日本旅遊攻略
韓國作為潮流集中地，每位去韓國旅行嘅潮女總係會忍唔住掃貨掃到空喼去，爆喼返！想用最實惠嘅價錢，入手最實用生活雜貨、美妝品、零食，一定要先逛韓國DAISO！今次社群就搜羅15種來自社群U Creator及網民推薦韓國大創DAISO必買高CP值好物清單，記得收藏低到時買手信就照住佢買啦！
【免費送您】IGGI 蒸氣掛燙+消毒護理套裝！
注重家居衛生必備，社群為您送上LAURASTAR IGGI蒸氣掛燙+消毒護理套裝！獨家DMS微細乾蒸氣技術除咗可以快速熨衫除皺，輕鬆消毒化妝掃！即日起至2025年9月18日，只需簡單登記，就有機會免費帶走IGGI蒸氣掛燙+消毒套裝啦！
韓國大創DAISO 15大實用好物推介｜必買護膚保健品清單
必買護膚保健品清單｜1. VT積雪草微針精華
提到韓國DAISO皇牌產品，呢個長期稱霸榜單第一嘅VT微針精華必定榜上有名，爆紅程度甚至風靡全日韓，各大貨架長期缺貨，一物難求！洗面後直接塗上VT微針精華，利用比毛孔更幼細嘅微針刺入角質層再滲入肌膚，再令膠原蛋白增生。DAISO隨身裝一盒有6支，只需₩3000(約HK$18)！
>即睇 “Chinglaammmmm” 開箱DAISO皇牌VT微針精華 <
必買護膚保健品清單｜2. DAILY COMMA 護手霜
韓國小眾香氛品牌DAILY COMMA近年爆紅，推出嘅護手霜當然都收獲大量好評，連韓國人都買爆！DAISO就有50ml細細支只需₩2000(約HK$12)，方便攜帶做手信都非常適合。當中「綠色麝香無花果」為人氣款，保濕又滋潤，日常需要用hand cream滋潤嘅您一定要買啦！
必買護膚保健品清單｜3. SUNGBOON EDITOR綠蕃茄毛孔精華
稱霸Olive Young TOP1嘅綠蕃茄精華喺韓國DAISO都有得買啦！提取綠番茄精華，有效收縮毛孔，提升肌膚緊緻度。韓國DAISO聯乘包裝為30ml，只需₩5000(約HK$30)！
>想知綠蕃茄精華仲有咩功效， “為食營養師Germ” 同你講多啲<
必買護膚保健品清單｜4. RGIII紅參防脫系列5件套
經常有脫髮煩惱嘅您有救了！韓國DAISO呢個熱銷爆款紅參防脫髮必入手！由韓國知名紅參企業KGC人蔘公社研發，5件套分別有：巨型潔淨棉棒、紅參頭皮磨砂膏、洗髮水、髮膜及頭皮精華，加埋總數都唔使HK$200，CP值爆表！含有高濃度「韓國紅蔘精華」及涼感成分，網民實測後聲稱甩髮量少咗一半，而且光澤感明顯提升！想試下係咪真係咁靈，即刻買返支俾自己您嘅脫髮星人朋友啦！
必買護膚保健品清單｜5. MEDIPEEL玻尿酸水潤保濕棉片
DAISO必買清單中，韓妹人手一盒嘅MEDIPEEL毛孔棉片必定榜上有名！呢藍色包裝主打保濕及收細毛孔，以8種玻尿酸及Aquaseal專利成份，妝前濕敷5分鐘就可以打造出水潤膚質，令底妝超貼服！而且韓國DAISO只需₩5000 (約HK$30)就可以入手，平住變靚靚！
必買護膚保健品清單｜6. CUREST免沖洗泡泡面膜
平時懶得敷mask又想變靚嘅您一定要入手呢個「CUREST免沖洗泡泡面膜」！洗完面之後擠啲泡泡出嚟，只需10秒就可以通過將泡泡按摩吸收，達到為肌膚注入水份嘅神奇功效啦！而且用完仲自帶清爽感，水光肌GET！價錢亦都係₩5000/盒 (約HK$30)，買返一盒俾自己同懶人朋友就最啱啦~
>由 “LuoLing0517” 同您介紹韓國Daiso熱賣爆水面膜<
必買護膚保健品清單｜7. 韓國DAISO限定凡士林面膜
去到韓國DAISO見到呢片「Vaseline凡士林面膜」建議可以閉眼入手！因為得韓國DAISO先有得買咋，而且唔好睇佢先₩1000一片(約HK$6)，意外地有超強保濕功效！綠色包裝係精華液質地，而藍色包裝則為乳液質地，韓國DAISO高性價比之冠一定非佢莫屬啊！
韓國大創DAISO 15大實用好物推介｜必買彩妝品清單
必買彩妝品清單｜8. IPKN&氣墊胭脂
