日本旅遊攻略
廣州買衫好去處｜廣州近年成為港人北上買衫新熱點，款式多元之餘，性價比亦相當吸引。廣州的時尚地圖早已不只是批發市場，現在更多的是像東山口和永慶坊這樣將歷史建築與原創設計融合的潮流聖地。無論你是追求韓系簡約或是極簡的Clean Fit，都可以輕鬆找到心頭好。UTravel編輯為大家精選8間人氣服裝店，帶大家發掘廣州的時尚魅力！趕快收藏這份名單，趁著週末安排一場廣州買衫之旅吧！
廣州買衫好去處
廣州買衫好去處｜1. Weekend Hub
位於東山口的Weekend Hub主打韓系簡約與美式校園風，是不少年輕女性的必逛愛店。店內服飾設計偏向甜美風格，融入不少蝴蝶結和蕾絲元素，色調從溫柔的奶油色到帥氣的黑白灰甜酷風一應俱全，亦有不同的配飾以供選購，無論是日常約會還是校園休閒，都能輕鬆搭配出理想造型。
Weekend Hub
地址：廣州市越秀區廟前西街5號
交通：地鐵東山口站 F 出口(步行 3 分鐘)
廣州買衫好去處｜2. NONRADICAL
NONRADICAL是追求Clean Fit 風格愛好者的天堂，設計注重簡約廓形與流暢剪裁，配合高品質的面料，屏棄繁瑣的裝飾，回歸衣服本質來展示出一種自在、高級的生活態度。雙層店舖空間寬敞，陳列一目了然。店內單品多採用中性設計，男女皆可輕鬆駕馭，是打造「鬆弛感」穿搭的必逛聖地。
NONRADICAL
地址：廣東省廣州市越秀區東山口廟前直街53號一層，二層
交通：地鐵東山口站 F 出口(步行 4分鐘)
廣州買衫好去處｜3. OBSOLETE 老土製造
藏身於東山百貨大樓地下的「OBSOLETE 老土製造」，從店名的反差感就能感受到其鮮明的個性，店內採用復古感十足的裁縫風裝潢，服飾主打復古小眾設計，以現代裁剪結合復古元素展現新中式男裝，非常適合追求「獨特性」且不想在街上撞衫的時尚達人。雖然價位屬於中高水平，但其設計細節與獨特的廓形非常具備保值感。
OBSOLETE 老土製造
地址：廣東省廣州市越秀區署前路3號東山百貨大樓F1
交通：地鐵東山口站F口（步行8分鐘）
廣州買衫好去處｜4. On A Daily Basis 永慶坊店
On A Daily Basis (OADB) 位於充滿歷史韻味的永慶坊，是一間專為年輕族群打造的可愛潮牌店。店內風格融合了日系甜美與工裝元素，從基礎T恤、襯衫、半身裙到率性的工裝褲應有盡有，款式多元且男女皆穿。除了服飾，店內配飾同樣出色，帽子與包包設計感十足，加上定價親民，令人不自覺掃貨滿載而歸。
On A Daily Basis (OADB)
地址：廣東省廣州市荔灣區恩寧路永慶坊大地舊街26號C107號
交通：地鐵黃沙站B出口（步行6分鐘）
廣州買衫好去處｜5. PSO Brand
位於天環廣場的 PSO Brand 以「簡約、可愛、平價」為核心，是近年廣州極具人氣的本土原創品牌。店內隨處可見其標誌性的小狗元素，為日常基礎款增添了幾分俏皮感，非常適合追求輕鬆無負擔穿搭的通勤族和學生族。服飾涵蓋了百搭休閒款與細節設計款，均價約百元人民幣，預算有限的女生也能輕鬆入手成套高質感造型。
PSO Brand
地址：廣州市天河區天環廣場B267舖
交通：地鐵體育西路站C出口（步行6分鐘）
廣州買衫好去處｜6. 來米・LIMI
位於北京路大佛古寺對面的 來米·LIMI，絕對是小資女、學生黨及上班族的寶藏店首選！這間店主打極致平價女裝，最平優惠價可百元帶走 4 件衣服，單件購物價格低至29元起。店內採取明碼實價的自助選購模式，相同價位的單品可以跨款式混搭，是「i 人」最愛的無壓力購物天堂。這裡款式多元化，特別是裙子和褲子的剪裁與質量都極具水準，CP值極高。
來米·LIMI
地址：廣州北京路廣百新翼商務中心 18 樓 02 室
交通：地鐵公園前站D出口（步行約 500 米，大佛古寺對面）
廣州買衫好去處｜7. 五號女裝超集店
想要一站式掃齊韓系、法式和通勤風格？五號女裝超集店絕對不會令你失望！這間店以面積廣大、分類清晰著稱，全場實行自選模式，最吸引人的優惠是「319 元人民幣任選五件」，單件價格低至69元起，輕鬆實現穿衣自由。店內設計非常貼心，除了備有多個試衣間減少排隊時間，更設有專屬休息區與充滿時尚感的拍照打卡區，讓你在換裝間隙也能留下美照。
五號女裝超集店
