日本旅遊攻略
去日本、泰國、歐洲 Shopping 買手信，海外簽賬，用外幣結算，可能有信用卡手續費。當你碌卡付款的時候，店員或者問你：「畀港幣 (HKD) 定當地貨幣？」好多人見到親切的「HKD」就順手撳落去，以為方便又清楚？等等！可能你會跌入傳說中的「DCC 動態貨幣轉換」陷阱，隨時多付 5% (或不等)手續費之餘，還要痛失信用卡回贈。即睇專家教避雷招式，守住血汗錢~~
海外碌卡揀港幣定外幣？撳錯掣隨時畀貴咗、賺少咗
甚麼是 DCC？
大家去旅行碌卡，有時會見到單據上列出一個折算好嘅港幣金額，呢個服務就是 「DCC 動態貨幣轉換 (Dynamic Currency Conversion)」。
DCC或隱藏手續費 失海外信用卡回贈
乍看之下幾貼心，幫你計埋匯率不用煩？小心！理財專家警告，「魔鬼」或在細節裡：
超高隱藏手續費，商家或 DCC 機構會用較差寬的匯率幫你兌換，當中包含 1% 至 5% 不等嘅「服務費」！相比起銀行正常收大約 1.5% - 1.95% 的海外簽賬手續費，DCC 食水深啲！
記者翻查資料，國際知名財經教育網站Investopedia對 DCC 的定義中指出：「Some foreign merchants offer an option called "dynamic currency conversion" (DCC), letting consumers pay in their home currency. Paying in foreign currency is generally cheaper since DCC rates aren't favorable to consumers.」（一些外國商家提供一種名為「動態貨幣轉換」（DCC）的選項，允許消費者使用本國貨幣支付。由於DCC匯率對消費者不利，因此使用外幣支付通常更便宜。）
此外，香港金融管理局(HKMA)亦曾提及「DCC服務並非由香港的發卡銀行提供…在外地以港幣信用卡使用DCC服務作港幣簽賬，據了解，一般所涉及的兌換差額約為1.5％至4％，在某些地方的兌換差額可能更高。DCC服務以港幣入賬，信用卡組織會透過發卡銀行收取約為簽賬額0.4％至1％的跨境交易收費…」
另一方面，信用卡回贈清零。好多香港人鍾意儲里數 (Miles) 或現金回贈 (Cash Rebate)，但大部分銀行條款列明，必須以外幣結算先算海外簽賬。一旦你揀了港幣結算，即刻變回本地交易，原本的外遊回贈隨時可能化為烏有。
因此，專家建議，無論在任何國家消費，結帳時宜選擇當地貨幣。
兩種情境留神 結帳宜用當地貨幣
為了避免白白被收手續費，大家去旅行碌卡最好打醒十二分精神，遇到以下兩個情境，不揀港幣埋單。
1. 刷卡機螢幕二選一
例如去日本時，當服務員遞上刷卡機，屏幕彈出「PAY IN JPY」或「PAY IN HKD」的選項，選擇當地貨幣。不要因為見到 HKD 覺得親切就揀選。
2. 簽單剔格仔揀支付幣別
部分商家會在列印出來的簽單上，提供兩個選項讓消費者勾選支付幣別。此時，請確保清楚勾選當地幣別（如日圓JPY），以確保以最優惠的匯率和最低的手續費完成交易。簽名前望清楚，不要求其簽名就算。
「外遊碌卡，永遠揀當地貨幣！」去哪個國家也好，也用當地錢埋單，享受最貼市的匯率，還可以賺銀行的海外簽賬回贈。下次消費埋單，睇清楚，唔好撳錯掣。
網民慘痛經歷：以為方便 點知蝕入肉
有網民「486 先生」（陳延昶）在他的「大丈夫週記」分享了一個慘痛案例。在日本開心碌卡消費，收到單之後先發現，條數竟然比預期多咗5%！心想「唔通係比人盜刷？定係日本稅收加咗價？」
486 先生再講，這是國外非常常見的「DCC 動態貨幣轉換」機制。店員或者刷卡機通常好「貼心」問你一句：「要用日圓 (JPY) 定係本國貨幣 結帳？」如果因為想直接睇到匯率而揀了「本國貨幣」，就已經中伏！
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
