日本旅遊攻略
深圳福田園博園最近悄悄升級，西區新增童話風創意街區「APPLE LAND」，同時串連多個異國風花園景點，由夢幻打卡到悠閒散步一應俱全。影靚相、還是放慢節奏，簡單走走呼吸綠意，都可以一次過滿足，免費入場兼毋須預約，無論情侶約會、閨蜜打卡或親子同遊，都非常適合作為週末輕鬆出遊之選！
園博園西區｜五大必去新景點
蘋果樂園夢幻登場
位於西門入口的創意街區「APPLE LAND」以小白貓遇見大蘋果的故事為靈感，打造出充滿童趣的蘋果世界。戴上紅色帽子的可愛大白貓Lumi雕塑，手抱巨型蘋果，畫面療癒感十足。園內亦設有紅黃配色蘋果屋、蘋果裝置及巨型蘋果鏡，打卡位豐富！
美國加州陽光花園
以地中海與西岸風格打造的園區，融合陽光、海岸線與台地景觀元素，營造出滿滿度假氛圍。園內遍佈龍舌蘭、多肉植物及柑橘樹，層次分明之餘亦極具異國風情，隨手一拍都有置身海外的感覺。
園博園西區｜遊園小貼士
1. 注意防蚊！綠植多蚊蟲，建議帶蚊怕水
2. 打卡拍照建議上午9點前或下午4點後，光線柔和、人流少
3. 園區觀光車人民幣¥15元/人（無限次），帶小孩/長者的省力之選
4. 北門無地鐵，可原路返回西門，或搭計程車到附近地鐵站
園博園西區｜地址及交通
深圳國際園林花卉博覽園
地址：深圳國際園林花卉博覽園（園博園）西區
開放時間：星期一至日 06:00 - 23:00
門票：免費入園，無需預約
交通：地鐵1號線僑城東站A出口，步行約8-10分鐘到園博園西門
推薦路線：一號線僑城東地鐵站A口步行約10分鐘→園博園西門→大白貓＋大紅蘋果→蘋果樂園→紫色花海→美國加州陽光花園→加拿大月亮花園→東南亞萬象花園→俄羅斯普希金花園→園博園北門出
▼園博園西區地圖參考▼
限時活動已撤走，大白貓Lumi、巨型蘋果鏡、蘋果屋等藝術裝置及四大異域花園保留
-
深圳攻略
深圳園博園慢一日遊😌荷蘭菊紫色花海/新蘋果樂園/4大國際花園/漢服體驗/4大Cafe
深圳園博園真係好大好多嘢玩，而且仲係免費入園，好啱一日遊！呢度除咗全新嘅蘋果樂園之外，仲有正值花期嘅荷蘭菊淡紫色花海。當然唔少得本身就好出名嘅4大國際花園同古風庭園等地標，大家可以換上漢服打卡，玩攰咗仲可以去4間主題Cafe休息吓。喺度一邊散步一邊感受慢生活，遠離香港鬧市超治癒啊！ 🍎 新蘋果樂園（Apple Land）(P3-4) 西門一入就會到呢個全新嘅Apple Land 蘋果主題樂園，主角係超可愛嘅大白貓Lumi同巨型紅蘋果，成個區域都有黃紅色小屋同蘋果擺設，好似入咗童話故事咁，好啱打卡！ 🌍 4大國際花園 (P6-15) • 美國加州陽光花園：植物種類主要為龍舌蘭、多肉、月季、橄欖樹等，充滿西海岸風情。 • 加拿大月亮花園：紅瓦白牆別墅外嘅花園種植咗龍柏、月季、繡球等植物 • 東南亞萬象花園：以大地色為主，融入藤編、陶土、火山岩等元素，路邊種滿熱帶植物 • 俄羅斯普希金花園：俄式園林中有典雅廊架、花壇同綠籬，風格偏莊重優雅 🌸 荷蘭菊紫色花海 (P16-18) 近期見到唔少人去園博園嘅凝翠園打卡呢片聯毛紫菀（又稱荷蘭菊）。淡紫色花海喺陽光照落嚟超級夢幻，睇落好似一幅油畫咁。雖然面積唔算好大，但勝在花朵夠密集，只要搵啱角度，一樣可以影到置身於浪漫花海嘅效果。建議大家著淺色衫去影相，會更加上鏡! 👘 漢服體驗 + 打卡古風建築 (漢服體驗P20-22; 古風建築P24-29) 園博園內有眾多古風建築，包括南苑、聽香園、水墨江南園同知樂園。大家可以先去「畫中游漢服體驗店」換上漢服，之後就可以去呢4大古風庭院打卡。 ☕ 4大Cafe (P31-39) • 一尺花园咖啡：位於加拿大月亮花園內，係來自上海嘅知名咖啡品牌。店舖採用玻璃屋設計，庭院更佈滿綠色植物，環境非常寫意。 • 粵清園・木嘛咖啡：嶺南臨水院裡有個近池塘嘅玻璃屋，環境寧靜。 • 薄荷園・壩壩茶：位於客家新居內，院內有亭台樓閣、小橋流水同竹椅，周末仲有變臉表演，完美結合市井煙火氣同園林雅趣 • 武之魂・茶也潮也：主打功夫奶茶，將潮汕茶打入年輕市場 💡 溫馨提示 • 園內植物多，記住帶蚊怕水 • 以防中暑，記得帶定充足嘅水，同埋準備埋遮陽帽同淺色衫 • 路線建議：西門→蘋果樂園→4大國際花園→荷蘭菊花海→江南古風園林→Cafe休息。 深圳國際園林花卉博覽園 📍地點：福田區深南大道8002號 🚇交通：地鐵1號線僑城東站A出口 🕐開放時間：06:00-23:00 🎫門票：免費入園；觀光車¥15/人 圖片及資料來源: 幸福福田微信公眾號 深圳漢服體驗 深圳cafe 深圳園博園 深圳賞花 深圳美食攻略 深圳打卡攻略 深圳週末好去處 深圳一日遊 深圳攻略 深圳好去處 攻略
