日本旅遊攻略
人生一定要至少去一次日本睇花火大會！以為花火大會係夏天專利嘅您就大錯特錯了，秋天都仲有得打卡璀璨花火！而且唔少人都會著住浴衣感受會場氣氛，秋季天氣清涼，更加唔怕悶熱，零負擔感受花火大會熱鬧氛圍！今日小編就整合咗一系列9-12月日本花火大會清單及注意事項，即將前往日本嘅您切勿錯過！
➤立即下載U Lifestyle App
➤詳細時間表及懶人包
Table of Contents
【回鄉必睇】日本旅遊終極指南！ 攞盡吃喝玩樂idea
返工返學太勞碌，係時候返鄉下抖下氣喇～🍁🧡社群一次過帶大家睇晒漫遊日本嘅終極指南！立即分享最新最潮嘅打卡熱點、隱世地道美食啦～
🎌更多日本旅遊行程指南
傳送門➡️ https://ulapp.hk/oku3x
日本秋季花火大會｜關西地區花火大會
日本秋季花火大會｜關西地區花火大會｜1. 大阪浪速淀川煙火大會
大阪秋季代表性嘅花火大會，非「浪速淀川煙火大會」莫屬！今年踏入第37屆，由民間團體為活化城市及凝聚社區而發起，更被稱為「都市型花火大會巔峰」。您可以輕鬆觀賞到煙花同音樂同步於水中綻放，仲有由頂級煙花師聯手打造嘅五大主題藝術煙花，飽覽一場視覺盛宴！
地址：大阪府大阪市淀川區新北野3丁目附近
日期：2025年10月18日
時間：19:30～20:30
交通：JR「塚本」站步行約14分鐘
設有付費觀賞席和免費觀賞區，官網睇詳情
日本秋季花火大會｜關西地區花火大會｜2. 夢洲萬博花火大會
2025國際觸目盛會「大阪萬博」特設嘅煙花表演「夢洲萬博花火大會」將於10月8日迎來最後一場！演出時長約5至10分鐘，由全國知名花火大會製作團隊輪流負責，為大眾呈獻日本頂尖嘅煙火技術，並推廣日本獨有嘅花火大會文化！
地址：夢洲南側護岸
日期：2025年10月8日
時間：19:30～20:30
交通：Osaka Metro中央線｢夢洲站｣步行可達
注意事項：購買門票後記得手機預約到場時間！
> “chiikawakaka” 詳細介紹萬博花火大會主題及詳細交通 <
日本秋季花火大會｜關西地區花火大會｜3. 神戶MINATO HANABI
想一場煙花兩種體驗，一定要趁10月去神戶感受下呢場免費花火大會！由10月20日至24日一連五日，每日唔同主題，會場設置咗大型擴音器，實現煙花同音樂共震嘅效果。分散型煙火直徑達110mm長，遠睇定係近睇都十分震撼！
地址：兵庫縣神戶市美利堅公園
日期：2025年10月20日至10月24日
時間：18:30 ～ 18:45
交通：JR神戶線 / 阪神電鐵「元町」站步行約10分鐘
日本秋季花火大會｜關東地區花火大會
日本秋季花火大會｜關東地區花火大會｜4. 熱海花火大會
熱海花火大會係日本唯一四季都有嘅花火大會，就算夏天去唔到睇都大把機會！秋冬場次將會施發3,000發煙火，完美結合火焰同音樂打造一場華麗花火盛宴。最值得一提嘅亮點一定係壓軸表演「空中尼加拉瀑布」，銀色煙花劃過海面相繼爆發，形成一塊「天空之鏡」！咁壯觀嘅視覺享受，一生人一定要去一次！
地址：日本靜岡縣熱海市熱海灣
日期：2025年10月13日、11月3日、12月7日
時間：20:20 ～ 20:40
交通：搭乘JR至熱海站步行15分鐘
> “karisaa_day” 同您分享熱海花火大會最佳觀賞位<
日本秋季花火大會｜關東地區花火大會｜5. 大曲花火大會 秋之章
日本三大花火大會之一 —— 大曲花火大會每年舉辦3次，夏天過後，秋天章節即將到來！被譽為「煙火界藝術祭」，以劇場形式展現約 8,000發藝術。人流相對冇夏季場咁多，因此可以靜心觀賞夜空中嘅璀璨花火，唔好錯過壓軸出場嘅「10號玉百連發」，畫面震撼到就好似睇咗場電影一樣～