地址：廣東省廣州市天河區廣州大道北83號
交通：地鐵6號線天平架站A出口（步行約13分鐘）
廣州買衫好去處｜8. 名冠服裝批發城
如果你預算有限又想瘋狂掃貨，位於昌崗站的名冠服裝批發城是不錯的選擇！這裡雖是批發城，但對散客極之友善，單件零售亦無難度。全場分三層：1 樓主打基礎女裝及童裝（29元起），勝在款式百搭；2 樓則是韓系甜美風與高質感時裝（約 50-150元起），適合追求造型感的女生；3 樓則為男裝區，T-shirt、衛衣低至25元起。這裡連內衣襪子等雜貨也是批發價，絕對是假日去「尋寶」的性價比之選。
名冠服裝批發城
地址：廣州海珠區昌崗中路187號（金昌大廈）
交通：地鐵2號線/8號昌崗站D出口（步行3-5分鐘）
-
深圳攻略
京基·百納廣場
深圳新開600m²自助女裝店｜¥39起入手韓系、休閒風等穿搭
深圳最近開咗間大型自助女裝店，簡直係「I人」天堂！全店採用自助形式，完全無Sales跟住，鍾意點試、試幾耐都無人理，非常自在。而且呢度嘅衣物風格好齊，由韓系、運動休閒風到返工衫都有。價錢方面更係超抵，最平¥39就有交易，就算厚身少少嘅款式都係百幾蚊，而家滿¥200仲可享送95折，性價比超高! 想買衫嘅朋友仔，記住趁五一假期北上掃貨啦！ ✨ 店舖亮點 • 空間闊落：擁有600m²購物空間，而且設有試身室畀大家試衫 • 自助式購物：無Sales騷擾，行得更自在 • 風格齊全：韓系、甜酷風、休閒風、返工衫一應俱全 • 價錢親民：主要分為 ¥39 / ¥59 / ¥79 等價位，貴嘅都係百幾蚊 冉閔 Ranmin 自助女裝（深圳首店） 📍地點：沙井京基百納廣場 L2 橙廳 🚇交通：地鐵11號線沙井站B1出口，然後建議Call車到商場 🕐營業時間：商場正常營業時間 10:00–22:00 圖片及資料來源: 沙井京基百納廣場、冉闵Ranmin官方小紅書 深圳購物攻略 五一假期 深圳週末好去處 深圳一日遊 深圳服裝店 深圳韓系女裝 深圳平價服裝 深圳攻略 深圳好去處 攻略
閱讀更多
-
美妝時尚
LEGO x Crocs推出「LEGO洞洞鞋」| 童年積木巨大化！真的可以著出街？！
LEGO x Crocs 推出這對被喻為「行走大紅磚」的 Brick Clogs，捨棄了Clogs經典圓潤設計，改用剛硬的方塊線條，將大家熟悉的LEGO放大，最驚喜的是隨鞋附送的LEGO 小公仔竟然還有不同顏色的迷你鞋可以替換！🟥✨ LEGO Crocs 來源：Crocs
閱讀更多
-
東京攻略
【東京購物攻略2025】小資女必睇！6大日本平價服裝潮牌 襯出質感日系穿搭
去東京行街買衫淨係識得行GU、Uniqlo您就輸了！其實日本仲有好多國民平價服飾品牌等住大家發掘，全部衣服款式夠晒潮流時尚。今日就精心挑選咗6大由社群U Creator認證平靚正嘅日本寶藏級服裝潮牌，由復古風到日系甜美風應有盡有，想知就繼續睇落去啦！ ----------------- 【轉季必備】免費送您PHYSIOGEL皇牌面膜套裝！ 轉季要買新衫之外，肌膚都需要保養下！❤️U Community社群送您PHYSIOGEL 醫學美肌系列皇牌面膜套裝，幫皮膚急救補濕、美白滋潤！即日起至2025年10月2日，只需簡單登記，就有機會免費帶走PHYSIOGEL皇牌面膜套裝，安心追求靚靚肌膚😍 ！ >免費贏走皇牌面膜套裝< ----------------- 🛍️日本購物好去處｜1️⃣ Shimamura (しまスタイル) 以為GU啲衫已經夠平，望埋Shimamura您會再嚇一跳！Shimamura作為日本排名第二大嘅Fast Fashion品牌，喺日本有超過2,000間分店，只係喺東京就有88間分店，而且最平只需HK$50已經買到一件衫！除咗女裝外，連男裝、童裝都有，而且款式多樣又時尚，無論知性通勤，定係日系溫柔風通通都有！Shimamura仲間唔中會推出聯名款，如蠟筆小新、Mofusand、Chiikawa等熱門IP，粉絲們衝啊！ *想搵更多穿搭靈感，可以去官方IG帳戶@shimastyle.jp 查收！ > 'JayelleLai” 用Shimamura上下身襯出休閒美學 < ----------------- 🛍️東京購物好去處｜2️⃣ Honeys (ハニーズ) 推介每位學生或者小資女去東京一定要去Honeys尋寶！