日本旅遊攻略
韓國櫻花季將至，即將出發首爾賞櫻嘅您要望入嚟啦！賞櫻最怕就係人迫人影唔到靚相，除咗汝矣島、南山公園外，不如造訪可以望到櫻花景嘅Cafe，用餐同時打卡完美櫻花景！小編整理出首爾8間絕美櫻花Cafe地圖，無論陽台定係窗景，都可以最佳視角打卡最靚櫻花！
Table of Contents
【社群最新活動✈️】每日投票請您去旅行+大派亞洲4日旅遊數據卡
去《社群》分享假期行程，仲有機會請您去旅行！由即日起至3月27日，每日登入U Community社群參與投票活動，就有機會贏得HK$1,000旅遊基金，輕鬆享受春日長假期！
活動日期：即日起至2026年3月27日
出國旅行最煩就係冇得上網！由即日起至3月27日，社群大派200張亞洲旅遊4日無限數據卡，中日韓台等60多個旅遊熱門地適用！簡單登記就有機會免費帶走～❤️
活動日期：即日起至2026年3月27日
首爾必去櫻花咖啡廳｜1. PARKSIDE (파크사이드)
想喺陽台打卡到「京義線林蔭道公園」浪漫櫻花景色，一定要去「PARKSIDE」，樓高三層，2樓靠窗位或頂樓陽台位置係賞櫻最佳位置，可以近距離欣賞林間小徑一整排櫻花，光線充足，買杯咖啡同麵包坐低半日都不成問題！
地址：서울 마포구 백범로16안길 31
交通：地鐵大興站步行5-10分鐘
> “juliana_chan” 分享往年去賞櫻Cafe打卡心得<
首爾必去櫻花咖啡廳｜2. SUMIF(썸이프)
同樣位於地鐵大興站附近嘅人氣賞櫻Cafe仲有「SUMIF(썸이프)」，建議可以直奔頂樓陽台，打卡IG爆紅影相位！同PARKSIDE一樣都係鄰近「京義線林蔭道公園」，而且櫻花季更會推出限定櫻花主題飲品！社群U Creator就形容隨便點兩杯飲料已經可以影到唯美夢幻嘅感覺，去首爾嘅櫻花控記得要bookmark低啦～
地址：서울 마포구 백범로16안길 3
交通：地鐵大興站步行5-10分鐘
> "koreamonsters" 同您打卡大興站人氣櫻花cafe<
首爾必去櫻花咖啡廳｜3. dear moment (디어모먼트)
同區嘅櫻花cafe仲有「dear moment」都好值得推介。呢間Cafe主打簡約溫馨木質韓系風，而且每逢節慶都會換上當季佈置，一年四季都打卡able！踏入櫻花季，窗邊位置化成一片天然「粉色畫框」，坐喺窗邊歎返餐下午茶慢慢打卡，絕對係感受春日寫意嘅最佳場所！
地址：서울 마포구 대흥로 80-34 2층
交通：地鐵大興站3號出口步行5分鐘
首爾必去櫻花咖啡廳｜4. Underwater Coffee
唔想人迫人，想搵間遠離遊客區嘅Cafe坐低賞櫻，咁就要去位於城北區嘅「Underwater Coffee」！坐喺靠窗位置，食住甜品飲咖啡，觀賞眼前被窗框住嘅粉紅櫻花海，專注感受呢片遠離繁忙社區嘅春日限定景色，隨手一影都好出片！
> “hkfoodmap” 分享城北區隱世櫻花Cafe打卡照<
地址：서울 성북구 고려대로6길 48 2층
交通：普門站6號出口步行10分鐘
首爾必去櫻花咖啡廳｜5. 延南洞櫻花家 (연남동 벚꽃집)
「延南洞櫻花家」係每年首爾櫻花季最人氣嘅Cafe之一。餐廳設有戶外露台位，庭院內種植咗一棵巨型櫻花樹，客人可以坐喺櫻花樹下打卡「櫻花雨」，亦都係餐廳必訪嘅打卡位！餐廳亦會供應櫻花季限定飲品與甜點，點樣影都好夢幻～櫻花季想去打卡就記得要預先去排隊啦！
地址：서울 마포구 동교로29길 50
交通：弘大入口站3號出口步行10鐘
首爾必去櫻花咖啡廳｜6. Greylab (그레이랩)
位於合井站附近嘅「Greylab」以灰色調工業風為主，雖然面積唔算大，但都同樣都可以體驗到喺櫻花樹下歎咖啡嘅浪漫！最特別就係，Cafe自家庭院都已經種咗4棵櫻花樹，一定要上2樓露台打卡櫻花花瓣散落嘅絕景。除咗櫻花景出色之外，招牌蘋果茶都係必點項目之一！
地址：서울 마포구 토정로3길16
交通：合井站7號出口步行6-8分鐘
首爾必去櫻花咖啡廳｜7. Prf. in the coffee
「Prf. in the coffee」位於首爾解放村，雖然位置偏遠，但可以高空打卡到多棵櫻花樹絕景，因此都成為唔少本地人熱門賞櫻勝地。樓高三層，可以高處觀賞首爾市區景色及粉紅櫻花海絕景！日落時分光線更佳，不過餐廳太受歡迎，假日限時1.5小時，想去打卡嘅您要注意啦～
地址：서울 용산구 소월로38가길 24 비호
交通：綠莎坪站2號出口步行20分鐘/轉乘巴士
首爾必去櫻花咖啡廳｜8. Quiche Mignon
位於合井站附近嘅「Quiche Mignon」鄰近弘大，以貓貓為主題，無論係佈置定係咖啡杯都充滿貓貓元素，貓控一定要去打卡！佢同時都係櫻花季熱門Cafe之一。櫻花盛開時，半開放式櫻花露台可以輕鬆觀賞夢幻櫻花海。食物都超多選擇，有26款口味法式鹹甜撻，邊食邊睇櫻花超有feel～
地址：서울특별시마포구서교동394-16
交通：合井站5號出口步行3分鐘
*價錢、菜式及餐廳資訊僅供參考，詳情請查閱各餐廳官網。
招募U Creator l 出Post賺額外收入！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：IG帳戶@greylab_、@dear._.moment、@proofinthecoffee、@yn_cherryblossom、@quichemignon、社群U Creator @Tungtung、@koreamonsters、@hkfoodmap、@juliana_chan
UTravel熱門旅遊話題
＞免費贏走長隆酒店住宿套票🌟！＜
↓即睇最新行程懶人包、爆紅打卡點🔥、必吃美食😋等↓
