日本旅遊攻略
旅遊小貼士！出遊攻略的家居安全，拔插頭正確嗎？每次飛長途旅行之前，大家也習慣將屋企所有電器插頭拔走，諗住慳返幾日電費又安全些？停手！原來呢個動作隨時令你「因小失大」！外國專家同工研院發出警告，並非所有電器都適合「斷電」，特別係以下 6 類家電，亂拔插頭分分鐘搞到壞機，維修費仲貴過你慳嗰幾蚊雞電費！即睇哪幾樣電器唔拔得！
拔插頭＝慳電？專家：隨時整壞部機
好多人都覺得，電器不用要拔插頭先至精明。但據《經濟日報》引述美國電氣工程師 Tim Hodnicki 及台灣工研院指出，現代家電好多都係「智能設計」，需要待機運作以維持設定或進行背景更新。
如果你強行斷電，不單止會令設定重置（Reset），下次開機重新啟動（Reboot）時所消耗嘅電流，隨時比起待機模式高出幾倍！最慘係可能會整壞內部零件，「返黎見到部機開唔著真係喊都無謂」…
嚴禁亂拔！ 6 款電器長開更著數
去旅行前執行李固然重要，但屋企電器都要 Check 清楚！以下呢 6 類屬於「千萬別亂拔」嘅黑名單：
噴墨打印機 (Printer)： 待機時會自動清洗噴頭，拔咗插頭令墨水乾涸堵塞噴頭，維修極貴！
Wi-Fi 路由器 (Router)： 經常開關容易引致信號不穩，重啟亦更耗電，隨時搞到網絡慢過龜。
智能電視 / OLED TV： 許多新款電視關機後會進行「像素刷新」保養屏幕，斷電會縮短屏幕壽命。
電腦 (Sleep Mode)： 頻繁強制斷電好傷 Hard disk。
機頂盒 / 智能管家： 需要後台更新或連接家居保安系統。
具備時間/記憶設定的家電： 每次斷電都要重新 Setup，浪費時間兼耗電。
3 招真正安全慳電法
既然不拔插頭，去旅行幾日點樣確保家居安全又慳到錢？專家醒你 3 招 貼士：
咪大力扯！拔插頭有手勢
如果要拔（例如風扇、微波爐等非智能家電），千祈不要貪快拉扯電線！必須抓緊插頭頭部拔出，否則銅線斷裂容易引發短路火警。
2. 善用「獨立開關」拖板
對於電視、音響等小家電，雖然不建議頻繁拔插頭，但可以用具備獨立開關掣的拖板。出門前只要「啪」一聲關掣，就等於斷電，既方便又不驚整壞插頭位。
3. 冷氣機要「封印」
至於冷氣機呢啲季節性電器，冬天或者長時間不用拔插頭是正確。但專家提醒，拔除後記得加上防塵蓋，避免積塵導致下次通電時發生短路危險。
UTravel熱門旅遊話題
＞登記即送，人人有賞！＜
立即探索🔍最新熱門活動📍好去處推介🌟