韓國彩妝牌子IPKN同韓國Daiso聯名嘅子品牌IPKN&推出氣墊胭脂！外型小巧可愛，仲內置迷你鏡子同超柔軟氣墊粉撲，亦都因為佢係氣墊，所以用量都好易控制，唔會搽過龍~一共4色可選，每隻色都自然又帶少女感~而且一粒都係₩3000，包色都唔過分！
必買彩妝品清單｜9. Son&Park 唇頰兩用胭脂膏
想GET韓妹水光肌，一定要入手呢個韓國化妝師品牌Son&Park推出嘅熱賣款「唇頰兩用胭脂膏」！細細粒方便攜帶，質地水潤唔黏笠，而且搽一下已經好顯色！只需₩3000就用到「Chanel平替」，女生們冇理由唔買~~
>睇 “LuoLing0517” 分享Son&Park用後心得<
必買彩妝品清單｜10. GROWUS 瀏海定型噴霧
夏天出門絕對係有瀏海女生嘅地獄！！呢個由韓國專業護髮品牌GROWUS同Daiso聯名推出嘅瀏海定型噴霧喺Threads一面倒好評。₩3000就可以打造出「鋼鐵瀏海」，而且噴完瀏海都唔會變硬，仲可以維持蓬鬆感，簡直係瀏海女生福星！
必買彩妝品清單｜11. TAG雙色修容盤
提到修容化妝品牌，第一時間就醒起韓國知名彩妝牌子Too Cool For School！今次介紹嘅TAG就係Too Cool For School進駐韓國DAISO嘅子品牌，想當然一定係韓國大創嘅明星產品啦！一盒只需₩5,000 (約HK$30)，滿足您打亮同陰影兩個願望，甚至可以作為眼影使用。而且粉粒幼細，可以輕鬆修飾出自然立體嘅高鼻梁瓜子臉啊~
韓國大創DAISO 15大實用好物推介｜必買生活小物清單
必買生活小物清單｜12. Homemax防水噴霧
雨季想令雙腳維持清爽，有呢支DAISO防水噴霧一噴即防水，噴完唔使驚對鞋濕笠笠唔舒服啦！而且價錢比起出面鞋店買嘅防水噴霧更加實惠，只需₩3,000(約HK$18) 就可以實現衣物、鞋子乾爽自由，告別濕鞋同濕衫！
必買生活小物清單｜13. DAILY COMMA固體香膏
夏天容易出汗，難免會出現汗臭。上面提到嘅韓國香氛界新寵DAILY COMMA除咗有出護手霜之外，原來仲有固體香膏都係韓國大創必買好物。固體香膏以法式浪漫為靈感，共有4種質感香味，而且成份溫和不含酒精。細細支方便隨時補香，自然調香更可以令生活增添格調。一支4.7g固體香膏只需₩3,000 (約HK$18)！
必買生活小物清單｜14. 韓國DAISO EVA 5cm厚底拖鞋
無論係辦公室定係下雨天外出，都需要一對防水、耐著又著得舒服嘅拖鞋。DAISO完全可以令您用最低嘅價錢買到您最想要嘅拖鞋款式！呢對EVA厚底拖鞋更係網民熱推演唱會企位必著拖鞋，₩5,000(約HK$30)著完有增高效果之餘，仲可以減輕長時間站立嘅疲倦感，超實用！
韓國大創DAISO 20大實用好物推介｜必買零食手信清單
必買零食手信清單｜15. 趣味韓國國民零食
煲劇當然少不了香脆嘅零食作為宵夜良伴啦！喺韓國DAISO，您可以輕易發掘到零食寶藏！當中有好多得意形狀嘅棉花糖、國民拉麵牌子「安城湯麵」口味嘅脆口零食等等，深夜時分睇緊嘅您，小心口水啊！
🔔 Follow《U Communiy社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
招募旅遊Creator，分享旅行攻略賺旅費📸
立即登記➡️ https://ulapp.hk/j9kzn
圖片來源：韓國DAISO官網、社群U Creator @Chinglaammmmm、@為食營養師Germ、@跳跳虎、@LuoLing0517
#UCreatorHK #TRAVELwithUCreator #OOTDofUCreator #ULifestyle應用程式 #ULifestyleApp #UCommunity #社群 #社群創作有價企劃 #韓國大創 #韓國DAISO #DAISO #好物推介 #實用好物 #DAISO必買 #大創必買 #面膜 #平價美妝品 #美妝 #零食
UTravel熱門旅遊話題
↓主題追蹤人次突破二百萬!! 即刻重溫精彩時刻 ↓
↓即睇最新行程懶人包、爆紅打卡點🔥、必吃美食😋等↓
