日本旅遊攻略
相信唔少女生都同小編一樣，10次去韓國旅行，有10次都喺Olive Young迷失方向，買到爆喼後先發現唔啱自己用！💄想更有效率入手最啱自己用嘅Olive Young美妝品，小編幫大家整理出10款2026年Olive Young熱賣護膚品，由Threads爆紅妝前乳，到回購率極高嘅卸妝油，究竟邊款護膚品連韓妞都私心囤貨，即刻save低呢篇攻略啦！
【🎁社群送禮】U Community X fwee送話題性唇釉新品！
今次U Community 為您送上韓國人氣品牌 fwee 兩大話題新品：「3D Voluming Tint」及4月全新登場「Smoothie Lip Balm」有齊 Glowy水潤Q 彈及Blurry外霧內潤兩種質地，助您輕鬆打造韓妹同款立體感韓妝～💖
1. Arencia招牌糯年糕潔面乳
Arencia熱賣嘅年糕潔面乳絕對係Olive Young不容錯過嘅皇牌潔面產品！以超特別嘅年糕Q彈質地及清潔力，成功擄獲一眾愛美女生歡心。佢結合20多種天然植物萃取成分，可以同時達到卸妝、潔面、保濕、去角質等功效，絕對係高CP值之選！
2. ma:nyo純淨精華卸妝油
仲煩緊邊隻卸妝產品好用，不如試下有「國民卸妝油」之稱，Olive Young銷量過百萬嘅「ma:nyo純淨精華卸妝油」！以天然植物油配方打造，主打溫和同時高清潔力卸妝，唔少網民都表示卸妝後皮膚完全唔乾澀，而且毛孔黑頭都少咗，無論乾肌定敏感肌都好啱用！
3. ongredients乳液
近期Threads瘋狂洗版嘅護膚品一定非ongredients呢支妝前乳液莫屬，唔單止喺Olive Young長期銷量第一，更係唔少韓國明星化妝師愛用品！佢內含積雪草提取物，主打高保濕及鎮靜作用，唔少網民都表示妝前做打底，妝感超貼服而且全日維持水光感，打造韓式奶油肌不是夢！
4. BEAUTY OF JOSEON保濕防曬霜
踏入夏天，最怕就係烈日當空曬到個人又濕又笠！「BEAUTY OF JOSEON保濕防曬霜」同樣都係長期位於Olive Young熱銷榜，主打大米、紅參、益生菌等天然成分，痘痘肌都可以安心用！米白色及淺藍色分別有唔同功效，不泛白而且唔會同底妝打交，兩款都深得社群U Creator推介，絕對係必入手嘅「偽素顏」神器！
5. Wellage純度100%玻尿酸精華
韓國醫美巨頭HUGEL旗下嘅「Wellage」亦都係近年熱門美妝品牌，佢嘅皇牌「高濃縮玻尿酸精華球」，將高濃度玻尿酸濃縮成精華球，使用時將精華水滴至溶解，就可以瞬間補水，絕對係乾肌急救之選。唔少網民都表示「用1次等於敷10次面膜」，用過嘅大家又同唔同意！
6. ilso黑頭導出液
有黑頭粉刺煩惱嘅您一定要入手呢支「ilso黑頭溶解導出液」！每次潔面後將導出液沾濕化妝棉後，於粉刺部位濕敷10-15分鐘，就可以有效溶解黑頭粉刺！小編濕敷完之後再用同一品牌嘅刮刀將粉刺帶走，用後毛孔真係收細咗，大推！
> “Cuttlefishfamily” 分享爆紅黑頭導出液使用方法<
7. MEDIHEAL 化妝棉片
韓妹幾乎人手必備一盒嘅「保濕棉片」，精緻女生又點可以錯過！其中MEDIHEAL嘅化妝棉片更位於Olive Young棉片第一位，長期熱賣！每盒棉片有100張，當面膜或者妝前保濕使用都勁方便，CP值超高。藍綠色（積雪草）係最多網民推介款式！
8. ANUA PDRN透明質酸系列
近年PDRN產品大行其道， 主要使用由魚卵中提取成分，幫助肌膚快速修復及提亮膚色。其中ANUA推出嘅PDRN透明質酸系列，唔使打水光針都可以輕鬆打造韓妹水光肌～系列分別有爽膚棉、乳霜及精華，而且唔會同其他保養品打交，更榮獲韓國Olive Young 1位及日本COSME 1位精華！
> “Hamai_mami” 分享ANUA無針PDRN三步曲用後心得<
9. Torriden 5D微分子玻尿酸保濕安瓶精華
提到Olive Young保濕界TOP產品，「Torriden精華」點可以冇份！皇牌「玻尿酸保濕安瓶精華」專為「深層乾肌」而設，主打無香料、低刺激溫和成分，敏感肌都可以放心使用。亦都因為吸收得快，又被稱為「3秒補水精華」，難怪佢多次榮獲韓國美妝獎項！
10. AESTURA保濕修護霜／面霜噴霧
AESTURA同樣係近期韓國美妝界大熱嘅「國民級」保濕產品！唔只韓國Olive Young暢銷，就連韓國醫美診所都會用。佢主打採用安全配方同時，可以強效修護屏障同長效保濕，任何膚質都啱用，質感清爽仲唔會同底妝打交，推介每個愛美女生必入手！
《Chill賞親子玩樂祭👨👩👧》爸媽Creator 大募集📢
親子活動搶先試 • 邊玩邊攞獎
招募旅遊Creator l 出Post賺旅費！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：Olive Young官網、社群U Creator @CameronHo、@Natalie、@Tsz Ching Leung、@Juliana Chan、@Hamai_mami、@mingming、@Cuttlefishfamily、@小沐 Virgo、@狐狸港媽遛小肥陽、@Tinyi0924、@huikwokkit
UTravel熱門旅遊話題
↓立即登記參加！賺取無上限現金賞💰↓
