日本旅遊攻略
秋冬季節，一定要「返鄉下」浸溫泉放鬆一下！講到去日本浸溫泉，好多人第一時間諗起東北、九州等地區，但其實河口湖都係性價比好高嘅溫泉天堂！可以邊歎溫泉邊欣賞富士山景色，絕對係快閃度假嘅首選！今日小編精選7間河口湖溫泉住宿，嚟緊去河口湖未book住宿嘅您可以bookmark低啦！
【Plan行程法寶】輕鬆成為旅行Chill Guy
「Chill Guide旅遊指南」為您整合社群最人氣旅遊攻略！有齊日本、深圳、台灣、澳門、 韓國、泰國、越南等熱門旅遊地區嘅行程懶人包，有齊晒熱門同隱世吃喝玩樂行程，無論您係J人定P人都可以chill住玩！
市區去河口湖交通方式
由東京市區前往河口湖方法有好多，其中較常見就係由新宿搭乘高速巴士或特急「富士回遊」列車直達河口湖，車程約2小時！另外都可以按個人需要租車、包車或者搭乘一般電車，一樣都可以抵達河口湖。
新手必讀溫泉禮儀
日本作為「溫泉大國」，一場嚟到當然要體驗一下地道「泡湯文化」！不過要喺日本浸溫泉都有幾多規則及禮儀要遵守，第一次去日本浸溫泉嘅您要留意以下注意事項：
河口湖溫泉住宿推介
溫泉住宿推介｜1. La Vista富士河口湖
La Vista飯店富士河口湖係一間歐陸式裝修嘅四星溫泉酒店，以南法國普羅旺斯為設計意念，散發出一種休閒嘅感覺。分別設有公眾大浴場及私隱度高嘅貸切風呂，澡堂可以望到富士山景色。另外仲可以自費追加SPA項目，泡湯後再做一場SPA，人生一大享受！仲可以事前同酒店預約免費接駁車服務，唔驚拖住行李搵路咁狼狽！
地址：山梨縣南都留郡富士河口湖町河口2395
官網：https://dormy-hotels.com/resort/hotels/la_kawaguchiko
溫泉住宿推介｜2. 湖樂御宿 富士吟景
想用較平價位入住富士山景酒店，仲要浸埋溫泉，咁您可以考慮呢間「富士吟景」住宿！佢係一間傳統日系旅館，位於淺川溫泉街附近。所有房間、餐廳及頂樓露天風呂都望到富士山及整片河口湖景，甚至天氣好甚至有機會睇到逆富士山景色！露天風呂仲要係純正河口湖溫泉水，有改善血液循環、消除疲勞等功效，大約每位HK$700/晚就入住到呢間完美富士景觀住宿，CP值十分高！
地址：山梨縣南都留郡富士河口湖町淺川132
官網：https://www.fujiginkei.jp/
> “Art.is.try_scene” 分享高CP值富士吟景旅館好唔好<
溫泉住宿推介｜3. 富士湖酒店
富士湖酒店係一間開業90多年嘅老牌旅館，河口湖車站步行約10分鐘，酒店都提供接駁車服務來回酒店同河口湖站，十分方便。客房分為河口湖觀景房及富士山觀景房，可以按需要選擇房型。個別房型設有私人露天浴池之外，仲有大型露天溫泉及富士山景觀澡堂。而且自助早餐同天台觀景台都可以直接觀賞富士山，滿足唔同住客願望！
地址：山梨縣南都留郡富士河口湖町船津1
官網：https://www.fujilake.co.jp/
酒店推介｜4. 風之露台KUKUNA (淺川溫泉街)
風之露台KUKUNA同樣位於淺川溫泉街，裝修精緻到已經令人有種度假嘅感覺！建築設計有feel之外，配套當然都好齊備。除咗有包早餐同晚餐嘅一泊兩食之外，每間房都有特大露台直接見到富士山靚景，天氣好仲可以睇到逆富士山！溫泉亦分別有見到富士山嗁大眾浴池及私人風呂兩種選擇，而且仲提供由車站至酒店接駁車服務，但一日只有兩個班次，住客要留意啦！
地址：山梨縣南都留郡富士河口湖町淺川70
官網：https://kukuna.jp/
> ‘“思思賢 Chill My Babe” 詳細推介風之露台Kukuna酒店<
酒店推介｜5. 秀峰閣湖月
「秀峰閣湖月」係一間所有房型都面向富士山嘅四星級溫泉酒店！仲可以對住富士山浸溫泉或者足湯，露天溫泉除咗面向河口湖同富士山之外，同時可以感受山水畫嘅大自然景色，十分療癒！小編就推薦大家紅葉季去體驗，因為酒店距離河口湖紅葉迴廊只需步行3分鐘，睇完紅葉就即刻可以超方便！
地址：山梨縣南都留郡富士河口湖町河口2312
官網：https://www.kogetu.com.t.eg.hp.transer.com/
酒店推介｜6. MYSTAYS富士山展望
望到富士山嘅溫泉酒店價位都偏高，但呢間「MYSTAYS富士山展望温泉酒店」就可以用相對實惠嘅價錢實現到您嘅願望！店鄰近富士急樂園，想喺房入面見到富士山就要預訂「山景房」！頂層嘅天然溫泉展望大浴場及露天風呂可以直接見到富士山，自助早餐用餐位置都可以遠眺富士山，實在係高CP值享受！
地址：日本山梨縣富士吉田市新倉2654
官網：https://iconia.co.jp/hotel-mystays-fuji-onsen-resort-yamanashi/
> “jacko_dailylife” 打卡高性價比富士山景觀温泉酒店<
酒店推介｜7. 湖南荘
「湖南莊」都係其中一間熱門可以同時打卡富士山同河口湖景觀嘅溫泉旅館，位於河口湖畔，除咗有露天溫泉浴池外，仲有露天足湯，都可以望到富士山靚景，頂級享受！浸完溫泉㷫烚烚仲可以食到免費雪條，休息室仲有免費按摩椅，服務十分貼心！
地址：山梨縣南都留郡富士河口湖町船津4020-2
官網：https://www.konansou.com/zh-tw/
*想保證見到清晰富士山景，記得先查看富士見預報確保富士山天氣狀況。
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
-----------------
圖片來源：網上圖片、社群U Creator@癲癲、@Art.is.try_scene、@思思賢 Chill My Babe、@Billy Hernandez、@jacko_dailylife
#ULifestyle應用程式 #ULifestyleApp #社群 #UCreatorHK #MOMENTSwithUCreator #旅遊 #我的打卡地圖 #日本旅遊指南 #東京旅遊 #東京行程 #秋季必去 #河口湖 #富士山 #溫泉酒店 #溫泉 #溫泉旅館 #私人風呂 #富士山景酒店 #溫泉鄉
UTravel熱門旅遊話題
↓立即登記參加！賺取無上限現金賞💰↓
立即探索🔍最新熱門活動📍好去處推介🌟
