日本旅遊攻略
對唔少香港人而言，日本去幾多次都唔夠！🎌但唔想去親都係大眾推介嘅新宿、心齋橋等市區景點，不如研究下避開人潮嘅隱世秘境！今日小編搜羅出8個日本深度遊冷門秘境，除咗有日本唯一大型沙丘，仲有走入宮崎駿動畫入面嘅夢幻場景，睇完話俾小編知您最想去邊度～
Table of Contents
【社群最新活動✈️】大派亞洲4日旅遊數據卡200張
出國旅行最煩就係冇得上網！社群現時大派200張亞洲旅遊4日無限數據卡，中日韓台等60多個旅遊熱門地適用！簡單登記就有機會免費帶走❤️
日本深度遊冷門秘境推介｜1. 鳥取沙丘
原來日本都有「沙漠」，全日本唯一大型沙丘就係位於鳥取！南北橫跨2.4公里，東西寬16公里，屬於山陰海岸國立公園嘅特別保護地區！裡面可以體驗到騎駱駝、滑翔傘、滑沙等精彩活動，係鳥取觀光嘅重點行程！
地址：〒689-0105 鳥取縣鳥取市福部町湯山2164-971
日本深度遊冷門秘境推介｜2. 鳴門漩渦
位於四國德島縣嘅鳴門漩渦為「世界三大漩渦」之一，係去四國旅遊必睇景點之一，鳴門海峽更可觀賞到直徑達 20 公尺的壯觀漩渦！而且春天係一年中最大漩渦嘅最佳觀賞季節，建議可以搭乘觀潮船，近距離打卡壯觀嘅鳴門漩渦奇景！
*每日漲潮時間各有不同，有關漩渦觀光船營運狀況及潮汐圖，請參考官方觀光船網站
地址：德島縣鳴門市鳴門町土佐泊浦
日本深度遊冷門秘境推介｜3. 藏王御釜
藏王御釜係一座位於宮城縣同山形縣之間嘅活火山湖，形狀似一個大鍋而得名。因為湖嘅顏色隨太陽光線照射而變得鈷藍或寶石綠，所以又被稱為「五色沼」。因為冬季天氣嚴寒，火山湖只會於每年4月下旬至11月上旬開放通行，可搭乘巴士、索道或登山吊椅上山頂，係藏王必訪嘅寶藏級景點！
地址：宮城縣藏王町遠刈田温泉倉石岳國有林内
日本深度遊冷門秘境推介｜4. 銀山溫泉
想打卡《千與千尋》同款日式大正浪漫風情，咁冬天就一定要去呢個位於山形縣嘅銀山溫泉！冬日限定浪漫白雪景色將古典懷舊嘅溫泉街染成一片銀白王國！必打卡小鎮內嘅深紅色橋、溫泉旅館配上街燈景色，隨手一影都係電影級大片～
*銀山溫泉景點人流眾多，冬季住宿需提前至少半年預訂。
地址：山形縣尾花澤市大字銀山新畑446
> ”Cuttlefishfamily” 分享銀山溫泉交通路線及必訪項目<
日本深度遊冷門秘境推介｜5. 白川鄉
位於岐阜縣嘅白川鄉以獨特嘅「合掌造建築」而聞名，村落至今依然有當地居民生活，完整保留咗100多棟合掌古建築而被列入世界文化遺產。而且白川鄉有住四季分明嘅自然景色，無論咩時候去都影到靚相！特別係冬季點燈活動，成條村俾一片雪地籠罩，配上小木屋亮燈畫面，實在太夢幻！
地址：岐阜縣大野郡白川村
日本深度遊冷門秘境推介｜6. 福岡相島
貓奴絕對唔可以錯過位於福岡近郊嘅一個心形島嶼「相島」！佢曾經獲美國CNN評選為「世界六大貓島」之一，因為島內有超過180隻貓，基本上經過每個角落都會見到小貓嘅身影，小島全長約8公里，基本上行2-3小時就完，超適合半日遊療癒之旅～
地址：〒811-0118 福岡県糟屋郡新宮町相島
日本深度遊冷門秘境推介｜7. 鹿兒島屋久島
日本其中一個最值得朝聖嘅寶藏秘境，位於鹿兒島嘅屋久島絕對有一席之地。佢被聯合國教科文組織列為世界自然遺產，全島有超過7成都係山地，共8座超過1,800公尺嘅山峰，因此被譽為「海上的阿爾卑斯」。最具代表性景點莫過於當地擁有約7,200多年歷史嘅天然巨大杉樹木「繩文杉」，仲可以打卡到最原始嘅森林絕景，係日本首屈一指嘅能量勝地！
地址：〒891-4292 鹿児島県熊毛郡 屋久島町小瀬田849番地20
日本深度遊冷門秘境推介｜8. 京都伊根舟屋
去京都除咗打卡嵐山、清水寺等經典地標之外，位於近郊伊根町嘅日本最美海上村莊——伊根舟屋都係不容錯過嘅絕美景點！由約230棟「舟屋」一棟棟排列於海邊，長達5公里，可以搭觀光船海上遊覽舟屋全景及餵海鷗，體驗日本最純樸嘅漁村風情，感受「海之京都」嘅魅力！
地址：京都府與謝郡伊根町
招募U Creator l 出Post賺額外收入！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：網上圖片、社群U Creator @年年、@路癡GIRL日本生活、@Annie_travellife、@J Yen、@Cuttlefishfamily、@Wa Lam、@PP Wong、@Eattaholic
UTravel熱門旅遊話題
↓立即登記參加！賺取無上限現金賞💰↓
↓即睇最新行程懶人包、爆紅打卡點🔥、必吃美食😋等↓
