日本旅遊攻略
去東京旅行唔好淨係識買「白色戀人」做手信！🎌其實東京仲有好多包裝精美且高質嘅零食、紀念品等住大家發掘！今日小編就特別整合出2026年東京最新手信清單，包括有Threads友力推嘅焦糖布丁撻、奶油餅乾、生朱古力等等，當中唔少都係排隊名店，甚至連本地人都讚好！嚟緊去東京嘅您記得save低啦！🛍️
➤立即下載U Lifestyle App
➤詳情懶人包
【最新社群活動】日本純黑咖啡500支+霸王茶姬「一抹山月」500杯！
有邊位打工仔早晨唔需要一杯高質咖啡提神！社群大派500支日本純黑咖啡～即日起至2026年2月1日，簡單登記，即有機會免費帶走！👉🏻 登記贏免費日本純黑咖啡
抹茶控注意！🍵霸王茶姬全新推出抹茶拿鐵「一抹山月」，即日起至2月5日，登記即有機會免費飲啦 👉🏻 登記免費飲全新抹茶拿鐵
1. 日本7-11限定！Sugar Butter Sand Tree奶油夾心餅
奶油夾心餅乾成為近年日本人氣手信之一，其中呢款日本7-11同Sugar Butter Sand Tree推出嘅「砂糖奶油夾心餅」更深得香港人歡心！睇佢缺貨程度就知呢款小食有幾爆紅！分別有藍色原味、橙色焦糖布丁等多款口味， 一啖就食到層次豐富嘅口感，中間充滿濃郁奶味及白朱古力奶油香，甜度恰到好處，難怪連日本人都大推啦！
2. Royce生朱古力
日本機場唔難發現到呢個朱古力品牌「Royce」！雖然品牌源自於北海道，不過喺東京各地超市、免稅店都會見到佢嘅蹤影，可見佢喺有幾熱門！招牌生朱古力系列大量採用北海道鮮忌廉，令生朱古力含水量達到17%，所以食落去口感絲滑且入口即溶，生朱古力迷去日本必買！
地址：東京成田機場、羽田機場等免稅店
3. TOKYO BANANA
「TOKYO BANANA」亦都係近年去日本旅行必買手信之一，小編每次經過東京車站都人流滿滿！招牌香蕉蛋糕同各種唔同IP合作推出聯名款，其中Chiikawa香蕉蛋糕近日以全新包裝回歸，蛋糕上面印有6隻小可愛角色表情，而且買8盒仲會送貼紙，Chii友們買返香港自肥或者做手信一流！
地址：東京都千代田區丸之內1-9-1東京車站B1F
4. Brulee Merize
另外一個東京車站人氣手信店就係呢間焦糖布丁甜品專賣店「Brulee Merize」！佢同「TOKYO BANANA」同屬一個集團，據Threads友評價，佢個「焦糖燉蛋布丁撻」撻皮酥脆，咬落去流心而且中間嘅焦糖醬仲有拉絲，層次十分豐富！不過呢間店就長期排隊，想去買手信嘅您就要早啲去，否則好快賣晒～
地址：東京都千代田區丸之內1-9-1東京車站
5. 喫茶店に恋して
另一間位於東京車站，同樣為焦糖布丁甜品專賣店嘅「喫茶店に恋して」成為近年港人去東京必買手信之一！睇佢個文青風格包裝咁可愛，原來入面都大有乾坤！佢個招牌「法式焦糖布丁塔」口感層次豐富，表面灑上焦糖碎，聽到已經流晒口水，唔怪得Threads友大讚每次去東京都一定要去買！
地址：東京都千代田區丸之內1-9-1東京車站B1 GRANSTA前
6. Pista & Tokyo
一場嚟到東京車站，開心果控當然要去埋「Pista & Tokyo」大買特買啦！故名思義就係主打開心果產品，由名古屋開到東京都，為日本樂天市場排行第一名嘅手信甜點，難怪大受本地人及遊客歡迎！其中「開心果夾心餅乾」內開心果奶油餡料超足料，另外社群U Creator買咗「開心果紅莓夾心餅」都大讚開心果鹹香同紅莓十分和諧，去東京一定要買返盒！
地址：東京都千代田區丸之內1-9-1東京車站
> “Foodie_meoryou” 分享東京人氣開心果專賣店手信食評<
7. ÉCHIRÉ 奶油餅乾
東京超人氣餅乾店「Échiré」又稱為「奶油界LV」，喺東京澀谷、新宿、澀谷、麻布台等地都有多間分店。採用法國知名高級發酵奶油 ECHIRE焗烤而成，更係米芝蓮三星及多個知名甜點師嘅御用奶油brand，奶油控去東京一定要朝聖下！除咗經典費南雪、瑪德蓮外，鐵盒奶油餅乾都係必買。因為餅乾店長期排長龍，唔少款式都係限購，想去買手信嘅您要留意啦！
8. Number Sugar手作數字焦糖
知名手作焦糖牛奶糖專門店「Number Sugar」同樣都係東京人氣手信之選。最標誌性就係有12種以數字編號區分嘅焦糖口味，口味各有特色。其中社群U Creator就推介法式橙皮口味，焦糖配上橙香更加豐富。而且成份天然包裝精美，最適合買嚟做手信送禮！
地址：東京都千代田區丸之内3-4-1
> “EsterCheung” 分享Number Sugar各款經典口味焦糖牛奶糖<
【年度精華重溫🌟】社群年度熱搜帖文榜單出爐！🏆
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：IG帳戶@tokyobanana_jp、@kissakoi.tokyo、@echire.official.jp、社群U Creator @EsterCheung、@julyocc、@food__logger、@DollyLing、@Kat Wong、@Foodie_meoryou、@beauty822、@eunicep
UTravel熱門旅遊話題
↓立即登記參加！賺取無上限現金賞💰↓
附搶飛連結🔗不再錯過演出消息‼️
