日本旅遊攻略
親子出遊去日本淨係識去東京、大阪？其實名古屋都係隱藏級「親子出遊天堂」！除咗有適合親子玩樂嘅樂園景點之外，仲可以安排水族館、動物園等行程，就連出發打卡「立山黑部」都超方便！今日小編為各位爸爸媽媽整合出2026最新名古屋親子遊必去景點懶人包，趁暑假就到，係時候帶埋小朋友出發放電啦！
Table of Contents
【請您試用】Mustela嬰幼兒夏日防護套裝！☀️
夏日帶小朋友出遊放電，最怕猛烈陽光同蚊叮蟲咬傷到BB幼嫩肌膚！U Community社群送您嬰幼兒夏日防護套裝，有齊SPF50低敏高效防曬乳、高效防曬棒及嬰幼兒驅蚊乳液，再送精美萬用袋(價值$541)！全方位保護BB，安心探索大自然～
名古屋親子遊景點｜1. 立山黑部
「立山黑部」開山啦！今年又係時候打卡呢條超壯觀「阿爾卑斯山脈路線」！雖然路線並非直接位於名古屋市內，但由名古屋站搭乘 JR 出發即可輕鬆接駁前往登山口，亦係唔少一日遊團嘅熱門出發點。必打卡高達 20 公尺嘅巨型雪牆「雪之大谷」以及壯觀嘅「黑部水壩」，絕對能帶俾小朋友視覺震撼！
開山日期：2026年4月15日至2026年11月30日
交通方式：名古屋站搭乘JR專線前往「富山站」或「信濃大町站」接駁
名古屋親子遊景點｜2. 名古屋港水族館
全日本面積最大、水槽容量最大嘅大型水族館就喺名古屋呢度！「名古屋港水族館」館內展示超過500種、共5萬隻海洋生物。最特別就係可以打卡到一般水族館極罕見嘅虎鯨同白鯨，現場觀賞海豚同虎鯨表演，現場睇真係視覺享受，絕對係名古屋親子遊嘅必去行程！
地址：愛知縣名古屋市港區港町1-3
名古屋親子遊景點｜3. 則武之森
如果想喺同一個景點同時滿足購物、博物館、打卡三重願望，「則武之森」絕對係最適合一眾家庭參觀嘅名古屋藝術地標！佢作為知名高級西洋餐具品牌「Noritake」嘅創始地，除咗可以觀賞精美陶瓷博物館，仲可以漫步於紅磚歐陸風庭園，必去鄰近嘅AEON MALL內打卡「則武新町」巨型魔幻書牆，媽媽可以大買特買，小朋友又有空間跑跳，大人細路都玩得盡興！
地址：〒451-8501 愛知縣名古屋市西區則武新町3-1-36
名古屋親子遊景點｜4. 磁浮鐵道館
想帶子女認識日本鐵道故事？去名古屋唔好錯過呢個全球唯一嘅「磁浮列車博物館」！由JR東海設立，館內展示咗初代新幹線到最新磁浮列車嘅發展歷程，更有齊約40台實物列車展示及新幹線駕駛模擬設備，仲可以搭乘模擬體驗列車，絕對係鐵路迷天堂！
地址：〒455-0848 名古屋市港區金城埠頭3-2-2
名古屋親子遊景點｜5. 日本樂高樂園
鍾意砌LEGO嘅小朋友，今年暑假一於去名古屋砌個盡興！日本第一座樂高樂園位於名古屋，分為7大主題園區及40多種以LEGO為主題嘅遊樂設施，「飛龍過山車」、「駕駛學校」都係網民推介必玩項目，同埋必入手限定積木及樂高積木漢堡，沉浸式享受LEGO夢幻世界！
地址：名古屋市港區金城碼頭二丁目
名古屋親子遊景點｜6. 吉卜力公園
宮崎駿粉絲去名古屋不容錯過呢個吉卜力主題景點！位於近郊愛知縣「愛・地球博紀念公園」內，以《哈爾移動城堡》、《千與千尋》、《魔女宅急便》等經典作品為主題，組成5大主題園區。人氣必訪「吉卜力大倉庫」，有齊多部吉卜力作品元素同經典場景，無論大人定小朋友都一定玩到唔捨得走～
地址：〒480-1342 愛知縣長久手市茨廻間乙1533-1
名古屋親子遊景點｜7. 東山動植物園
位於名古屋市內嘅「東山動植物園」佔地約 60 萬平方公尺，裡面飼養超過500種、共17,000隻動物，飼養數量高居全日本第一！可以觀賞到樹熊、大象、金絲猴、白犀牛、長頸鹿等動物。而植物園種植約7,000種植物，仲有各種生態知識展示，小朋友都可以「寓學習於娛樂」！
地址：〒464-0804 名古屋市千種區東山元町3-70
名古屋親子遊景點｜8. 鈴鹿賽車場樂園
想體驗喺F1賽道揸EV卡丁車，一定要將「鈴鹿賽車場樂園」排入行程。除咗係F1日本大獎賽場地，亦都係適合親子玩樂嘅賽車樂園！設有以賽車為主題嘅遊樂設施，可以體驗於F1賽道真實體驗賽車快感～而且夏天更有限定水上樂園，絕對值得預留足足一日帶全家去玩！
地址：三重縣鈴鹿市稻生町7992
*部分熱門景點暑假期間人流極旺，部分門票及園區採取「完全預約制」，建議家長出發前先經官方或指定平台預訂門票。
【獨家福利】「港媽港爸親子福利資訊區」WhatsApp 群組現正招募成員！
預留獨家送禮名額，中獎機會更高！
👉立即加入： https://ulapp.hk/e0qhf
招募旅遊Creator l 分享旅遊點滴賺額外收入！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：網上圖片、社群U Creator@FoodTravel_World、@雪糕兒、@AVenus Ng、@hazlitt、@bunnys2peach_travel、@Hing、@安妮媽媽、@Snowblue 雪藍
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
立即探索🔍最新熱門活動📍好去處推介🌟
