日本旅遊攻略
日本驅蟲好物｜隨着天氣轉熱，又是各種家居害蟲伺機出沒的季節。日本大創（DAISO）近日就推介了3款高性價比的防曱甴驅蟲好物，當中更包括在一般日本藥妝店大熱、賣近千日圓的防蟲商品縮小版，讓大家用極低成本做好防蟲準備，過一個舒適乾淨的夏天。
DAISO防曱甴驅蟲好物推介
1. 日本製造 曱甴連鎖殺手毒餌（8個裝）
這款日本製造的曱甴毒餌性價比極高，含有 0.05% 芬普尼（Fipronil）有效成分，主打「即日見效」及「連鎖滅巢」。半生熟的毒餌能透過8種引誘成分強烈吸引曱甴進食，當牠們返回巢穴死亡後，其屍體及糞便會令巢內其他同伴二次中毒，達到連鎖滅巢效果，甚至對帶卵的雌蟲、具抗藥性的大型曱甴同樣有效。
- 產品售價： 300日圓（連稅330日圓，折合約港幣 $17）
- 使用規格： 內含8個裝，每3疊疊樂（約50呎空間）放置1至3個，藥效可維持約1年。
2. Goki Jet 曱甴殺蟲噴霧（200mL）
當家中突然出現飛天曱甴等不速之客，這款由日本殺蟲大廠生產的噴霧就是最強的實戰武器。它主打極速擊殺效果，內含高濃度的有效成分，能瞬間癱瘓並消滅強韌的害蟲。200mL 的輕巧小容量設計非常方便存放於客廳或廚房角落，即使是力氣較小的用家也能輕鬆單手拿起，隨時隨地精準瞄準。
- 產品售價： 500日圓（連稅550日圓，折合約港幣 $28）
- 使用規格： 1支裝（200mL）。
3. Earth Gokish 空間防護防曱甴噴霧（20次量迷你版）
這款防曱甴噴霧近年在網絡上引發極高討論度，一般藥妝店售賣的 60 次大容量版售價高達 1,400 日圓。DAISO 貼心地引入了 20 次的迷你體驗版，雖然平均每噴成本稍高，但入手門檻直接減半。用家只需在臨睡前或出門前，對準窗簾隙縫、網戶或門縫等曱甴容易潛入的地方噴幾下，就能有效建立防護結界，非常適合想先買來測試效果的消費者。
- 產品售價： 700日圓（連稅770日圓，折合約港幣 $39）
- 使用規格： 20次噴量。
精明購物貼士
由於各間 DAISO 分店的進貨與庫存狀況不盡相同，熱門的驅蟲商品經常會出現缺貨情況。建議出發購買前，先下載日本「DAISO」官方手機應用程式（App），利用內置的店內庫存搜尋功能，即時檢查心儀商品在附近門市的供應狀態，那就不用怕白跑一趟。
延伸閱讀：
-
家居
曱甴藥推薦｜網民實測Advion蟑螂凝膠誘餌激讚「史上最強」：全屋連環死清光！
香港夏天又熱又濕，屋企間中總會有一兩隻大強唔知從邊度爬出嚟，嚇到全家人魂飛魄散！市面上咁多款曱甴藥，到底邊款先真正有效？ 最近社交平台上就瘋傳一款被網民封為「神級」嘅滅蟑神器，大讚效果勁到可以令小強集體「死全家」，甚至形容遇到佢係「上天嘅眷顧」！到底呢支藥有幾神奇？即刻睇睇網民嘅真實推介！ 網民強烈激讚Advion蟑螂凝膠誘餌 日前有網民發文，語重心長咁向大家強烈推薦呢款神級曱甴藥。樓主直言，喺香港生活如果冇咗呢支藥真係生存唔到，其滅蟑威力更令佢「睇唔起其他牌子」！ 