Honeys亦都係其中個熱門日本平價時尚品牌，淺草、上野、池袋都有分店。款式大眾化得嚟又緊貼時下潮流，出街玩或者日常穿搭都十分百搭~價錢都好親民，最平唔使HK$50就可以買到件女裝，特別係Honeys仲推出Chiikawa聯名款，最平都係HK$70就有件T-shirt，質料都十分舒服，CP值超高！ 地址：東京分店請查看官網 > “Carissa” 帶您橫掃Honeys x Chiikawa聯名款 < ----------------- 🛍️東京購物好去處｜3️⃣ CLEAR (クリア) 主打日系優雅及可愛風嘅時尚品牌CLEAR深受眾OL及20代女性們愛戴，分店範圍遍佈全日本，東京分別有上野、橫濱、川崎、池袋等分店，只要您想就買得到！而且CLEAR款式設計十分精緻且緊貼潮流，除咗溫文爾雅風格外，CLEAR都有工裝褲等唔同風格嘅服飾，仲有售賣手袋等配飾，適合任何類型嘅女生閉眼入手！價錢普遍HK$80起，做優惠時最平只需1,000日圓就可以入手一件衫啦，通勤打卡都啱買！ 地址：詳見官網 ----------------- 🛍️東京購物好去處｜4️⃣ Luck Rack (ラックラック) 嚟到日本買衫shopping一定要去Outlet尋寶掃平衫！咁您一定唔可以錯過「Luck Rack」。品牌以「EVERYDAY LOW PRICE」為口號，匯集來自300多個品牌嘅20,000多種商品，最癲嘅係折扣額度高達80%！除咗時裝之外，仲可以喺入面買到化妝品、家居用品等物件，預半日時間行都不成問題！甚至連Win Win都喺ViuTV節目《日本winwin企画》訪問過橫濱店，可見「Luck Rack」嘅熱門程度。東京旅行唔好放過可以平住入手休閒時尚新衫嘅機會啊！ 地址：各分店地址請查閱官網 營業時間：11:00~20:00 > “EsterCheung” 帶您逛Luck Rack橫濱店< ----------------- 🛍️東京購物好去處｜5️⃣ FOUND GOOD 想入手一件通勤輕便嘅文青系服飾，推介大家去FOUND GOOD入手平價靚衫！FOUND GOOD係伊藤洋華堂同niko and...母公司合作推出嘅品牌，又稱為「平價版niko and..」，因為裡面嘅服裝同飾品價錢都好親民，大概為2000至3000日圓左右(約HK$180)，而且連男裝同童裝都有好多款式，媽媽們有理由帶家人們去盡情掃貨啦！ 地址：東京都江東區木場1-5-30 營業時間：10:00 ~ 22:00 > “KIKItravelholic” 介紹更多FOUND GOOD門市資訊< ----------------- 🛍️東京購物好去處｜6️⃣ Coen 想入手一套百搭、基本款又高CP值嘅時裝，Coen滿足到您所有願望！Coen為UNITED ARROWS集團旗下品牌，以「輕鬆享受時尚的樂趣」作為核心理念，推出多款休閒隨性又不失時尚嘅服裝款式。價格落於2,000至1,0000日圓不等，無論咩年齡、咩場合都總有一款係啱心水！Coen於東京有5間分店，其中一間位於晴空塔附近，去shopping不妨留意下呢間寶藏店啊~ 地址：東京都墨田區押上1-1-2 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 招募U Creator l 出Post賺獎賞！ 立即登記➡️ https://ulapp.hk/mp25i ----------------- 圖片來源：官網@Honeys、IG帳戶@shimastyle.jp、@clear.official、@foundgood_official、@coen_official、社群U Creator Jayelle Lai 、 Carissa 、 EsterCheung ----------------- ULifestyle應用程式 ULifestyleApp 社群 打卡 東京購物 東京購物好去處 日本潮牌 日本平價服裝 平價服裝 東京購物攻略 coen honeys FOUNDGOOD Shimamura 小資女
閱讀更多
UTravel熱門旅遊話題
＞ 簡單登記免費帶走無限數據卡✨＜
↓主題追蹤人次突破二百萬!! 即刻重溫精彩時刻 ↓
