日本旅遊攻略
週末放假除咗去深圳按摩、掃街，不如搵間Cafe坐低打個靚卡！深圳近年越嚟越多特色打卡餐廳，隨便影都係寫真級數！平時鍾意Cafe-hopping嘅小編私心整理出7間社群U Creator認證高質又打卡able嘅Cafe，有齊歐陸風、無敵海景，連櫻花景都有，心動即刻睇落去啦！
Table of Contents
【浪漫打卡必去】社群請您食Starò星空傳情晚餐✨
香港都有精緻打卡餐廳，仲要有得免費食！社群請您免費去人氣星空主題餐廳Starò，同另一半或者好姊妹歎「星空傳情晚餐」，歎即開生蠔、鮮拆龍蝦等，仲包埋即影即有同夢幻雪花相架！即日起至2026年3月22日，簡單登記就有機會免費去食～
深圳必去打卡咖啡廳｜1. Blue Concept · 關於藍 —— 櫻花佈景/草泥馬互動
近期超熱門嘅網紅Cafe，非「Blue Concept · 關於藍」莫屬！Cafe會因應唔用季節及節日，換上相應主題佈景，如繡球花、極光、Hello Kitty聖誕主題等！現時正值櫻花季，餐廳就換上超夢幻嘅櫻花佈景，有齊和屋櫻花小屋、庭院，仲有櫻花列車俾大家打卡！餐廳更提供草泥馬互動及和服租借服務，唔講真係以為去咗日本！
地址：龍崗區布龍路335號 (龍景科技園 D 棟天台)
營業時間：10:00 ~ 21:00
深圳必去打卡咖啡廳｜2. 望魚嶺懸崖咖啡廳 ——爆紅270度懸崖海景
深圳呢間近期爆紅嘅海景Cafe當然唔係得海景睇咁簡單，佢仲係一間獨霸270度海景嘅懸崖Cafe，位於西涌半山腰，個景靚到俾《國家地理》認證為「最美海岸線」，無論日出、日落都一覽無遺！餐廳於今年試業，有多款特飲、咖啡、主食供應。不過餐廳新開業人流較多，如果想揀冇咁多人嘅時間就建議早上去打卡啦～
地址：大鵬新區南澳街道西涌社區健康服務中心附近
交通：市區搭乘E11南澳街道轉乘M232「西涌二號沙灘站」
營業時間：10:00 ~ 19:30
> “深圳微時光” 分享更多270度懸崖海景Cafe景點攻略<
深圳必去打卡咖啡廳｜3. 豆伴花園 —— 偽出國去南法莊園
如果想打卡南法莫奈花園獨有嘅優雅氛圍，位於寶安區嘅「豆伴花園」絕對係一個好選擇！餐廳佔地超過4,000平方米，主打夢幻花園風格，門口佈滿唔同顏色嘅繡球花海，而且全部都係真花！餐廳提供服裝租借服務，花園每日定時會噴出水霧，入夜更會切換成夜間模式，日夜影都一樣咁靚！影完相再歎返場紫色下午茶，唔使出國都打卡到南法獨有浪漫風情！
地址：寶安區石岩中港星科技產業園豆伴花園
營業時間：11:00 ~ 00:00
深圳必去打卡咖啡廳｜4. 瀾·海景天台餐吧LALALAND —— 美式復古風海景Cafe
位於深圳蛇口嘅「瀾·海景天台餐吧LALALAND」主打美式復古裝潢，靚到被形容為有如美國洛杉磯嘅景色！天台座位除咗裝飾有霓虹燈牌及仙人掌，仲正對住無敵深圳灣海景，傍晚仲可以打卡到日落，浪漫氛圍感拉滿！
地址：南山區望海路61號南海匯5樓
營業時間：10:00 ~ 23:30
深圳必去打卡咖啡廳｜5. Nice Coffee & Bakery —— 夢幻紫藤花海
情侶、閨密慶生不妨去深圳呢間紫藤花主題Cafe「Nice Coffee & Bakery」，餐廳主打法式優雅風，由門口到內部都被紫色乾花佈景包圍，唔講以為置身於法式莊園！而且生日2人餐只需¥328，人均約¥160就可以入場打卡兼歎生日套餐，有齊牛排、意粉、鬆餅，仲有埋生日布置，儀式感十足而且超高CP值，打卡都一流！
地址：龍崗區萬科城社區華為公司生產中心廠房及試驗樓101G區旗艦店01
營業時間：9:00 ~ 21:00
深圳必去打卡咖啡廳｜6. ONIONIO —— 打卡南法鄉村庭院
深圳網紅Cafe「ONIONIO」主打法式鄉村庭院風，分別喺羅湖萬象城、深業上城都有分店，無論情侶約會、閨密打卡或者親子出遊都好有feel。餐廳除咗打卡able之外，食物質素都出色！主打傳統法式窯烤Pizza，而且提供其它西式餐點，輕鬆味遊南法～
地址：皇崗路5001號深業上城南區THESTREET外街L2層S234號
營業時間：10:00 ~ 21:30
深圳必去打卡咖啡廳｜7. 漠上花開 —— 北非沙漠主題
想唔出國都打卡到摩洛哥沙漠風情，咁就一定要去呢間「漠上花開」餐廳。餐廳有齊仙人掌、枯樹、岩石等北非沙漠元素，除咗可以坐低打卡歎美食之外，更可以預約攝影師連服裝打卡及道具選擇，空間超大，有齊室內及室外座位，輕鬆收獲唔同場景嘅沙漠打卡相！夜晚打卡可以選購「煙花沙漠餐」，體驗煙花下歎浪漫晚餐！
地址：寶安區松白路睿尚智谷四樓天台
營業時間：10:00 ~ 22:00
深圳必去打卡咖啡廳｜8. 六角KITCHEN —— 日式庭院主題
想打卡日式主題Cafe，深圳寶安區「六角KITCHEN」絕對係近期年輕網民首推之選！見到佢門外日式風情庭院已經夠晒吸睛，木系裝潢再配上綉球花等植物佈景，整體令人感到療癒！食物方面，餐廳主打日式定食及法式多士，定期推出季節限定餐單，賣相都好IG-able，難怪會咁受年輕人歡迎！
地址：寶安中心區靈芝園社區19區87棟107
營業時間：11:00 ~ 20:30
*價錢、菜式及餐廳資訊僅供參考，詳情請查閱各餐廳官網。
招募U Creator l 出Post賺額外收入！
立即登記➡️ https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：小紅書帳戶@Blue Concept · 關於藍、@Bamboo House、@六角KITCHEN、社群U Creator@Carmen Chu、@Ayu Tang、@juliana_chan、@yan yan、@Pinkpinkyogamama
UTravel熱門旅遊話題
＞ 一步登記，有機會免費得到！＜
附搶飛連結🔗不再錯過演出消息‼️