這款讓網民極力推崇的神物，就是由瑞士先正達（Syngenta）研發、美國製造的 「Advion 蟑螂凝膠誘餌」！ 它之所以被稱為「曱甴剋星」，全因含有 0.6% 的「茚蟲威（Indoxacarb）」強效非驅避性活性成分。最革命性的是，它能利用曱甴體內特有的酶轉化為有毒物質，當一隻曱甴吃下膠餌中毒並爬回巢穴死亡後，其他曱甴分吃其屍體，就會引發「連環傳毒效果」！一隻中毒分分鐘可以牽連消滅多達 40 至 54 隻曱甴，直接瓦解整個巢穴！ 網民真實留言：用過真係全屋死清光！ 個Post一出，隨即引來大批飽受曱甴困擾嘅網民湧入留言，紛紛大讚呢款藥餌係「史上最強」，仲分享咗自己嘅驚人戰績同使用心得： 「呢支好用一生推，原來HKTVmall有，以前淘淘買」 「我之前屋企差啲變曱甴屋，全靠佢先恢復正常！！！史上最強！」 「呢隻好嘢嚟，曱甴同蟻我都用呢個牌子，堅得！好大支，一支可以幾家人用」 「呢個牌子嘅螞蟻藥都好work」 「原來而家香港有得賣！！！當年我仲要喺Amazon 買 🫣 呢隻嘢堅掂！」 總結：屋企滅蟑必備防線 綜合網民嘅評價，呢款 Advion 蟑螂凝膠誘餌 超有效。最重要係佢唔單止殺死眼前嗰隻，仲可以透過曱甴「分食屍體」嘅習性達到連環滅巢嘅效果。 最正嘅係，以前呢支神物成日斷貨或者要海外代購，而家喺 網上（例如HKTVmall ）就買到，仲由原價 $250.00 激減至特價 $149.00，足足慳咗多達 $101，性價比極高！ 不過都要溫馨提示大家，落藥餌時記得要「量少點多」，點喺曱甴經常出沒嘅陰暗角落（例如廚房櫃邊、電器散熱口背面），並遠離食物同碗碟。如果屋企有飼養寵物，放藥時更要特別小心收納，避免寵物誤食。 如果你屋企都正備受小強侵擾，不妨試試呢款網民口中「造福百姓」嘅滅蟑神器啦！ 資料來源：Threads 好物分享 好物推介 曱甴藥 小強剋星 居家滅蟲 滅蟑神器 網民力推 家居清潔 攻略
閱讀更多
-
日本攻略
日本3COINS新出家居捕蟲神器🐞零接觸放生昆蟲/只需$30❗
日本3COINS新推出平價捕蟲器，可以零接觸捕捉家居昆蟲，超級方便。發售後已經有不少日本網民購買，仲大讚係怕蟲人士的福音，但另外都有網民表示好似好難捉曱甴？即睇介紹>>> 💡日本3COINS捕蟲器介紹(圖3-4) 日本3COINS捕蟲器造型簡單，價錢¥550(HKD$30)，非常抵玩。本身其實係比小朋友去戶外玩，捕捉同觀察昆蟲。但唔少大人都專程購買，因為可以零接觸捉走家居昆蟲，放歸戶外。我呢種怕蟲的獨居人士都想買返個！ 💡日本3COINS捕蟲器使用方法(圖5) 將綠色按鈕往後推，打開前端的綠色隔板 用前端的透明蓋子蓋住昆蟲, 確保沒有縫隙 將綠色按鈕往前推，關上綠色隔板，成功捕捉蟲蟲！ 💡網民評價(圖6-8) 消息一出，唔少日本網民都有買，仲話係怕蟲人士的福音。有網友表示，喺Amazon買都要至少¥1500, 好啲就要¥3000, 宜家3COINS買只要¥550，真係抵到爛！ 