日本旅遊攻略
週末帶小朋友北上放電，除咗行商場同食嘢，不如Plan個充實嘅兩日一夜親子小旅行！適逢觀瀾湖櫻花節開幕，小編為大家整理好深圳觀瀾湖2日1夜親子行程！🌸有齊賞櫻打卡位、刺激卡丁車、手工藝體驗同埋美食推介，一次過滿足食玩買願望😎 各位家長記得save低，準備帶小朋友出發啦～
【社群免費送🎡】帶小朋友暢玩100FUN樂滿紛室內遊樂場！
仲煩緊weekend帶小朋友去本地玩咩好，一於帶小朋友去100FUN樂滿紛室內遊樂場放放電～以「懷舊香港」為題，特設渡海小輪波波池、繩網陣及職業體驗等項目，好玩又打卡able！即日起至2026年3月12日，簡單登記就有機會免費帶小朋友去暢玩啦！
深圳觀瀾湖玩樂行程推介：
1. 深圳觀瀾湖櫻花節
今年就算去唔到日韓賞櫻都唔緊要，深圳都有得睇櫻花！第10屆「深圳觀瀾湖櫻花節」已經正式開幕，今年繼續於觀瀾湖生態運動公社舉行！1,200棵櫻花樹共分成三批綻放，仲可以打卡長達100米嘅粉紅花海長廊，極度夢幻～唔使擔心幫小朋友影唔到靚相啦！
活動日期：即日起至2026年3月15日
> “Krystal” 詳細分享第十屆觀瀾湖櫻花節票價及入園資訊<
2. 卡魯冰雪世界
同樣位於觀瀾湖生態運動公社嘅「卡魯冰雪世界」，佔地面積約 12,000 平方米，分別設有滑雪區同娛雪區，唔使飛日韓都可以體驗到冬日冰雪活動！滑雪場採用仿真造雪技術，雪道長但坡道唔會太大，對新手都十分Friendly！就算唔想滑雪，都可以去旁邊嘅娛雪區玩盡滑雪圈、雪橇等項目，運動公社附近仲有得玩卡丁車，絕對係深圳親子遊嘅完美行程！！
> “oscar_fungfung” 分享卡魯冰雪世界滑雪體驗<
3. 觀瀾海洋世界
原來深圳都有美人魚表演睇！位於觀瀾湖生態運動公社附近嘅「觀瀾海洋世界」係一個擁有10大主題、超過1萬平方米嘅超大型場館，一次過滿足學習海洋生物知識、親子互動體驗、精彩演出、打卡等多種願望。除咗必打卡60米長海底隧道及多種海洋生物之外，唔同時段仲可以觀賞海獅表演、美人魚表演，親子沉浸式體驗感滿分！
4. 觀瀾湖新城MH MALL
去深圳玩又點少得去商場買嘢食嘢！除咗運動公社同酒店之外，觀瀾湖仲有個超完善嘅大型商場！觀瀾湖新城MH MALL除咗有多個品牌商舖及餐廳可以購物同食嘢之外，仲設有溜冰場、戲院、室內遊樂場（如：meland深圳觀瀾店）、馬術訓練場等娛樂場所，勁多親子活動玩都玩唔完！而且商場仲係寵物友善，免費租借寵物車帶毛孩行街都唔成問題！
地址：深圳龍華新區高爾夫大道8號
即睇觀瀾湖新城美食推介👇🏻
🍽️粵集·手工粵菜(觀瀾店) 👈🏻社群U Creator詳細分享
地址：觀瀾街道觀瀾湖新城 L4層L409-L410號鋪
🍽️舟市水產 👈🏻 社群U Creator大推！
地址：觀瀾湖新城MH MALL L4層L401號鋪
5. 觀瀾湖手藝工場
想帶小朋友做下小手工，發揮創意小宇宙，咁就一定要帶佢哋去位於觀瀾湖鄉村俱樂部內嘅「觀瀾湖手藝工場」啦！場地共有4層，集合咗近100家手作工作室，設有多項手工藝體驗，如陶藝、紙藝、燈工、皮藝、玻璃工藝等，仲有得體驗非物質文化遺產傳統手工藝，小朋友創作同時，都可以認識到各種傳統文化技藝！
> “anahkbabys” 拍片分享深圳觀瀾湖玩樂攻略及住宿體驗<
6. 期間限定「哈利波特：禁忌森林體驗」活動
麻瓜們記得把握機會去深圳觀瀾湖參加「哈利波特：禁忌森林體驗」啦，因為過咗3月活動就完結！將電影入面禁忌森林嘅經典場景完整重現，等麻瓜們沉浸式打卡並漫步於長達1-2公里而且光影交錯嘅魔法步道，仿佛同主角一同展開奇幻旅程！場內除咗設有多個機關同互動遊戲之外，仲可以入手主題周邊及打卡奶油啤酒，社群U Creator去完都表示充滿驚喜！
活動日期：即日起至2026年3月31日
招募U Creator l 出Post賺額外收入！
立即登記➡️https://ulapp.hk/ldcg3
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：微信公眾號@深圳觀瀾湖MHMALL、小紅書@觀瀾海洋世界、觀瀾湖網站、社群U Creator@tiny little things、@積仔記-吃喝玩樂旅遊達人、@Trysomefood_hk、@小沐 Virgo、@oscar_fungfung、@anahkbabys、 @Grace tsang
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