閱讀更多
-
親子
深圳科學童夢樂園免費放電、打卡📸係親子好去處新地標？附2大打卡位及交通攻略✨
唔少媽咪嗲哋都會帶小朋友北上去玩，深圳可以話係首選。不過當搵好去處嘅時候，物色新嘅好地點，都令到媽咪爹哋好頭痛。最近喺深圳光明區就有個新開放嘅公園，免費入場、唔使預約，家長唔只可以帶小朋友放電，方便打卡。 即刻喺內文睇深圳「科學童夢樂園」基本設施、3大打卡位同交通攻略： 🌟2大打卡位：圖2至4 🌟4大基本設施：圖5至12 1.聲波迷宮 小朋友踩踏金屬板就會觸發聲波，大人可以一齊合奏，互動感極強，大人小朋友都玩得開心！ 2.磁力山丘 利用磁力裝置，讓小球好似識「輕功」咁，克服重力直接衝向峰頂，讓小朋友親手操作，透過視覺同觸覺直接感受物理現象，將深奧嘅科學變成超好玩嘅遊戲！ 3.科學互動裝置 草坪區設有多款科學互動體驗，部分項目結合機械、VR、AI 同創意科技，讓小朋友可以邊玩邊認識科學原理。實際開放項目同安排以現場情況為準。 4.觀光小火車 園內設有觀光小火車，方便兒童遊客同家長輕鬆遊覽公園部分區域。乘坐安排、名額同適用年齡等細節，建議以現場公告或當日安排為準。 🌟地址及開放時間 地址：深圳市光明區科學公園南翼（樓村站附近） 門放時間：06:00至22:00 🌟交通攻略：圖13 資料及圖片來源：小紅書 @月嶼聽潮、袁饃饃More及多多愛世界
閱讀更多
-
深圳攻略
深圳福田區隱世後花園一日遊！10米三角梅花瀑布/中式古風/法式秘境
深圳有個 「隱世後花園」 講緊係位於福田區嘅 「園博園」（深圳國際園林花卉博覽園）。 而家正值三角梅全盛期，10米高嘅粉白花瀑布真係震撼！ 重點係 免費入場、唔使預約，地鐵直達超方便，絕對係香港人週末一日遊首選。 今次懶人路線已經幫你寫好，直接收藏就得啦！✨ 📸 6 大必影打卡位 1️⃣ 「匯芳園」中式美學天花板 🌸 呢度係全園人氣最高嘅打卡點，亦係呢個「隱世後花園」嘅靈魂所在！ 10米花瀑布：入園後直接衝向園子最入面，你會見到三角梅好似瀑布咁由二樓傾瀉落嚟，遮蓋咗成面牆！建議企喺瀑布下方，利用低角度向上仰拍。最佳賞花期：2月至4月，而3月中就喺最旺盛花期。所以建議大家選擇3月中時間過去賞花。 注意：花期可能因其他因素而影響，出發前建議留意小紅書最新消息 2️⃣ 「南苑」- 復刻江南古風攝影基地 🎋 仿古建築、亭台樓閣、石雕拱橋樣樣齊，簡直係古風愛好者天堂。 3️⃣ 「福塔」- 免費祈福，登高望全園 🪔 仿宋九層高塔，氣勢十足！入座可免費領 3 支香祈福，初一十五仲有齋飯供應。登塔俯瞰全園景色，寓意超正。 4️⃣ 「加拿大月亮花園」- 隱藏法式秘境 🌙 法式花園風格超治愈，噴泉、歐式小徑氛圍感十足。 5️⃣ 「大蘋果」- 童趣地標，可愛值爆表 🍎 靠近西門嘅巨型蘋果展示裝置，色彩鮮艷、造型呆萌。親子或少女影相合適，影出唔同花式動作，有趣又搞笑。 6️⃣ 木嘛(園博園店)🎋 全園面積最大 Café，保留咗古樸嘅園林特色，建築充滿古韻。仲新起咗個落地玻璃室內空間，可以一覽無餘咁睇住庭院美景。 *消費低至$15起 營業時間：星期一至日 09:30-20:00 📍 建議路線 匯芳園（首站衝花瀑布） → 南苑 → 福塔 → 加拿大月亮花園 → 大蘋果 → 木嘛(園博園店) 📍深圳園博園資訊 ⏰ 開放時間：6:00-22:00 🎫 門票：免費（無需預約） 📍地址： 深圳福田區僑城東路深南大道8002號 🚇 交通 深圳地鐵1號線竹子林站B2出口步行或搭接駁巴士到園博園東門 圖片來源：小紅書@茄子打卡、啊嵩看深圳、星星人、不改名字。 、雅煾、叫我青木先森、yyysuki_、女孩旅行、夜空中的星、財源滾滾來、feng_ 攻略 深圳攻略 深圳打卡 深圳好去處 福田打卡 福田好去處
閱讀更多
UTravel熱門旅遊話題
↓逾6000份限定禮品等緊您↓
附搶飛連結🔗不再錯過演出消息‼️
