深圳8間按摩水療店推介！鄰近口岸／24小時任玩／別墅湯泉／自助餐

Q: 深圳按摩水療店有什麼特色？

深圳按摩水療店提供多元化服務，包括泰式SPA、頭療、全身精油SPA、24小時桑拿、自助餐、棋牌、KTV、電競遊戲等，部分更設有過夜住宿區。

Q: 香港人去深圳按摩有什麼方便之處？

多間按摩水療店鄰近口岸，如福田、羅湖、蓮塘口岸，交通方便，部分更提供24小時營業及免費過夜服務，適合港人即日來回或短途放鬆。

文: a.Ki

15小時前

唔少香港人都鍾意北上按摩，但原來近年深圳啲水療中心已經高級到唔止可以歎埋 Buffet、捉棋打牌，仲可以 24 小時任玩，仲可以過埋夜添！今日小編就整合出社群U Creator實測深圳8大按摩水療店，即刻save低佢哋出嘅post做參考啦！

➤立即下載U Lifestyle App
➤詳情懶人包

【Chill賞親子玩樂祭🎉】全港爸媽最強「親子Chill玩攻略」正式上線！

每次放假都要諗帶仔女去邊玩真係R爆頭😵‍💫！不過U Community社群已經為各位爸媽準備好「Chill賞親子玩樂祭」！無論係全港最新放電位、隱世打卡點，定係親子旅遊攻略同育兒心得，一應俱全！仲有一系列主題樂園門票、酒店Staycation及人氣產品免費試用試玩活動等住您！

1. 泰二·SPA·足道·洗頭·按摩

按摩連鎖品牌「泰二」喺深圳有多達30家連鎖店，於福田、羅湖、深圳灣口岸附近都有分店。主打正宗泰式SPA、採耳、頭部及全身按摩等服務。特別在於開始按摩前，按摩師會先為客人提供腳部牛奶磨砂服務，社群U Creator形容全程體驗良好，雙人體驗80分鐘全身熱油Spa，平均HK$300/位，性價比相當高！

地址：南山區海德三道天利中央商務廣場B座低區11樓1101室

> “winniekmt” 分享海岸城高質SPA及頭療心得及價錢<

點擊圖片放大

2. 漫椿慕舍

位於福田區嘅「漫椿慕舍」主打高質頭療及全身精油SPA，特別在於店內提供每日現煮29種純中藥熬制茶，由內到外都養生！社群U Creator就表示按完之後成個人都精神晒，絕對係解壓放鬆好去處！而且按摩店鄰近福田口岸，只需15分鐘車程，港人即日來回都超方便！

地址：福田街道水圍村金田路1013號銀莊大廈202-205號鋪
交通：深圳地鐵4號線福民站D出口

> “heimen” 同您介紹福田區高質頭療SPA體驗<

點擊圖片放大

3. 密SPA 靜奢水會

位於羅湖區嘅「密SPA 靜奢水會」係深圳唯一一間同時兼備聞香館、水療服務嘅三層高級SPA會所，分別設有Cafe、自助餐、酒吧、投影休閒區域、按摩區、24小時桑拿等等，而且採用進口純植物天然精油，享受貴婦生活～重點係中心更設有舒適睡眠區，有埋枕頭同床褥，方便客人留宿，太Chill了吧！

地址：羅湖區田貝四路水田二街翠竹酒店
交通：深圳地鐵3號線田貝站F出口

> “Snowycookingmama” 分享羅湖區貴婦SPA體驗<

點擊圖片放大

4. 嘉年華湯泉生活·水療·自助餐·按摩

同樣位於羅湖區嘅「嘉年華湯泉生活」竟然可以一個票價就同時享受水療按摩、PS5電競遊戲全日任玩、水果飲品任食任飲，24小時營業仲可以免費過夜免小費！場地面積夠大，有齊恆溫大浴池、男女獨立浴池、桑拿、中式推拿等服務，勁多活動唔怕悶親，適合Weekend想短途放鬆下嘅您！

地址：羅湖區新圍社區深南東路5055號金融中心大樓南座201室
交通：深圳地鐵1號線至大劇院站E出口

> “sukisukiy” 分享24小時水療中心暢玩攻略<

點擊圖片放大

5. 阿奇拉湯泉生活

深圳高質水療場所有咁多間，但原來南山區有一間可以玩埋潛水嘅湯泉會所！呢間「阿奇拉湯泉生活」係近年港人北上嘅熱門休閒場所之一，場地佔地20,000平方米共兩層高，除咗可以暢玩電動遊戲、茶點任食任飲及按摩溫泉做SPA之外，週末更設有親子工作坊，仲有美人魚表演睇，勁多吃喝玩樂項目數都數唔曬，難怪係港人北上按摩首選！

地址：南山區桃園路田夏國際中心AB樓2-3層
交通：深圳地鐵1號線「桃園站」A出口

> “蕃薯妹四圍遊” 拍片分享阿奇拉湯泉生活各種娛樂項目<

點擊圖片放大