不過都有網民表示，前端部分咁細，要捉曱甴都好有難度。捉細蜘蛛，臭蟲等應該比較好用。(捉曱甴話唔定會爬埋上手...) 大家覺得呢款捕蟲器好唔好用？平時會用咩方法對付屋企嘅昆蟲？歡迎下面留言分享！ 圖片來源：X(前Twitter), 官網@3COINS 攻略 日本購物攻略 日本必買 日本好去處 3coins 3coins好物 3coins必買 3coins家居好物 3coins購物 3coins捕蟲器
閱讀更多
-
日本攻略
日本必買！3COINS全新「捕蟲神器2.0」！伸縮設計+一鍵無接觸丟棄
夏天又到，最驚就係小強同各種飛蟲出沒！特別係對於獨居或者極度怕蟲嘅朋友嚟講，每次見到昆蟲喺牆角出現，真係會嚇到靈魂出竅。 之前日本雜貨店 3COINS 出過一款 ¥550 嘅初代捕蟲器，雖然平，但網民紛紛崩潰頂唔順：「手柄太短要行到超近」、「前端太細捉唔到大曱甴，分分鐘爬埋上手」。 網民嘅恐懼，3COINS 聽到了！最近官方全新推出「伸縮捕蟲神器 2.0」（伸縮バグキャッチャー）！定價只係 ¥880（折合約港幣 $45），功能直接開掛升級。即刻同大家拆解呢個神器有幾咁無敵！ 💡 升級版 2.0！4大進化賣點 1. 伸縮長柄設計：保持絕對安全距離 📏 舊版最致命嘅缺點就係太短，逼住要同蟲蟲近距離肉搏。2.0版特別採用可伸縮長柄，等你可以企到遠一遠、甚至企喺床上面，都可以一嘢「冚」住地板或牆上嘅害蟲，大大減低心理陰影面積！ 2. 獨創殺蟲劑噴射口：唔怕毒氣全屋飛 💨 平時噴殺蟲水，最怕藥水噴到周圍係，甚至隨風飄返塊面度。新版頂部設有專用殺蟲劑噴射口。當你用個盒蓋住隻蟲之後，直接將殺蟲水噴嘴插入口內噴射！藥水完美鎖喺密封盒入面，既能快速毒死害蟲，又唔會散播到成間屋都係。 3. 內置強力粘性貼紙：死死卡住無得走 🪰 盒內配有專用嘅粘性貼紙。將神器前後搖晃，就可以逼隻蟲自己行去或者跌落塊黐線貼紙度，徹底將佢定格，就算係識飛嘅曱甴都走唔甩！ 4. 一鍵開蓋棄屍：全程零觸碰 🗑️ 呢個功能簡直係天才！滅完蟲之後，只要拉一拉手柄上嘅槓桿，裏面塊黐住蟲屍嘅貼紙就會自動脫落。你只需要開定個垃圾袋喺下面袋住，就可以完美做到「唔使睇、唔使掂、即時打包掉落垃圾桶」！ 🛠️ 神器極速使用教學：簡單 3 步 1. 預備：撕開專用粘性貼紙嘅保護紙，將佢裝入捕蟲盒裏面。 2. 捕捉與消滅：發現目標後，用個盒牢牢冚住害蟲。將殺蟲劑對準頂部小孔噴入，然後前後輕輕搖晃，令害蟲黏喺貼紙上。 3. 棄置：拎起神器對準垃圾袋，拉起手柄槓桿，貼紙連蟲屍就會直接跌落袋，即時封口扔掉！完成！ 各位怕蟲之人，最近如果有朋友去日本或者行經 3COINS，記得買定備用喇！真係家居救星，隨時「救自己一命」😂！ 3COINS 日本手信 日本必買 日本購物攻略 日本自由行 攻略 好物分享 好物推介 家居必備 捕蟲
閱讀更多
UTravel熱門旅遊話題
＞登記拎飛！帶埋主子入場~✨＜
↓主題追蹤人次突破二百萬!! 即刻重溫精彩時刻 ↓
