日本旅遊攻略
2025.11.25
【日本麥當勞無飲管杯蓋】去日本旅行食麥記（McDonald's），最怕係支紙飲管飲兩啖就變軟、還有怪味？好消息嚟啦！日本麥當勞剛剛宣佈重大改革，由 11 月 19 日起，將會陸續淘汰紙飲管同紙杯蓋，全面換上由 100% 再生膠製成嘅「無飲管杯蓋」！這個新設計不止環保，更專為外賣客解決兩大痛點。
紙飲管拜拜！新設計專為防漏
相信大家都試過，外賣汽水返酒店，行到一半支紙飲管已經軟晒，甚至啲汽水由個蓋邊滲出？
日本這款「無飲管杯蓋」足足用咗 3 年時間開發。它最大的亮點是可以直接對嘴飲用（類似 Starbucks 熱飲蓋設計），徹底省去了飲管這個步驟。
編輯覺得最神的是，新杯蓋特別針對碳酸飲料進行優化。以前外賣汽水好易因為晃動產生氣壓而噴出嚟，新設計可以有效疏導氣壓，防止「爆發」！
另外，外賣更安心！無論係新蓋嘅密封性都比傳統紙蓋強，大大減低灑漏風險。
可能會有人問：「轉返用膠？咪即係唔環保？」不是！
這款新杯蓋是採用 100% 再生 PET（rPET） 材料製造，即係用回收膠樽「循環再造」而成。根據官方估算，這個轉變預計每年可以減少約 6,600 噸原生塑膠的使用量！
日本麥當勞今次示範，原來「走塑」同「方便」可以共存。「唔使再忍受飲飲下有紙漿味嘅可樂」，對遊客來講絕對是一大福音。
幾時有得試？
這項措施將於 2025年11月19日 起，在日本全國分階段推行。如果你正計劃聖誕或新年去日本玩，去麥當勞食早餐或者宵夜嗰陣，記得留意下有無得試用呢個新杯蓋，順便打卡話畀朋友知：「日本麥記終於無紙飲管啦！」
日本麥當勞將於11月19日起，在全國門市分階段引進100%再生PET製成的「無飲管杯蓋」，全面取代現有的紙杯蓋和紙飲管。
預計每年可減少約6,600噸原生塑膠的使用量，並促進塑膠的回收再利用，響應全球減少一次性塑膠的趨勢。
UTravel熱門旅遊話題
【精華重溫🌟】社群年度熱搜帖文榜單出爐！🏆↓
↓主題追蹤人次突破二百萬!! 即刻重溫精彩時刻 ↓
↓主題追蹤人次突破二百萬!! 即刻重溫精彩時刻 ↓
🔔睇《U GO》輕鬆掌握最新食買玩情報！↓
立即探索🔍最新熱門活動📍好去處推介🌟
立即探索🔍最新熱門活動📍好去處推介🌟
