日本旅遊攻略
還在被動等網購優惠？其實親身飛去日本或歐洲 Outlet 掃貨更抵！年尾是 Outlet 劈價黃金期，日圓低位加上退稅，Dyson 吸塵機、Celine 或 Gucci 手袋隨時平過香港一半。本文整合 2024/25 冬季 Outlet 攻略，附上中港價格對照及 Dyson 電壓防伏貼士，教你精明「折上折」！
年尾Bonus 如何花？「賺匯率」海外outlet 掃貨
聖誕節最期待的不是聖誕燈飾，而是年尾那份 Double Pay 或 Bonus 怎樣花得最值！香港專櫃加價加到離地，與其在港「捱貴貨」，不如趁年尾假期飛一轉。現在日圓、歐元匯率依然算靚，加上海外 Outlet 年尾的「清倉式」劈價，機票錢隨時買兩個袋就賺回來。
不過，Outlet 掃貨都要有策略，特別是買電器（如 Dyson）很容易中「電壓伏」。今次幫大家整理好日本、歐洲 Outlet 的掃貨攻略，不想蝕底必睇！
1. 日本戰場：鎖定「初売り」與福袋，御殿場/木更津必去
日本 Outlet 的減價檔期非常規律。由 11 月中開始會有 "Winter Illumination Sale"，但真正的戲肉是 12 月底的 "Winter Sale" 以及 1 月 1 日至 3 日的新年「初売り」（Hatsu-uri）。
御殿場 Premium Outlets： 全日本最強，名牌最齊（Celine, Loewe, Prada 都有）。如果你目標是歐洲一線名牌，這裡款式最多，加上日圓匯率紅利，性價比極高。
木更津 Mitsui Outlet Park： 離羽田機場近，適合 Last Minute 衝刺。這裡的日系品牌（Beams, United Arrows）和運動品牌折上折非常狠。
必搶福袋： 每年 1 月 1 日，各大品牌會推出「福袋」，以 1/3 甚至更低的價錢買入總值極高的商品。雖然內容隨機，但那種「拆禮物」的快感無可取代！
2. 歐洲戰場：Boxing Day 震撼劈價，退稅率高達 12-20%
如果你年尾飛歐洲（英國、法國、意大利），恭喜～你將進入名牌手袋的「半價天堂」。
英國 (Bicester Village)： 雖然沒有了免稅購物（Tax Free），但在 12 月 26 日 (Boxing Day) 開始的折讓幅度極大，Burberry、Polo Ralph Lauren 經常出現「跳樓價」。
法國/意大利： 歐洲大陸保留了高額退稅。雖然法定的冬季大減價 (Soldes) 通常在 1 月初才開始，但很多 Outlet (如 La Vallée Village) 在 12 月底已經會有 "Private Sale" 或預熱優惠。加上約10% - 12% 的退稅（VAT Refund），這是很吸引的價格優勢。
*VAT Refund：在外地旅遊並購物時，您可以申請退還在購物時支付的部分增值稅。 您可以在結束旅程前，在國際機場辦理退稅手續，取回這筆稅款。 當您到國外旅遊並購物時，您可以申請退還在該國購物時支付的部分增值稅（VAT）。
3. 【防伏重點】日本買 Dyson？留意電壓避免變「廢鐵」
很多讀者問：「日本 Dyson 風筒平香港千幾蚊，買唔買得？」小編誠實答你：風筒/捲髮器不如不要買。
- 電壓陷阱： 日本電壓是 100V，香港是 220V。發熱電器（風筒、直髮夾）功率大，如果你在香港強行使用日本版，輕則燒機，重則發生火警。除非你願意在家放一個巨型變壓器（俗稱火牛），否則得不償失。
不止香港，其實台灣也用不著日本dyson風筒。有台灣網民在社群平台threads提問， 「為什麼日本店員一直提醒dyson吹風機帶回台灣不能用，建議不要買，但國際牌就沒關係？」引起網友討論。
- 無線吸塵機/風扇： 相對安全。因為這類產品通常使用「國際電壓」的充電器 (100V-240V)。但購買前，必須翻開說明書或充電器上的標籤，確認寫著 "Input: 100-240V" 才好付款。
- 保養問題： 緊記水貨在香港通常沒有保養，壞了要自己負責。
4. 退稅教學：Visit Japan Web 與包裝限制
日本退稅 ： 現在日本退稅越來越方便，部分店舖已支援透過 Visit Japan Web 的免稅 QR Code 快速辦理。緊記，在日本買的「消耗品」（化妝品、零食），店員會用特殊膠袋封好，在日本境內嚴禁拆封，否則離境被查到要補交 10% 消費稅！
