日本旅遊攻略
今年聖誕節想去唔一樣嘅地方感受節日浪漫氛圍，首選一定係歐洲！歐洲聖誕市集預計11月中左右陸續開放，形形色色嘅特色小食、手工藝攤檔都會佈滿整個市集，大家可以親身感受當地暖心又歡樂嘅節日氣氛！今日小編精選7個一生人必去嘅歐洲聖誕市集，今年準備好去感受西方獨一無二嘅聖誕節未！
【送您】L’OCCITANE限量聖誕倒數日曆🎄！
每到年末最期待就係各大品牌推出的「聖誕倒數日曆」! 今年U Community將與 L’Occitane en Provence一同為您開啟節日光芒，兩款限量套裝均包含24件皇牌產品。現時只需簡單登記，即有機會免費得到L’Occitane en Provence聖誕倒數日曆，陪您迎接美好聖誕🎅！
東歐聖誕市集｜1. 捷克布拉格舊城廣場聖誕市集
東歐旅行必不能錯過捷克布拉格！布拉格舊城廣場聖誕市集多次被CNN評選為「歐洲最美聖誕市集」，亦都係布拉格最大規模聖誕市集！廣場中央矗立璀璨嘅巨型聖誕樹，活動期間每日16:30起都有點燈儀式，拉滿節日氣氛！搭配70-100間傳統手工木製攤位，售賣手工藝、特色小食，唔講以為自己入咗童話世界！
開放日期：2025年11月29日至2026年1月6日
開放時間：10:00 ~ 22:00
官網睇更多過去活動精華
東歐聖誕市集｜2. 匈牙利布達佩斯聖誕市集Vörösmarty tér
如果要講一個歐洲旅行入門國家，匈牙利布達佩斯一定係其中一個。嚟到匈牙利首都布達佩斯過聖誕，必去「Vörösmarty tér」度過一個具當地特色嘅聖誕！位於弗洛斯馬提廣場前，有齊各式各樣工藝品、傳統刺繡同匈牙利特色美食攤位，輕鬆食盡當地必食煙囪捲、熱紅酒等小食，為冬日增添暖意！現場仲有音樂同舞蹈表演，輕鬆感受當地濃厚歡樂嘅節日氣氛。
開放日期：2025年11月14日至2026年1月1日
開放時間：11:00 ~ 21:00 (星期日至星期四)；11:00 ~ 22:00 (星期五至六)
*聖誕節開放時間有特別安排，詳見官網
西歐聖誕市集｜3. 法國Strasbourg史特拉斯堡聖誕市集
提到歐洲最受歡迎聖誕市集，法國「史特拉斯堡聖誕市集」必定榜上有名，同時都係法國最古老及最大嘅聖誕市集！史特拉斯堡位於德法邊境，因此「史特拉斯堡聖誕市集」融合咗來自德國同法國兩地嘅特色小食及飲食文化！由10多個小市集、共300多個攤檔組成，可以打卡唔同造型嘅胡桃鉗、聖誕紀念品及裝飾品、肉桂風味熱紅酒等等，輕鬆全方位感受西式聖誕！
開放日期：2025年11月26日至12月24日
開放時間：11:00 ~ 21:00
官網睇更多活動詳情
西歐聖誕市集｜4. 德國佛萊堡聖誕市集
想喺德國黑森林度過難忘聖誕，不妨去弗萊堡聖誕市集，係當地其中一個著名嘅聖誕市集。呢個市集話大唔大，話細唔細，分散喺唔同廣場周邊，充滿大大小小嘅特色攤檔。熱紅酒及芝士熱狗都係必點美食。而獨特嘅木製星星燈海同建築更加係市集打卡亮點，望到都覺得好溫暖及充滿節日氣氛！
開放日期：2025年11月20日 至12月23日
開放時間：10:00 ~ 20:30 (星期一至六)；11:30 ~ 19:30 (星期日)
更多活動最新資訊睇官網
西歐聖誕市集｜5. 阿姆斯特丹中央車站聖誕節
比起傳統聖誕市集，坐落於阿姆斯特丹中央車站附近並沒有大型聖誕市集。不過作為阿姆斯特丹中心交通樞紐，車站佈滿大大小小嘅聖誕主題燈飾，令途人可以感受當地節日氛圍。中央車站周圍都會擺滿各式各樣嘅攤位，附近Dam Square都會設有約20米高巨型聖誕樹，為城市添上活力及歡樂！經過中央車站嘅您都不妨排入行程啊！
聖誕樹擺放日期：2025年12月14日起
> "小鴨在英國亂跑" 介紹阿姆斯特丹中央車站附近聖誕打卡位<
西歐聖誕市集｜6. 比利時安特衛普聖誕市集
聖誕期間去比利時，不妨到「安特衛普聖誕市集」感受節日氣氛！市集位於Grote Markt、Groenplaats及Steenplein等市中心廣場，設有超過100個攤位，供應比利時啤酒、威化餅、窩夫格仔餅等傳統小食。您仲可以喺廣場附近嘅溜冰場玩溜冰，或者去Meir大道購物消費！
開放日期：2025年12月5日至2026年1月4日
開放時間：12:00 ~ 22:00 (星期日至星期四)；12:00 ~ 00:00 (星期五至六)
歐洲聖誕市集｜7. 英國Covent Garden
倫敦Covent Garden一直係遊客其中一個必去購物景點，而聖誕期間都會化身為一個夢幻小鎮，佈滿大大小小嘅燈飾及舉辦一系列節慶活動。其中一定要打卡60英尺高嘅巨型聖誕樹及30,000多個LED燈飾，裡面仲有大大小小特色攤檔，售賣熱紅酒、紀念品、聖誕雪橇打卡位等等，令您買到手軟同時度過一個難忘聖誕！
開放日期：2025年11月12日至2026年1月3日
開放時間：10:00 ~ 20:00 (星期一至六)；11:00 ~ 18:00 (星期日)
> "LoklokCook" 分享Covent Garden聖誕打卡景點<
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：網上圖片、社群U Creator @phechan、@LoklokCook、@小鴨在英國亂跑、@happyteatea
#ULifestyle應用程式 #ULifestyleApp #社群 #UCreatorHK #MOMENTSwithUCreator #送禮 #聖誕節送禮 #我的打卡地圖 #聖誕市集 #歐洲 #歐洲聖誕 #聖誕節 #christmasmarket #歐洲聖誕市集 #倫敦 #比利時 #荷蘭 #德國 #法國 #布達佩斯 #布拉格
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
附搶飛連結🔗不再錯過演出消息‼️
