日本旅遊攻略
一到冬天最期待嘅活動就係去滑雪，依家唔使出國都可以滑雪啦！深圳近年多咗唔少室內滑雪場，等大家搭1至2小時車程就可以感受滑雪嘅樂趣。今次小編就根據社群U Creator實測，精選6間深圳人氣室內滑雪場。計劃出發去日韓滑雪之前，都不妨先去深圳練習一下！
Table of Contents
【Plan行程法寶】輕鬆成為旅行Chill Guy
「Chill Guide旅遊指南」為您整合社群最人氣旅遊攻略！有齊日本、深圳、台灣、澳門、 韓國、泰國、越南等熱門旅遊地區嘅行程懶人包，包括熱門同隱世吃喝玩樂行程，無論您係J人定P人都可以chill住玩！
深圳滑雪場推介｜1. 深圳華發冰雪世界
全球最大室內滑雪場終於喺今年正式開幕啦！「深圳前海華發冰雪世界」分為5條國際認證雪道、2個地形公園及1個娛雪區域，總面積高達43萬平方米，就連滑雪區都佔超過10萬平方米，相等於14個足球場咁大！大家可以按照技術程度選擇唔同滑雪道，總長達1,569米，無論新手定高手都可以全程享受！另外娛雪區就有齊搖擺雪圈道、雪上卡丁、旋轉木馬等14款冰雪遊樂設施，想玩雪嘅小朋友絕對都玩得盡興！
地址：寶安區沙井南環路
> “Lenna Tsang” 率先開箱全球最大室內滑雪場<
深圳滑雪場推介｜2. 觀瀾湖卡魯冰雪世界
卡魯冰雪世界位於觀瀾湖生態運動公社，周邊有卡丁車、手工藝坊、商場及度假區等設施，很適合帶小朋友嚟一場兩日一夜放電之旅！
呢個深圳大型室內冰雪場館，分為滑雪區、滑冰區及娛雪區，佔地達1.2萬平方米。室溫長期維持於 -3℃ 至 -5℃，猶如置身真實冰雪世界！滑雪道長約120公尺，適合初學者；如有需要，可額外預約教練服務。所有教練均持有國際執照，當中更有香港人教練，等您零障礙享受滑雪樂趣！
地址：龍華區高爾夫大道15號觀瀾湖生態運動公社
深圳滑雪場推介｜3. 世界之窗阿爾卑斯冰雪世界
阿爾卑斯冰雪世界位於深圳世界之窗，分別設有滑雪、溜冰場和娛雪區。娛雪區以北歐為主題，充滿特色童話風格小木屋同冰雕，玩雪同時都好打卡able！而滑雪區需要另外付費，連滑雪用具、頭盔同厚外套，新手可以跟專業教練指導，掌握入門滑雪技巧冇難度！
地址：南山區深南大道9037號世界之窗
深圳滑雪場推介｜4. SKINOW雪樂山滑雪
SKINOW雪樂山滑雪係一個主打室內模擬滑雪體驗嘅連鎖機構，喺深圳共有4間分店。同上面有提供娛雪區嘅雪場唔同，更著重於訓練滑雪技術本身。佔地達2,000平方米，採用模擬滑雪賽道，由專業教練指導最正確嘅滑雪姿勢同技巧，帶您更安全、更高效地掌握滑雪技術！
地址：深圳4間分店詳見官網
深圳滑雪場推介｜5. 深圳東部冰雪創新城
大癲！呢間近10萬尺嘅冰雪主題館唔單止室內滑雪同娛雪活動，仲有埋自助火鍋同烤肉提供！位於鹽田區嘅「東部冰雪創新城」係一個總面積達10萬平方米嘅室內冰雪主題樂園，集美食街同滑雪場於一身。分別有兩層玩雪同玩冰區域，提供滑雪及滑冰工具，仲可以玩盡冰滑梯、雪地迷宮等活動，唔想滑雪都可以打雪仗、堆雪人，享受娛雪嘅樂趣！
地址：鹽田街道鹽田路3號保惠冷鏈物流園
深圳滑雪場推介｜6. 海昌.樂漫冰雪王國
如果您想打卡東歐風飄雪場景，「海昌.樂漫冰雪王國」就滿足到您嘅願望！樂園常年維持-5度至-10度溫度，仿如置身於東歐夢幻冰雪王國。裡面設有五大娛雪區域：嘉年華派對、霧凇森林、冰川山脈、極地大陸、冰雪城堡，其中必打卡雪中旋轉木馬，仲有超刺激冰雪滑道，全部都係合家歡娛雪活動！
地址：寶安區新安街道建安一路99號海雅廣場4樓L430商鋪
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
🔔招募北上旅遊Creator | 分享北上暢玩攻略賺額外收入📸！
立即登記➡️https://ulapp.hk/j9kzn
-----------------
圖片來源：網上圖片、社群U Creator @Lenna Tsang、@Eat.baobaoo、@estheryuen、@Nobeeboo
#ULifestyle應用程式 #ULifestyleApp #社群 #UCreatorHK #MOMENTSwithUCreator #送禮 #親子好去處 #100個港人推介親子好去處 #我的打卡地圖 #聖誕活動 #深圳 #深圳滑雪 #深圳滑雪場 #滑雪場推介 #深圳打卡 #冬季活動 #北上好去處 #親子
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