地址：大曲花火公園（大曲雄物川河畔）
日期：2025年10月4日
時間：18:00 ～ 19:30
交通：JR大曲站徒步約30分鐘
日本秋季花火大會｜關東地區花火大會｜6. 土浦全國煙火競技大會
如果想睇頂尖煙火師嘅作品，就必不能錯過土浦全國煙火競技大會！佢同大曲花火大會、長岡祭大型花火大會並列為「日本三大花火大會」，集結全國頂尖煙火師嘅競技，包括星形連發煙火等多種唔同創意煙火，施發約20,000發煙花點亮夜空，花火迷一定要朝聖下！
地址：茨城縣土浦市櫻川畔（學園大橋附近）
日期：2025年11月1日
時間：17:30開始
交通：JR土浦站搭乘接駁班車
日本秋季花火大會｜關東地區花火大會｜7. 築西花火大會
想現場感受每小時2萬發煙火嘅震撼，一定要嚟茨城縣築西花火大會。親身觀賞由三大知名煙火師聯手合作嘅藝術作品。而且為慶祝築西市建市20週年，築西花火大會今年將會施放額外20連發尺玉煙火！附近仲有美食攤位，建議可以提早少少去買定糧食，霸個好位置觀賞！
地址：茨城縣筑西市道之驛Grand terrace築西周邊
日期：2025年10月18日
時間：18:00開始
詳細資訊睇官網
日本秋季花火大會｜關東地區花火大會｜8. 鴻巢煙火大會
鴻巢煙火大會由當地青商會為促進經濟同為小朋友帶來夢想而創辦，至今已成為關東地區初秋規模最大嘅花火盛會！約20,000發花火喺秋空中綻放，當中包括金氏世界紀錄認定世界上最大嘅「四尺玉」煙火，用音樂同花火譜出一場視覺同聽覺盛宴，絕對係埼玉縣最具代表性嘅花火大會！
地址：埼玉縣鴻巢市糠田運動場及荒川河川敷
日期：2025年10月11日
時間：17:30開始
交通：鴻巢站西口步行約30至40分鐘或轉乘計程車
花火大會詳情見官網
日本秋季花火大會｜入場注意事項
日本秋季花火大會｜花火大會注意事項&禮儀
✅提前準備好輕食和飲品
✅花火大會視乎當日天氣狀況而定
✅大部分花火大會劃分付費席/自由席，自由席建議提前到會場佔位
✅會場通常不設停車場，完場交通擠迫，建議預先查好交通路
> “chiikawakaka” 分享詳細日本花火大會小貼士<
日本秋季花火大會｜打卡小貼士
建議攜帶三腳架固定相機，將相機設置為全手動模式(M Mode)，光圈調至F8至F16，減少過曝機會，再將ISO設為最低的原生值以降低雜訊。
***因天氣因素或有變動，花火大會實際時間以官方作準。
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
✈️招募旅遊U Creator l 出Post賺旅費！
立即登記➡️ https://ulapp.hk/j9kzn
圖片來源：官方圖片、IG帳戶@minatohanabi、社群U Creator @karisaa_day、@katrinachoy526 、 @chiikawakaka 、 @お得翻譯君
#ULifestyle應用程式 #ULifestyleApp #社群 #UCreatorHK #TRAVELwithUCreator #MOMENTSwithUCreator #日本花火大會 #秋季花火大會 #花火大會 #熱海花火大會 #大阪 # #茨城縣 #打卡教學 #打卡 #人生必去 #煙花
日本9-12月有多場花火大會，包括大阪浪速淀川、夢洲萬博、神戶MINATO HANABI、熱海、大曲、土浦全國煙火競技、築西及鴻巢煙火大會。
UTravel熱門旅遊話題
＞登記即送，人人有賞！＜
立即探索🔍最新熱門活動📍好去處推介🌟