▼Visit Japan Web退稅教學▼
Outlet 購物最好「快、狠、準」。看到心頭好，只要計過數平過香港，就不要猶豫太久，因為轉個頭可能就被掃走了。祝大家年尾買得開心，滿載而歸！
*以上資料僅供參考
資料來源：Premiumoutlets website, Mitsui-shopping-park website, Bicester Village outlet Website, Emperiavr Website, KKday, Apple, Visit Japan Web, shimojima.jp, magicpro網站, vatrefund網站, biccamera website
-
日本攻略
Mitsui Outlet Park Makuhari
『日本』快閃💨｜暴風式橫掃東京幕張三井Outlet🛍️
· 🛍️ Mitsui Outlet Park Makuhari (三井ｱｳﾄﾚｯﾄﾊﾟｰｸ 幕張) 📍 千葉県千葉市美浜区ひび野2丁目6−1 日本三井集團旗下的Outlet ,於全日本有多間分店,應該不會太陌生亦不用多介紹｡ 是次到幕張不單止到東京迪士尼遊玩,還來個快閃,暴風式橫掃幕張Outlet😆 Outlet位於海濱幕張站南口對面,步行一分鐘就可到達,位置超便利｡到達時已差不多晚上7點,Outlet收8點,即是話購物要於一個鐘內完成,非常緊湊! 幸好幕張這間Outlet不算太大,不過品牌方面亦不少,於是鎖定目標重點出擊,先衝向買波鞋,然後去買袋,可惜Beans剛轉季未有收穫,而United Arrows､Nice Claup､Gap､Sabon､Francfranc､Le Creuset……趕唔切去🥲 有啲店舖購物完後會有個QR code,scan番可以清楚知道購物內容､金額及時間,作為退稅之用非常方便呢! Outlet內設有餐廳和美食廣場,可惜買完嘢已將近8點,好多餐廳都準備打烊,唯有快買杯咖啡和donuts 醫醫肚再去其他地方食晚飯｡ 如行程會到東京迪士尼,不妨安排到幕張Outlet逛逛,不錯的購物行程選擇,可能會有豐富的收穫喔! ℹ️ - 三井ｱｳﾄﾚｯﾄﾊﾟｰｸ 幕張 - Mitsui Outlet Park Makuhari - 地點:JR京葉線海濱幕張站南口步行一分鐘 - 營業時間:10:00-20:00 - 商店數量:約130-140間,包括服飾､運動､生活雜貨等品牌 * * 日本好去處 UCreator ucreator 旅行打卡 旅遊行程 食飽過馬年 日本 東京
閱讀更多
-
日本之行
日本買ASICS運動鞋低至近半價‼️超抵🔥即睇10款港日價錢對比
🔥ASICS是日本知名運動品牌,在全球廣受歡迎!提供高性能的跑步鞋，還有時尚舒適的休閒鞋，深受頂尖運動員喜愛。香港都有ASICS專門店，但按日圓匯率都有平，大家去日本旅行時買就抵好多～有款式更係低至半價入手😍即刻去圖睇ASICS運動鞋港日價錢對比👉🏻👉🏻 除咗去日本ASICS專門店,大家仲可以去以下Outlet尋寶,都有ASICS,相信會比專門店再平啲!🌟圖13附ASICS FACTORY OUTLET地址｡ *香港&日本價錢參考香港&日本ASICS官網 (按照2025年6月19日官網所列價錢,商品價格有可能因不同日期折扣有浮動) 價錢只供參考,實際價值以ASICS官方/專賣店門市作準🙏🏻 *內文商品價錢按2025年6月19日,當日日圓匯率(1日圓=0.054港元)作換算｡ Follow我睇更多日本購物資訊❣️ 大家仲可以到 日本購物攻略 / hoka 睇我之前係日本買HOKA運動鞋嘅真實購物分享🌟都好抵買㗎~ 圖片來源:香港､日本ASICS官網,mitsui-shopping-park.com 日本好去處 日本購物 日本購物攻略 日本之旅 運動裝備 運動鞋 東京購物 攻略 運動穿搭 日本必買
閱讀更多
-
歐洲
呢度係意大利米蘭outlet!! 一定要去Gucci outlet，平時名店真係冇乜折扣，去到米蘭一定要血拼，因為真係好抵平時幾千蚊一個銀包，可能半價就已經有!! 仲有好多靚款，但要提早喺門口排隊! 所以我會叫呢個係旅行必買產品! #旅行手信推介 #浪漫旅人祭 旅行手信推介 浪漫旅人祭
閱讀更多
UTravel熱門旅遊話題
＞登記即送，人人有賞！＜
↓即睇最新行程懶人包、爆紅打卡點🔥、必吃美食😋等↓
