區、「影滙之星」主題包廂！另外新濠影滙水上樂園亦同步化身為全新「迪士尼太空水世界」，設有四大太空主題迪士尼打卡裝置，無論係大朋友定小朋友都可以感受到夏日夢幻氛圍～
活動日期：即日起至2026年11月1日
地址：澳門路氹連貫公路的新濠影滙綜合度假村
> "Deardaphne" 詳細分享新濠影滙迪士尼嘉年華亮點<
澳門好去處｜3. 西望洋山
位於澳門半島嘅「西望洋山」又稱為「主教山」，裡面有座標誌性嘅西望洋聖堂更被收錄於《澳門文物名錄》，面前更設有用大理石雕刻而成嘅聖母像，絕對值得專程上山觀賞！另外必打卡無敵觀景台，可以360度全景欣賞飽覽南灣、旅遊塔等景色，日落去睇更加靚！
地址：澳門半島西南部
澳門好去處｜4. 大關斜巷
「大關斜巷」連接大三巴同關前後街，係一條充滿文藝氣息及葡國風情嘅特色打卡位！沿路會見到各種黃色系建築、繽紛塗鴉牆及一系列文創小店。可步行至關前街歎各種地道街頭小食、大三巴、瘋堂斜巷等特色景點，每次快閃澳門去探店都唔會厭！
地址：澳門歷史城區大堂巷15號地下
> “NicoleHeiTong‘ 分享大關斜巷街道特色及打卡靚相<
澳門好去處｜5. 沙梨頭街市熟食中心
吃貨唔好再去官也街嗰邊同人迫啦！位於沙梨頭街市2樓嘅熟食中心集合各種地道及葡國美食，絕對係深度遊澳門必去景點之一！除咗地道特色美食之外，仲集合咗西式、日韓、東南亞等地方菜式，連香港人最愛嘅「水蟹粥」都有得食！而且街市唔單止空間寬敞，而且仲可以觀賞海景，下次去澳門不妨去呢邊歎返餐～
地址：澳門爹美刁施拿地大馬路230號2樓
澳門好去處｜6. 義順鮮奶總店
食嚟食去都係葡撻、牛雜、豬扒包，不如試下呢間號稱「雙皮奶始祖」！「義順鮮奶」於澳門有150多年歷史，最大特色係擁有自家農場養殖乳牛，必食馳名雙皮燉奶及薑汁撞奶，另外仲提供菠蘿冰、各種麵食、多士等食品，去澳門一定要朝聖一下！
地址：澳門亞美打利庇盧大馬路381號
> “loveshare2346” 同您打卡澳門馳名雙皮奶<
澳門好去處｜7. 旅遊塔360°旋轉餐廳
想搵間氣氛浪漫嘅餐廳，不妨去位於旅遊塔60樓嘅「360°旋轉餐廳」，體驗下每90分鐘旋轉一次，360度視角歎住美食飽覽成個澳門市區景致！除咗有厚切三文魚刺身、即開生蠔等豐富刺身海鮮選擇之外，仲有地道葡國美食、即點即製意粉等等，想有儀式感歎自助餐切勿錯過！
地址：澳門旅遊塔會展娛樂中心60樓
UTravel熱門旅遊話題
＞ 一步登記拎飛～玩盡日夜Beat The Summer！＜
附搶飛連結🔗不再錯過演出消息‼️
